ខ្មែរចេះផលិតក្បឿងនិងឥដ្ឋមុនសម័យអង្គរ
ដោយ ឱម ឧត្តម
2010.05.02
2010.05.02
សាស្ត្រាចារ្យផ្នែកប្រវត្តិសាស្ត្រស្ថាបត្យកម្ម បណ្ឌិត សូ សុគន្ធារី អ្នកជំនាញជួសជុលប្រាសាទ មកពីសាកលវិទ្យាល័យវ៉ាសេដា ប្រទេសជប៉ុន មានប្រសាសន៍ឲ្យអ្នកយកព័ត៌មានវិទ្យុអាស៊ីសេរី លោក ឱម ឧត្តម ដឹងនៅថ្ងៃទី២ ខែឧសភា ថា ក្នុងអំឡុងសម័យមុនអង្គរ មនុស្សនៅលើដីខ្មែរ ចេះផលិតក្បឿង និងឥដ្ឋសម្រាប់ប្រើប្រាស់រួចជាស្រេចទៅហើយ។
បណ្ឌិត សូ សុគន្ធារី ថ្លែងបន្តថា តាមរយៈការយកសំណល់ក្បឿង និងឥដ្ឋ ទៅពិសោធន៍ជាមួយនឹងសារធាតុគីមីកាបូន១៤ ដើម្បីកំណត់អាយុកាលរបស់វត្ថុទាំងនោះ អ្នកស្រាវជ្រាវបានរកឃើញថា សំណល់ទាំងនេះ សុទ្ធតែមានអាយុកាលតាំងពីប្រហែល ៥០០ឆ្នាំ នៃគ្រិស្តសករាជមកម្ល៉េះ៕