ពលរដ្ឋ​ឃុំ​ស្រែគរ​នៅ​តែ​មិន​ព្រម​ចាកចេញ​ទោះ​បី​ជា​ទឹក​ជន់​លិច​ភូមិ

ដោយ ម៉ែន សុធីរ
2017.07.30
ទឹក​លិច​ភូមិ​ស្រែគរ ស្ទឹងត្រែង ២០១៧ ១៤៤០ ទិដ្ឋភាព​ទឹក​លិច​ភូមិ​ស្រែគរ (ចាស់) ឃុំ​ស្រែគរ ស្រុក​សេសាន ខែត្រ​ស្ទឹងត្រែង នៅ​ថ្ងៃ​ទី​២៩ ខែ​កក្កដា ឆ្នាំ​២០១៧។
RFA/Men Sothyr
ទឹក​លិច​ភូមិ​ស្រែគរ សេសាន ១៤៤០

ទិដ្ឋភាព​ទឹក​លិច​ភូមិ​ស្រែគរ (ចាស់) ឃុំ​ស្រែគរ ស្រុក​សេសាន ខែត្រ​ស្ទឹងត្រែង នៅ​ថ្ងៃ​ទី​២៩ កក្កដា ឆ្នាំ​២០១៧។ RFA/Men Sothyr

2

ទិដ្ឋភាព​ទឹក​លិច​ភូមិ​ស្រែគរ (ចាស់) ឃុំ​ស្រែគរ ស្រុក​សេសាន ខែត្រ​ស្ទឹងត្រែង នៅ​ថ្ងៃ​ទី​២៩ កក្កដា ឆ្នាំ​២០១៧។ RFA/Men Sothyr

3

ទិដ្ឋភាព​ទឹក​លិច​ភូមិ​ស្រែគរ (ចាស់) ឃុំ​ស្រែគរ ស្រុក​សេសាន ខែត្រ​ស្ទឹងត្រែង នៅ​ថ្ងៃ​ទី​២៩ កក្កដា ឆ្នាំ​២០១៧។ RFA/Men Sothyr

ទឹក​លិច​ភូមិ​ស្រែគរ សេសាន ១៤៤០

ទិដ្ឋភាព​ទឹក​លិច​ភូមិ​ស្រែគរ (ចាស់) ឃុំ​ស្រែគរ ស្រុក​សេសាន ខែត្រ​ស្ទឹងត្រែង នៅ​ថ្ងៃ​ទី​២៩ កក្កដា ឆ្នាំ​២០១៧។ RFA/Men Sothyr

5

ទិដ្ឋភាព​ទឹក​លិច​ភូមិ​ស្រែគរ (ចាស់) ឃុំ​ស្រែគរ ស្រុក​សេសាន ខែត្រ​ស្ទឹងត្រែង នៅ​ថ្ងៃ​ទី​២៩ កក្កដា ឆ្នាំ​២០១៧។ RFA/Men Sothyr

ទឹក​លិច​ភូមិ​ស្រែគរ សេសាន ១៤៤០

ទិដ្ឋភាព​ទឹក​លិច​ភូមិ​ស្រែគរ (ចាស់) ឃុំ​ស្រែគរ ស្រុក​សេសាន ខែត្រ​ស្ទឹងត្រែង នៅ​ថ្ងៃ​ទី​២៩ កក្កដា ឆ្នាំ​២០១៧។ RFA/Men Sothyr

ទឹក​លិច​ភូមិ​ស្រែគរ សេសាន ១៤៤០

ទិដ្ឋភាព​ទឹក​លិច​ភូមិ​ស្រែគរ (ចាស់) ឃុំ​ស្រែគរ ស្រុក​សេសាន ខែត្រ​ស្ទឹងត្រែង នៅ​ថ្ងៃ​ទី​២៩ កក្កដា ឆ្នាំ​២០១៧។ RFA/Men Sothyr

