ពលរដ្ឋរស់នៅខេត្តក្រចេះ កំពង់ធំ ស្ទឹងត្រែង ព្រះវិហារ និងខេត្តរតនគិរី ចាត់ទុកគ្រោះធម្មជាតិខ្យល់កន្ទ្រាក់ និងអាកាសធាតុក្ដៅក្នុងឆ្នាំ ២០១៩នេះ កំពុងគំរាមកំហែងជីវភាពរស់នៅ និងបំផ្លាញទ្រព្យសម្បត្តិ សត្វពាហនៈរបស់អ្នកភូមិធ្ងន់ធ្ងរ។
មន្ត្រីសង្គមស៊ីវិល ប្រជាពលរដ្ឋនៅខេត្តភាគឦសាន កំពុងបារម្ភយ៉ាងខ្លាំងអំពីការខ្វះខាតទឹកប្រើប្រាស់ ទាំងទឹកស្អាតសម្រាប់មនុស្ស ទឹកស្រោចស្រពដំណាំ និងសម្រាប់សត្វពាហនៈ។
អាជ្ញាធរក្រុងភ្នំពេញ បានចូលរួមកាយសំរាមចេញពីប្រឡាយទឹកស្អុយបឹងត្របែក និងបឹងសាឡាង ក្រោយរងការរិះគន់ និងបន្ទាប់ពីយុវជនមួយក្រុម បានធ្វើយុទ្ធនាការប្រមូលសំរាមដើម្បីប្រែក្លាយភ្នំពេញជាទីក្រុងគ្មានសំរាម និងគ្មានដីហុយ ជិតពីរសប្ដាហ៍ទៅហើយ។
ប្រជាពលរដ្ឋនៅស្រុកគាស់ក្រឡលើកឡើងថា បញ្ហាទឹកប្រើប្រាស់ជារឿងធំចម្បង និងត្រូវការចាំបាច់ក្នុងជីវិតប្រចាំថ្ងៃរបស់ពួកគាត់ ហើយអំពាវនាវសុំឲ្យអាជ្ញាធរពាក់ព័ន្ធជួយពួកគាត់ជាបន្ទាន់ ព្រោះពួកគាត់មិនអាចដោះស្រាយបញ្ហានេះបានទេ។
