ថ្នាក់ដឹកនាំព្រះពុទ្ធសាសនានិងព្រះសង្ឃប្រមាណ៥៧០អង្គ ដែលនិមន្តមកពីប្រទេសកម្ពុជា ឡាវ និងវៀតណាម បានចូលរួមនៅក្នុងសន្និសីទថ្នាក់ដឹកនាំព្រះពុទ្ធសាសនាលើកទី១ កាលពីថ្ងៃទី១២ខែវិច្ឆិកា នៅក្នុងទីក្រុងវៀងច័ន្ទ ប្រទេសឡាវ ដោយបានឯកភាពគ្នាថានឹងចូលរួមសហការគ្នាលើកកម្ពស់វិស័យព្រះពុទ្ធសាសនានៅក្នុងប្រទេសទាំងបីនេះ។
សាស្ត្រាចារ្យសាលាវិចិត្រសិល្បៈ បានបង្ហាញក្តីសង្ឃឹមឡើងវិញ ក្នុងការស្វែងរកអ្នកបន្តវេនជំនាញ សិល្បៈបុរាណ ក្រោយសាលាមធ្យមសិក្សាវិចិត្រសិល្បៈ បានបើកសម័យប្រឡងជ្រើសរើសសិស្ស ដែលមានឧបនិស្ស័យសិល្បៈ ទទួលបានសិស្សកើនឡើងជាង១រយនាក់ បើប្រៀបនឹងឆ្នាំកន្លងទៅ។
ក្នុងអំឡុងពេលពលរដ្ឋខែ្មរទូទាំងប្រទេស កំពុងប្រារព្ធពិធីបុណ្យកាន់បិណ្ឌតាមទំនៀមទម្លាប់ ពួកគេតែងតែគ្នាក្រោកពីព្រឹកព្រហាម ដើម្បីទៅបាយបិណ្ឌជុំវិញព្រះវិហារនៅតាមវត្តអារាមនីមួយៗ។
ក្នុងឱកាសដែលពលរដ្ឋកម្ពុជាកំពុងប្រារព្ធពិធីបុណ្យកាន់បិណ្ឌ ដែលមាន រយៈពេល ១៥ថ្ងៃ គេក៏សង្កេតឃើញថា នៅតាមវត្តអារាមនានា មានរៀបចំកន្លែងពូនភ្នំខ្សាច់ផងដែរ។ តើពលរដ្ឋខ្មែរមានជំនឿយ៉ាងណាក្នុងពិធីពូនភ្នំខ្សាច់នារដូវភ្ជុំនេះ?