ទឹក​លិច​ភូមិ​ស្រែគរ សេសាន ១៤៤០

ទិដ្ឋភាព​ទឹក​លិច​ភូមិ​ស្រែគរ (ចាស់) ឃុំ​ស្រែគរ ស្រុក​សេសាន ខែត្រ​ស្ទឹងត្រែង នៅ​ថ្ងៃ​ទី​២៩ កក្កដា ឆ្នាំ​២០១៧។ RFA/Men Sothyr

ទឹក​លិច​ភូមិ​ស្រែគរ សេសាន ១៤៤០

ទិដ្ឋភាព​ទឹក​លិច​ភូមិ​ស្រែគរ (ចាស់) ឃុំ​ស្រែគរ ស្រុក​សេសាន ខែត្រ​ស្ទឹងត្រែង នៅ​ថ្ងៃ​ទី​២៩ កក្កដា ឆ្នាំ​២០១៧។ RFA/Men Sothyr

ទឹក​លិច​ភូមិ​ស្រែគរ សេសាន ១៤៤០

ទិដ្ឋភាព​ទឹក​លិច​ភូមិ​ស្រែគរ (ចាស់) ឃុំ​ស្រែគរ ស្រុក​សេសាន ខែត្រ​ស្ទឹងត្រែង នៅ​ថ្ងៃ​ទី​២៩ កក្កដា ឆ្នាំ​២០១៧។ RFA/Men Sothyr

ទឹក​លិច​ភូមិ​ស្រែគរ សេសាន ១៤៤០

ទិដ្ឋភាព​ទឹក​លិច​ភូមិ​ស្រែគរ (ចាស់) ឃុំ​ស្រែគរ ស្រុក​សេសាន ខែត្រ​ស្ទឹងត្រែង នៅ​ថ្ងៃ​ទី​២៩ កក្កដា ឆ្នាំ​២០១៧។ RFA/Men Sothyr

ទឹក​លិច​ភូមិ​ស្រែគរ សេសាន ១៤៤០

ទិដ្ឋភាព​ទឹក​លិច​ភូមិ​ស្រែគរ (ចាស់) ឃុំ​ស្រែគរ ស្រុក​សេសាន ខែត្រ​ស្ទឹងត្រែង នៅ​ថ្ងៃ​ទី​២៩ កក្កដា ឆ្នាំ​២០១៧។ RFA/Men Sothyr

13

ទិដ្ឋភាព​ទឹក​លិច​ភូមិ​ស្រែគរ (ចាស់) ឃុំ​ស្រែគរ ស្រុក​សេសាន ខែត្រ​ស្ទឹងត្រែង នៅ​ថ្ងៃ​ទី​២៩ កក្កដា ឆ្នាំ​២០១៧។ RFA/Men Sothyr

ទឹក​ទន្លេ​សេសាន​នៅ​ភូមិ​ស្រែគរ​ចាស់ ឃុំ​ស្រែគរ ស្រុក​សេសាន ខែត្រ​ស្ទឹងត្រែង ស្រក​ជិត ៣​តឹក បើ​ធៀប​កម្ពស់​ទឹក​ទន្លេ​កាល​ពី​ថ្ងៃ​ទី​២៩ កក្កដា។ អ្នក​ភូមិ​ដែល​បដិសេធ​មិន​ទទួល​សំណង ហាក់​មិន​ខ្លាច​រអា​ចំពោះ​ទឹក​ជំនន់​ដែល​កំពុង​គំរាម​កំហែង​លំនៅឋាន​ពួក​គាត់​ទេ តែ​ពួក​គាត់​បាន​ចោទ​អាជ្ញាធរ​ថា នៅ​តែ​បញ្ជូន​កម្លាំង​ចម្រុះ​ប្រដាប់​អាវុធ​ឈរ​ជើង​ច្រើន​កន្លែង​នៅ​ច្រក​ផ្លូវ​ចូល​ឃុំ​ស្រែគរ និង​បាន​រារាំង​អ្នក​ខាង​ក្រៅ​មិន​ឲ្យ​ចូល​សួរ​សុខ​ទុក្ខ​ពួក​គាត់។

