សាលាក្ដីនឹងមានលុយបើកឲ្យបុគ្គលិកក្នុងពេល២ឬ៣សប្ដាហ៍ទៀត
2012.02.28
លោក នេត្រ ភក្ត្រា មន្ត្រីនាំពាក្យសាលាក្ដីខ្មែរក្រហម បានបញ្ជាក់បន្ថែមទៀតថា ប្រទេសជប៉ុន ជាសហប្រធានប្រទេសម្ចាស់ជំនួយ នឹងប្រកាសជាផ្លូវការនូវទឹកប្រាក់សរុបដែលប្រទេសម្ចាស់ជំនួយបានសន្យាផ្ដល់ឲ្យសាលាក្ដីខ្មែរក្រហម។
ប្រតិភូសាលាក្ដីខ្មែរក្រហមក្នុងកិច្ចប្រជុំជាមួយប្រទេសម្ចាស់ជំនួយសាលាក្ដីខ្មែរក្រហម នៅឯអង្គការសហប្រជាជាតិ នៅបុរីញីវយ៉ក (New York) សហរដ្ឋអាមេរិក កាលពីសប្ដាហ៍មុន បានស្នើសុំប្រទេសម្ចាស់ជំនួយនូវថវិកាប្រមាណ ៨៩លានដុល្លារសម្រាប់រយៈពេល ២ឆ្នាំ។
មន្ត្រីឲ្យដឹងទៀតថា សាលាក្ដីខ្មែរក្រហមផ្នែកជាតិគ្មានសាច់ប្រាក់សម្រាប់បើកប្រាក់ខែឲ្យបុគ្គលិកចាប់តាំងពីខែតុលា ឆ្នាំ២០១១ មក។ មន្ត្រីតុលាការខ្មែរក្រហមចំនួន ១០នាក់ បានដាក់ពាក្យសុំឈប់ធ្វើការជាបណ្ដោះអាសន្ន ចាប់ពីខែមីនា ឆ្នាំ២០១២ ប្រសិនបើសាលាក្ដីមិនបើកប្រាក់ខែឲ្យពួកគេ៕
កំណត់ចំណាំ៖ ចំពោះអ្នកបញ្ចូលមតិនៅក្នុងអត្ថបទនេះ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណាដែលមិនជេរប្រមាថដល់អ្នកដទៃតែប៉ុណ្ណោះ។