សមាគមគ្រូទទួលលិខិតសុំឲ្យជួយអន្តរាគមន៍បញ្ហាការចូលនិវត្តន៍របស់មន្ត្រីរាជការ
2009.01.05
លោក រ៉ុង ឈុន ប្រធានសមាគមគ្រូបង្រៀនឯករាជ្យមានប្រសាសន៍បញ្ជាក់ថា ៖ «មន្រ្តីនៅក្រោមឱវាទខុទ្ទកាល័យក្រសួងអប់រំ ហើយក៏ដូចជាមន្រ្តីគ្រូបង្រៀននៅតាមបណ្ដាខេត្តដែលគាត់បានធ្វើការទាមទារឲ្យសមាគមធ្វើការអន្តរាគមន៍ទៅក្រសួងអប់រំដើម្បីឲ្យមន្រ្តីថ្នាក់ដឹកនាំមួយចំនួនដល់អាយុចូលនិវត្តន៍ តែគាត់មិនព្រមចូលនិវត្តន៍ហើយគាត់បានកំពុងរត់ការពន្យារអាយុដើម្បីធ្វើការបន្តទៀត ហើយយើងចង់ឲ្យអ្នកដែលដល់អាយុចូលនិវត្តន៍ត្រូវតែចូលនិវត្តន៍ ដើម្បីទប់ឱកាសឲ្យនិស្សិតដែលចប់ពីមហាវិទ្យាល័យបានមកចូលបម្រើការងារផង»។
ស្តីពីការចូលនិវត្តន៍ដែលអ្នករាជការខ្មែរភាគច្រើនតែងតែសុំបន្តអាយុបន្តធ្វើការមិនព្រមចុះចេញពីតំណែងនេះ លោក រ៉ុង ឈុន មានប្រសាសន៍ថា កាលណាដល់អាយុចូលនិវត្តន៍ត្រូវតែចូលនិវត្តន៍ពុំមានច្បាប់ឬប្រកាសឬលក្ខខណ្ឌណាមួយអនុញ្ញាតឲ្យបន្តអាយុមិនចេះចប់នោះឡើយ។
លោក រ៉ុង ឈុន បានបញ្ជាក់ថា ៖ «ខ្ញុំបានឃើញប្រកាសរបស់ក្រសួងជាបន្តបន្ទាប់ ហើយកាលលើកមុនមន្រ្តីចូលនិវត្តន៍ត្រឹមតែ៥០ឆ្នាំទេ ហើយបន្ទាប់ពីចុងឆ្នាំ២០០០ហ្នឹង ឃើញថាមានសេចក្ដីប្រកាសថាដល់អាយុ៦០ លិខិតរបស់រដ្ឋាភិបាលហ្នឹង។ អ៊ីចឹងត្រង់ថា ពន្យារអីហ្នឹង វាអត់មានលក្ខខណ្ឌណាដែលលើកអះអាងឲ្យមានលក្ខខណ្ឌពន្យារសម្រាប់ការចូលនិវត្តន៍ទេ បើដល់អាយុចូលនិវត្តន៍ត្រូវតែចូលនិវត្តន៍តែម្ដង ទោះបីការងារល្អក្ដី មិនល្អក្ដីគាត់ត្រូវតែចូលនិវត្តន៍ ដល់អាយុហើយមិនព្រមចូលនិវត្តន៍ អ៊ីចឹងក្មេងជំនាន់ក្រោយគាត់មិនមានឱកាសនឹងបម្រើការងាររដ្ឋទេ។ អ៊ីចឹងដោយសារតែយើងមើលឃើញបែបហ្នឹង យើងចង់ឲ្យផ្ដល់ឱកាសឲ្យមនុស្សជំនាន់ក្រោយបានចូលបម្រើការងាររដ្ឋផង អ៊ីចឹងអ្នកដែលដល់អាយុត្រូវតែចូលនិវត្តន៍ទៅតាមច្បាប់កំណត់»។
