កម្ពុជា-​ឡាវ​ពង្រឹង​កិច្ច​សហប្រតិបត្តិការ​ទប់​ស្កាត់​ការ​ជួញដូរ​គ្រឿង​ញៀន

ប្រទេស​កម្ពុជា និង​ប្រទេស​ឡាវ បាន​ព្រមព្រៀង​គ្នា​ពង្រឹង​កិច្ច​សហប្រតិបត្តិការ​គ្រប់គ្រង​សកម្មភាព​ជួញដូរ​គ្រឿង​ញៀន​ឆ្លង​ដែន​រវាង​ប្រទេស​ទាំង​ពីរ។
ដោយ កេសរណ្ណីយ្យា
2011.08.05
Share on WhatsApp
Share on WhatsApp

កិច្ច​ព្រមព្រៀង​រវាង​អាជ្ញាធរ​ជាតិ​ប្រឆាំង​គ្រឿង​ញៀន​នៃ​ប្រទេស​កម្ពុជា និង​ប្រទេស​ឡាវ ដែល​ចុះ​ហត្ថលេខា​កាល​ពី​ចុង​ខែ​កក្កដា នៅ​ខេត្ត​ចំប៉ាសាក់ ប្រទេស​ឡាវ បាន​ផ្ដោត​លើ​ចំណុច​សំខាន់ៗ ៥ រួម​មាន ផ្លាស់ប្ដូរ​បទពិសោធន៍ និង​ព័ត៌មាន​ស្ដីពី​ការ​គ្រប់គ្រង​ការ​ជួញដូរ​គ្រឿង​ញៀន បង្កើត​ការិយាល័យ​ទាក់ទង​នៅ​តាម​ខេត្ត​ជាប់​ព្រំដែន និង​ជំរុញ​ការ​អនុវត្ត​សេចក្ដី​ថ្លែងការណ៍​ក្នុង​កិច្ច​ប្រជុំ​លើក​ទី​១០ របស់​រដ្ឋមន្ត្រី​វៀតណាម កម្ពុជា និង ឡាវ កាល​ពី​ដើម​ខែ​ធ្នូ ឆ្នាំ​២០១០ ជា​ដើម។

របាយការណ៍​របស់​អាជ្ញាធរ​ជាតិ​ប្រយុទ្ធ​ប្រឆាំង​គ្រឿង​ញៀន​បាន​បញ្ជាក់​ថា ពួក​ឧក្រិដ្ឋជន​គ្រឿង​ញៀន​នៅ​តែ​ប៉ុនប៉ង​យក​កម្ពុជា ធ្វើ​ជា​កន្លែង​ផលិត​គ្រឿង​ញៀន និង​ធ្វើ​ការ​កែច្នៃ​ឱសថ​ដែល​មាន​ផ្ទុក​សារធាតុ​គ្រឿង​ញៀន​ខុស​ច្បាប់។

លោក កែ កឹមយ៉ាន ឧបនាយករដ្ឋមន្ត្រី និង​ជា​ប្រធាន​អាជ្ញាធរ​ជាតិ​ប្រយុទ្ធ​ប្រឆាំង​គ្រឿង​ញៀន ក្នុង​កិច្ច​ប្រជុំ​កំពូល​ស្ដីពី​បញ្ហា​គ្រឿង​ញៀន​នៅ​ក្រុង​ភ្នំពេញ កាល​ពី​ដើម​ខែ​មិថុនា ឆ្នាំ​២០១១ បាន​ឲ្យ​ដឹង​ថា កម្ពុជា​បង្កើន​កិច្ច​សហការ​ពី​គ្រប់​មជ្ឈដ្ឋាន​ដើម្បី​ទប់​ស្កាត់​បញ្ហា​ការ​ចរាចរ​គ្រឿង​ញៀន​នេះ ៖ «ពង្រឹង​ភាព​ជា​ដៃគូ​ជាមួយ​សហគមន៍​អ្នក​ផ្ដល់​ជំនួយ សហគមន៍​ជាតិ និង អន្តរជាតិ អង្គការ​សង្គម​ស៊ីវិល វិស័យ​ឯកជន និង​សប្បុរសជន ដើម្បី​កៀរគរ​លើក​ទឹក​ចិត្ត​ឲ្យ​ចូល​រួម​ក្នុង​ការ​ប្រយុទ្ធ​ប្រឆាំង ទាំង​នៅ​ថ្នាក់​ជាតិ និង​ថ្នាក់​ក្រោម​ជាតិ…»

ប្រទេស​កម្ពុជា ទទួល​រង​ផល​ប៉ះពាល់​ពី​បញ្ហា​គ្រឿង​ញៀន​គ្រប់​ប្រភេទ ទាំង​ពី​ពាក់​កណ្ដាល​ទសវត្សរ៍​៩០។ គ្រឿង​ញៀន​ខុស​ច្បាប់​ហូរ​ចូល​មក​កម្ពុជា ភាគ​ច្រើន​តាម​ច្រក​នៃ​បណ្ដា​ខេត្ត​ដែល​ស្ថិត​នៅ​ភាគ​ឦសាន​នៃ​ប្រទេស៕

រឿង​ដែល​គេ​អាន​​ច្រើន​បំផុត
ព័ត៌មាន​ថ្មីៗ
អ្នកវិភាគ​ថា លោក ហ៊ុន ម៉ាណែត បកស្រាយ​បំភ្លៃ​ច្បាប់​បោះឆ្នោត​ជ្រើសតាំង​តំណាងរាស្ត្រ
បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

មតិយោបល់៖

Anonymous
Mar 24, 2012 11:42 PM

មានតែពង្រីកគ្មានទេកិច្ចសហប្រិត្តិការទប់ស្កាត់នោះកុំចាញ់បោក៕

Anonymous
Mar 24, 2012 11:35 PM

ពង្រីកច្រើនជាងពង្រឹងនឹងហើយមិនបាច់ឆ្ងល់ទេ៕

Anonymous
Aug 05, 2011 10:20 PM

សហប្រត្តិការពង្រឹងឬពង្រីក?