ទេសចរ​វៀតណាម​នឹង​មិន​ចាំបាច់​សុំ​ទិដ្ឋាការ​ក្នុង​ការមក​លេង​ស្រុក​ខ្មែរ

មាន​ដំណឹង​ក្នុង​កាសែត​ភ្នំពេញ​ប៉ុស្តិ៍​កាលពី​ពាក់​កណ្តាល​សបា្តហ៍​មុន​ថា កម្ពុជា​នឹង​មិន​ចាំបាច់​ត្រូវការ​កំណត់​ឲ្យ​មាន​ទិដ្ឋាការ​ទេ​ចំពោះ​ជនជាតិ​យៀកណាម​បើ​ចង់​មក​លេង​កម្ពុជា​ជា​ទេសចរ។
ដោយ ហាស់ សាន
2008-11-02
អ៊ីម៉ែល
មតិ
Share
បោះពុម្ព

មន្រ្តី​រាជ​រដ្ឋាភិបាល​ប្រាប់​កាសែត​ថា មធ្យោបាយ​នេះ​គឺ​ធ្វើ​ដើម្បី​លើក​ទឹក​ចិត្ត​ទេសចរ​យៀកណាម​ឲ្យ​មក​ស្រុក​ខ្មែរ​កាន់តែ​ច្រើន​ថែម​ទៀត។

លោក ថោង ខុន រដ្ឋមន្រ្តី​ក្រសួង​ទេសចរណ៍​បញ្ជាក់​ទៀត​ថា រដ្ឋាភិបាល​រំពឹង​ថា ការ​មិន​តម្រូវ​ឲ្យ​មាន​ទិដ្ឋាការ​និង​កិច្ច​ព្រមព្រៀង​នាំ​ទំនិញ​ឆ្លង​កាត់​ប្រទេស​ជា​កត្តា​សំខាន់​ទាក់ទាញ​ទេសចរ។

គេ​រំពឹង​ថា កិច្ច​ព្រមព្រៀង​មួយ​អំពី​រឿង​នេះ​នឹង​ត្រូវ​ចុះ​ហត្ថលេខា​រវាង​គណៈប្រតិភូ​ខ្មែរ​និង​យៀកណាម​ក្នុង​ទស្សនកិច្ច​មួយ​ដឹកនាំ​ដោយ​លោក​នាយក​រដ្ឋមន្រ្តី ហ៊ុន សែន ទៅ​កាន់​ក្រុង​ហាណូយ នា​ថ្ងៃ​អង្គារ​សប្តាហ៍​នេះ៕

ព័ត៌មាន (0)
Share
គេហទំព័រ​ទាំងមូល