ក្រុមហ៊ុន​វារីអគ្គិសនី​សេសាន​ក្រោម​ពីរ បាន​បិទ​ទ្វារ​ទឹក​សាកល្បង​អស់​រយៈពេល ១៦​ថ្ងៃ ខណៈ​ទឹក​ទន្លេ​បាន​ឡើង​លិច​ភូមិ និង​លំនៅឋាន​អ្នក​ភូមិ​ស្រែគរ​ចាស់ ៣​ថ្ងៃ​ហើយ​ដែរ គិត​ត្រឹម​ថ្ងៃ​ទី​៣០ កក្កដា។ អ្នក​ភូមិ​មួយ​ចំនួន​បាន​នាំ​គ្នា​ជញ្ជូន​សម្ភារៈ​ទៅ​កាន់​ទីទួល​ខ្ពស់ និង​លើ​ផ្ទះ រីឯ​សត្វ​ចិញ្ចឹម ពួក​គាត់​បាន​យក​ទៅ​ទុក​លើ​ទីទួល​សុវត្ថិភាព។

ពលរដ្ឋ​ដែល​បដិសេធ​មិន​ទទួល​សំណង​នៅ​ឃុំ​ស្រែគរ លោក សា វ៉ន វ័យ ៦០​ឆ្នាំ ថ្លែង​ថា ថ្វី​បើ​ទឹក​ជំនន់​លិច​ភូមិ និង​លំនៅឋាន​ពួក​គាត់​ក្តី តែ​ពួក​គាត់​នៅ​តែ​ក្រាញ​ននៀល​មិន​ទទួល​សំណង​ពី​ក្រុមហ៊ុន និង​ត្រៀម​ដឹក​ជញ្ជូន​សម្ភារៈ​តាម​ទូក​ដោយ​ខ្លួន​ឯង ទៅ​កាន់​ទីទួល​សុវត្ថិភាព ប្រសិន​បើ​ទឹក​នៅ​តែ​បន្ត​កើន​ឡើង។ លោក​ចោទ​អាជ្ញាធរ​ថា ដាក់​កម្លាំង​ប្រដាប់​អាវុធ​យាម​តឹងរ៉ឹង​ជាង ២​សប្ដាហ៍​មក​ហើយ និង​បាន​ហាម​អ្នក​ខាង​ក្រៅ​មិន​ឲ្យ​ចូល​ភូមិ​ស្រែគរ បង្ក​ប៉ះពាល់​ដល់​សតិអារម្មណ៍ និង​សេដ្ឋកិច្ច​ពួក​គាត់។

លោក​យល់​ថា អាជ្ញាធរ​ហាក់​ចាត់​ទុក​ពួក​គាត់​ជា​សត្រូវ​នៃ​ការ​អភិវឌ្ឍ ត្បិត​មាន​ជន​បរទេស និង​អង្គការ​មួយ​ចំនួន ត្រូវ​បាន​សមត្ថកិច្ច​រារាំង​មិន​ឲ្យ​ចូល​ឃុំ​ស្រែគរ ក្រោម​ហេតុផល​ការពារ​សុវត្ថិភាព៖ «នៅ​ភូមិ​ស្រែគរ ក្បាលរមាស នេះ ខ្ញុំ​បាន​ឃើញ​ថ្ងៃ​មុន​ហើយ បាន​ថា​ធ្វើ​បាប​ប្រជារាស្ត្រ​នេះ សុទ្ធតែ​យក​កាំភ្លើង​គំរាម​កំហែង។ ទី​មួយ គឺ​ផ្លូវ​ក្របី​ជ្រុំ ខ្ញុំ​ទៅ​ដល់ ស្រាប់​តែ​ស្គាល់​គ្នា​យក​កាំភ្លើង​ជ្រែង​ដាក់​បារាំង​បរទេស​គេ។ មិន​ត្រឹមត្រូវ​ទេ ធ្វើ​ចឹង! ខ្មែរ​មិន​ចេះ​ជួយ​ខ្មែរ​ទេ​សព្វថ្ងៃ»

