ខ្មែរ៦នាក់បាត់ខ្លួនក្នុងទឹកដីលាវ ត្រូវបានរកឃើញហើយ
2011.01.24
លោក រដ្ឋា វីសាល អ្នកយកព័ត៌មានវិទ្យុអាស៊ីសេរីរាយការណ៍ឲ្យដឹងថា តម្រួតព្រំដែនប្រចាំការនៅតំបន់កើតហេតុ និងយោធាស្រុកសៀមប៉ាង បានស្វែងរកឃើញពួកគេនៅតំបន់ក្បែរទីកើតហេតុ តំបន់មួយក្នុងទឹកដីលាវ ហើយបានប្រមូលពួកគេឲ្យត្រឡប់ចូលមកក្នុងទឹកដីខ្មែរវិញ។
អភិបាលស្រុកសៀមប៉ាង លោក ស៊ី សូន មានប្រសាសន៍ឲ្យដឹងដែរថា ពលរដ្ឋខ្មែរទាំង ៦នាក់ នោះបានវង្វេងក្នុងព្រៃ ខណៈពេលមានការបាញ់រះមកក្រុមពលរដ្ឋខ្មែរទាំងនោះ ដែលកំពុងធ្វើដំណើរចូលទៅក្នុងទឹកដីលាវ។
លោកបន្តថា ពលរដ្ឋខ្មែរទាំងនោះឆ្លងដែនចូលដីលាវដោយខុសច្បាប់ ហើយករណីនេះអាជ្ញាធរស្រុកចាត់វិធានការជាមួយតម្រួតព្រំដែនខ្មែរ និងជួបពិភាក្សាជាមួយអាជ្ញាធរស្រុកមឿងខូង ខេត្តចំប៉ាសាក់ ប្រទេសលាវ ទប់ស្កាត់មិនឲ្យមានការលួចឆ្លងដែនខុសច្បាប់ចូលទៅដីលាវបន្តទៀត ៖ "យើងចាត់កម្លាំង ជាមួយវរការពារព្រំដែនហ្នឹង ទៅដេញគាត់ចេញ ប្រមូលគាត់មកស្រុក ឲ្យត្រឡប់ទៅវិញម៉ាង៉ៃពីរង៉ៃហើយតើ ព្រោះកម្លាំងឈរចាំជើងនៅហ្នឹងជាមួយយោធាស្រុក"។
កាលពីថ្ងៃសុក្រ ទី២១ ខែមករា ឆ្នាំ២០១១ សាក្សីដឹងហេតុការណ៍ឲ្យដឹងថា ពលរដ្ឋខ្មែរមួយក្រុម មានគ្នា ៩នាក់ មានទីលំនៅខេត្តក្រចេះ បានលួចឆ្លងដែននៅចំណុចអូរឡែរ ស្រុកសៀមប៉ាង ខេត្តស្ទឹងត្រែង ចូលទៅទឹកដីលាវ ក្នុងស្រុកមឿងខូង ខេត្តចំប៉ាសាក់ កាលពីថ្ងៃព្រហស្បតិ៍ ទី២០ ខែមករា ឆ្នាំ២០១១ ហើយត្រូវគេបាញ់ ក្នុងនោះពលរដ្ឋខ្មែរបីនាក់រត់រួចចូលមកទឹកដីខ្មែរវិញ ប៉ុន្តែពលរដ្ឋម្នាក់ក្នុងចំណោមបីនាក់រងរបួស បាញ់ត្រូវស្មាឆ្វេង ចំណែកពលរដ្ឋ ៦នាក់ទៀតរត់ចូលទៅទឹកដីលាវ។
ប្រភពមន្ត្រីស្រុកសៀមប៉ាងមួយរូបសុំមិនឲ្យបញ្ចេញឈ្មោះ ឲ្យដឹងថាពលរដ្ឋខ្មែរដែលលួចឆ្លងចូលទឹកដីលាវ ភាគច្រើននាំគ្នាប្រកបរបរខុសច្បាប់ មានការលូចកាប់ឈើ ប្រមាញ់សត្វ និងជួញដូរគ្រឿងញៀនជាដើម៕
រឿងដែលគេអានច្រើនបំផុត
RFA
- ធនាគារABA មិនព្រមបើកប្រាក់ជាង១ម៉ឺន ៥ពាន់ដុល្លារ ដែលឧបត្ថម្ភដល់បុគ្គលិកណាហ្គាវើលដ៍
- លោក គា សុគន្ធ អ្នកនិពន្ធគំរូក្នុងការឆ្លុះបញ្ចាំងការពិត និងបណ្ដុះស្មារតីស្នេហាជាតិ
- ថៃយល់ព្រមឱ្យកម្ពុជាប្រើពាក្យ «គុនខ្មែរ» ក្នុងព្រឹត្តិការណ៍ស៊ីហ្គេម២០២៣
- «ករណីឧកញ៉ា សៀង ចាន់ហេង ប្រគល់ដីឲ្យប្អូនស្រីនាយករដ្ឋមន្ត្រីបង្ហាញថា អ្នកធំតែងឈ្នះ»
- ក្រុមមន្ត្រីជាន់ខ្ពស់គណបក្សកាន់អំណាចប្រតិកម្មនឹងពលរដ្ឋខ្មែររស់នៅក្រៅប្រទេស ជេរប្រមាថលោក ហ៊ុន ម៉ាណែត តាមបណ្ដាញសង្គម
រឿងដែលគេអានច្រើនបំផុត
ព័ត៌មានថ្មីៗ
- លោក ហ៊ុន សែន បន្តប្រកាសថា នឹងការពារមិនឱ្យមានរដ្ឋប្រហារ ដើម្បីអភិវឌ្ឍប្រទេសឱ្យរីកចំរើន
- លោកខាងលិចចង់ឃើញការបោះឆ្នោតជាតិប្រព្រឹត្តទៅដោយសេរី និងយុត្តិធម៌ ក្រោយការចាប់ខ្លួនលោក ថាច់ សេដ្ឋា
- គណបក្សចំនួន៣ ចូលរួមប្រកួតដណ្ដើមកៅអីក្រុមប្រឹក្សាស្រុកក្រុងទើបបំបែកថ្មី
- ពលរដ្ឋចោទនគរបាលម្នាក់ដែលជាម្ចាស់ហាងពន្លឺជាប់ចិត្តនៅតាខ្មៅថា ប្រើកាំភ្លើងភ្ជង់ក្បាលយុវជន
- លោក រ៉ុង ឈុន នឹងដឹកនាំធ្វើធម្មយាត្រាលើកកម្ពស់សីលធម៌សង្គមនៅសប្តាហ៍ក្រោយ