ការ​នាំ​សម្លៀក​បំពាក់​ចេញ​មាន​ការ​កើន​ឡើង​នៅ​ឆ្នាំ​២០១០

មន្ត្រី​ជាន់​ខ្ពស់​ក្រសួង​ពាណិជ្ជកម្ម បាន​មាន​ប្រសាសន៍​នៅ​ថ្ងៃ​ទី​២៧ ខែ​មករា​ថា ចំនួន​ការ​នាំ​ចេញ​សម្លៀក​បំពាក់​ទៅ​បរទេស​នៅ​ឆ្នាំ​២០១០ មាន​បរិមាណ​កើន​ជាង​ឆ្នាំ​២០០៩ ហើយ​តម្លៃ​នាំ​ចេញ​នោះ​មាន​ចំនួន​ទឹក​ប្រាក់​ប្រហែល ៣​ពាន់​លាន​ដុល្លារ។
ដោយ កែវ និមល
2011.01.28
Share on WhatsApp
Share on WhatsApp

លោក ប៉ាន់ សូរស័ក្តិ រដ្ឋលេខាធិការ​ក្រសួង​ពាណិជ្ជកម្ម បាន​មាន​ប្រសាសន៍​ថា ក្នុង​ចំនួន​ខោ​អាវ​នាំ​ចេញ​ទៅ​បរទេស​ទាំង​អស់​នោះ ការ​នាំ​ចេញ​ទៅ​អាមេរិក​មាន​ប្រមាណ ១០% ប៉ុណ្ណោះ ហើយ​បរិមាណ​ខោ​អាវ​នាំ​ទៅ​អឺរ៉ុប​មាន​ចំនួន​ច្រើន​ជាង​គេ។

លោក​មាន​ប្រសាសន៍​ទៀត​ថា ៖ «យើង​មាន​សុទិដ្ឋិនិយម​ខ្ពស់ ព្រោះ​វា​ចេះ​តែ​ឡើង​ហើយ។ដោយសារ​ទី​មួយ​វា​មាន​ប្រទេស​អឺរ៉ុប ឬ​ហៅ​ថា អ៊ីយូ (EU) គាត់​មាន​ការ​ទន់​ភ្លន់​ក្នុង​ការ​អនុញ្ញាត​ឲ្យ​យើង​ផលិត​ខោ​អាវ​នោះ គេ​មាន​ច្បាប់​ទន់ភ្លន់​ជាង​មុន។ ចាប់​ពី​ឆ្នាំ​ទី​១១​នេះ​ទៅ ដូច​នេះ​គេ​មាន​ច្បាប់​ទន់ភ្លន់​ជាង​មុន ដោយសារ​គេ​ហៅ​ថា ប្រភព​នៃ​ខោ​អាវ​នោះ​វា​មាន​ទន់ភ្លន់​ជាង​មុន»

លោក ប៉ាន់ សូរស័ក្តិ បាន​មាន​ប្រសាសន៍​ឲ្យ​អ្នក​កាសែត​ដឹង​ផង​ដែរ​ថា ក្រៅ​ពី​ការ​នាំ​ចេញ​ខោ​អាវ​ទៅ​ទីផ្សារ​អឺរ៉ុប កម្ពុជា​បាន​នាំ​ចេញ​ស្បែក​ជើង​ទៅ​កាន់​ប្រទេស​ជប៉ុន​ផង​ដែរ៕

រឿង​ដែល​គេ​អាន​​ច្រើន​បំផុត
ព័ត៌មាន​ថ្មីៗ
គណបក្ស​ចំនួន​៣ ចូលរួម​ប្រកួត​ដណ្ដើម​កៅអី​ក្រុមប្រឹក្សា​ស្រុក​ក្រុង​ទើប​បំបែក​ថ្មី
បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។