ពលរដ្ឋ​រស់នៅ​ឃុំ​ស្រែគរ លោកស្រី សារុំ សារុម សន្និដ្ឋាន​ថា ទឹក​ជំនន់​នេះ​ពុំ​មែន​ដោយសារ​មក​ពី​ទំនប់​វារីអគ្គិសនី​ទាំងស្រុង​ទេ អាច​បណ្ដាល​មក​ពី​កត្តា​អាកាសធាតុ​រួម​ផ្សំ​ទឹក​ភ្លៀង​ផង។ លោកស្រី​បន្ថែម​ថា រហូត​មក​ដល់​ល្ងាច​ថ្ងៃ​ទី​៣០ កក្កដា ពុំ​ទាន់​មាន​ពលរដ្ឋ និង​កុមារ​ជួប​គ្រោះថ្នាក់​ដោយសារ​ទឹក​ជំនន់ និង​សត្វ​អាសិរពិស​នៅ​ឡើយ​ទេ រីឯ​សមត្ថកិច្ច​បាន​ចុះ​ទៅ​ថត​ពី​ទិដ្ឋភាព​អ្នក​ភូមិ​ម្តងម្កាល​ដែរ៖ «រារាំង​រហូត​សូម្បី​តែ​កាសែត និង​អ្នក​ភូមិ​ចេញ​ចូល គឺ​គាត់​សួរ​រហូត ដល់​ថ្ងៃ​នោះ ខ្ញុំ​សួរ​ថា លោក​ឯង​ឆែកឆេរ​ធ្វើ​អី? ឡាន​អ្នក​ភូមិ​ចេញ​ចូល​ក៏​ឆែក គាត់​ឆែក​ក្រែង​មាន​អ្នក​កាសែត។ ចុះ​បើ​មាន​អ្នក​កាសែត​ចូល​មក លោក​មាន​សិទ្ធិ​អី​មក​រារាំង​បិទ​សិទ្ធិ​ប្រជាពលរដ្ឋ​ពួក​ខ្ញុំ​មិន​ឲ្យ​និយាយ មិន​ឲ្យ​សម្ភាស។ លោក​ឯង​មក​រារាំង​ចឹង លោក​ឯង​មក​សម្លាប់​ពួក​ខ្ញុំ​ហើយ លោក​ឯង​មិន​មែន​មក​ជួយ​ពួក​ខ្ញុំ​ទេ»

អាស៊ីសេរី មិន​អាច​ទាក់ទង​អ្នក​នាំ​ពាក្យ​សាលា​ខែត្រ​ស្ទឹងត្រែង លោក ម៉ែន គុង ដើម្បី​សុំ​ឆ្លើយតប​ការ​ចោទ​ប្រកាន់​នេះ​បាន​ទេ នៅ​ថ្ងៃ​ទី​៣០ កក្កដា ព្រោះ​ទូរស័ព្ទ​មិន​អាច​ទាក់ទង​បាន តែ​លោក​ធ្លាប់​មាន​ប្រសាសន៍​ថា កម្លាំង​ដែល​ដាក់​ពង្រាយ​នោះ ក្នុង​បំណង​ត្រៀម​ជួយ​សង្គ្រោះ​ពលរដ្ឋ​ទៅ​វិញ​ទេ។

