ទីភ្នាក់ងារព័ត៌មានចិន Xinhua បានដកស្រង់ប្រសាសន៍រដ្ឋលេខាធិការក្រសួងពាណិជ្ជកម្ម លោក ម៉ៅ ថូរ៉ា បានឲ្យដឹងថា ពាណិជ្ជកម្មរវាងខ្មែរនិងថៃ នៅឆ្នាំ២០០៨ មានតម្លៃទាំងអស់ ១ពាន់៨រយលានដុល្លារអាមេរិក កើនលើសឆ្នាំ២០០៧ ដែលមានតម្លៃតែប្រមាណ ១ពាន់៤រយលានដុល្លារអាមេរិកនោះទេ។
លោករដ្ឋលេខាធិការបានកត់សម្គាល់ថា កំណើននេះភាគច្រើនកើតពីការនាំចូលទំនិញពីថៃ ដោយកម្ពុជានាំចេញទៅប្រទេសថៃ តែ ២០០លានដុល្លារប៉ុណ្ណោះ ដែលរួមមានធញ្ញជាតិ ថ្នាំជក់ ស្បែកសត្វ កៅស៊ូ ឈើ និងកាកសំណល់ជជុះ។
ក្នុងចំណោមទំនិញនាំចូលពីថៃ មានរថយន្តសម្ភារៈសំណង់ ប្រេងឥន្ធនៈ គ្រឿងភេសជ្ជៈ ម្ហូបអាហារ និងឧបករណ៍អេឡិចត្រូនិក៕