ក្នុងលិខិតអនាមិករបស់លោកគ្រូ អ្នកគ្រូ សាស្រ្តាចារ្យ និងមន្ត្រីរាជការក្រសួងអប់រំ យុវជន និងកីឡា មានបញ្ជីឈ្មោះមន្រ្តីនៃនាយកដ្ឋានក្រសួងអប់រំ យុវជន និងកីឡា ចំនួន១៣នាក់ដែលគេអះអាងថា លោករដ្ឋមន្ត្រី អ៊ឹម សុទ្ធី បានពន្យារអាយុមិនឲ្យចូលនិវត្តន៍តាមកាលកំណត់។
អន្តរាគមន៍របស់សមាគមគ្រូបង្រៀនឯករាជ្យជាលិខិតជូនលោករដ្ឋមន្ត្រី អ៊ឹម សុទ្ធី ចុះថ្ងៃច័ន្ទ ទី៥ មករានេះ នៅពុំទាន់មានចម្លើយបំភ្លឺយ៉ាងណាពីខាងក្រសួងអប់រំ យុវជន និងកីឡា នៅឡើយទេ៕
អត្ថបទពេញនិយម
RFA
- សាលាដំបូងរាជធានីភ្នំពេញ តម្កល់សាលក្រមកំបាំងមុខទៅលើប្រធានសហជីព លោក ម៉ម រិទ្ធី ឱ្យជាប់ពន្ធនាគារ ១៨ខែ
- ពលរដ្ឋ និងអ្នកការពារសិទ្ធិមនុស្សធ្វើធម្មយាត្រាពីក្រុងកំពតមកភ្នំពេញ ដើម្បីលើកកម្ពស់ការគោរពសិទ្ធិមនុស្ស
- លោក ហ៊ុន សែន ស្នើមេដឹកនាំចិនឱ្យផ្ដល់ជំនួយ និងប្រាក់កម្ចីបន្ថែម ក្នុងគ្រាដែលកម្ពុជាអាចប្រឈមនឹងទណ្ឌកម្មសេដ្ឋកិច្ចពីសំណាក់សហភាពអឺរ៉ុប
- អ្នកវិភាគជំរុញឱ្យលោក ហ៊ុន ម៉ាណែត ឱ្យក្លាហានហ៊ាននិយាយជាមួយអ្នកសារព័ត៌មាន
- សភាអឺរ៉ុប ជំរុញឱ្យសើរើប្រព័ន្ធអនុគ្រោះពន្ធ EBA នៅសល់៨០% និងដាក់ទណ្ឌកម្មជាក់លាក់លើរដ្ឋាភិបាលកម្ពុជា
អត្ថបទពេញនិយម
ព័ត៌មានថ្មីៗ
- លោក ហ៊ុន សែន ប្ដេជ្ញាបន្តប្រកាន់ជំហរគោលនយោបាយចិនតែមួយ និងថា ប្រទេសចិនបានជួយនយោបាយកម្ពុជាឱ្យមានឯករាជ្យ
- អ្នកឃ្លាំមើលចាត់ទុកដំណើរទស្សនកិច្ចលោក ហ៊ុន សែន ទៅចិន គឺជាការពង្រឹងអំណាច និងស្វែងរកកម្ចីពីចិនបន្ថែម
- អ្នកឃ្លាំមើលជំរុញឱ្យស៊ើបអង្កេតករណីសពមនុស្ស ២នាក់ គ្មានអត្តសញ្ញាណ ត្រូវបានយកទៅបោះចោល
- កម្ពុជា និងចិនប្ដេជ្ញាបន្តរឹតចំណងមិត្តភាពដើម្បីកសាងជោគវាសនាប្រទេសជាតិរួមគ្នា
- បទសម្ភាសន៍អ្នកស្រី ធិត គឹមហ៊ុន អំពីការធ្វើសមាជរបស់ពលរដ្ឋខ្មែរ-អាម៉េរិកាំងរឿងកោះគជ់