តំណាង​ក្រុមហ៊ុន​វារីអគ្គិសនី​សេសាន​ក្រោម​ពីរ លោក អ៊ុំ រ៉េត ប្រាប់​អាស៊ីសេរី​កាល​ពី​ថ្ងៃ​ទី​២៩ កក្កដា ថា កម្ពស់​ទឹក​នៅ​ការដ្ឋាន​សាងសង់​កើន​ឡើង ៧០​ម៉ែត្រ​កន្លះ និង​កើន​ឡើង ៧១​ម៉ែត្រ​នៅ​ឃុំ​ស្រែគរ ធៀប​កម្ពស់​នីវ៉ូ​ទឹក​សមុទ្រ នៅ​គ្រា​ដែល​ក្រុមហ៊ុន​បាន​បិទ​ទ្វារ​ទឹក​សាកល្បង​បាន​ចំនួន ៨​ទ្វារ​ទឹក។ លោក​បញ្ជាក់​ថា ទឹក​ជំនន់​កើន​ឡើង​ពី​ខ្សែ​ទឹក​ខាង​លើ បូក​ផ្សំ​ទឹក​ភ្លៀង​ផង ក៏​ជា​កត្តា​រួមផ្សំ​ដែល​នាំ​ឲ្យ​ទឹក​ទន្លេ​កើន​ឡើង​ដែរ ហើយ​មន្ត្រី​បច្ចេកទេស​នៅ​ពុំ​ទាន់​កំណត់​ពេល​ជាក់លាក់​បិទ​ទ្វារ​ទឹក​ទាំងស្រុង​នោះ​ទេ។

មន្ត្រី​សង្គម​ស៊ីវិល​ចាត់​ទុក​ថា សមត្ថកិច្ច​ចម្រុះ​ខែត្រ​ស្ទឹងត្រែង ដែល​ឈរ​ជើង​នៅ​តាម​ដង​ផ្លូវ ហាក់​ដាក់​សម្ពាធ​ពលរដ្ឋ​ច្រើន​ជាង​ការ​ត្រៀម​ចាំ​សង្គ្រោះ។

មន្ត្រី​សម្របសម្រួល​សមាគម​អាដហុក (ADHOC) ខែត្រ​ស្ទឹងត្រែង លោក ហូ សំអុល យល់​ឃើញ​ថា បើ​អាជ្ញាធរ​រារាំង​មិន​ឲ្យ​អ្នក​ខាង​ក្រៅ​ចូល​ទៅ​ភូមិ​ស្រែគរ​ចាស់ មាន​ន័យ​ថា ជា​ការ​ដាក់​គំនាប​សិទ្ធិ​សេរីភាព​ពលរដ្ឋ និង​ប៉ះពាល់​សតិអារម្មណ៍​អ្នក​ភូមិ​កាន់​តែ​ខ្លាំង​ឡើង។ យ៉ាង​ណា លោក​មើល​ឃើញ​ថា នៅ​គ្រា​ដែល​ទឹក​ជំនន់​កំពុង​លិច​ភូមិ​ពលរដ្ឋ អាជ្ញាធរ​បាន​បញ្ជូន​ក្រុម​គ្រូពេទ្យ​ចុះ​ទៅ​តំបន់​នោះ និង​បង្កើត​មណ្ឌល​សុខភាព​ចល័ត​មួយ​នៅ​ក្បែរ​លំនៅឋាន​ពលរដ្ឋ​ដែរ៖ «យើង​គិត​ពី​ច្បាប់ គាត់​ដាក់​ចឹង គឺ​គាត់​ខុស​ច្បាប់​ហើយ រារាំង​ពួក​គាត់​ចឹង គឺ​រំលោភ​សិទ្ធិ​ពួក​គាត់​ហើយ។ វា​អាច​ហេតុផល​បំបាក់​ស្មារតី​ពួក​គាត់​មិន​ចង់​ឲ្យ​ពួក​គាត់​រស់នៅ​ទី​ហ្នឹង​បន្ត​ទៀត»

អំឡុង​ពេល​ក្រុមហ៊ុន​បិទ​ទ្វារ​ទឹក​ចំនួន​ពីរ ជា​លើក​ដំបូង មាន​អ្នក​ភូមិ​ស្រែគរ ចំនួន ៤​គ្រួសារ​ថ្មី​ទៀត បាន​សម្រេច​ចិត្ត​ទទួល​យក​សំណង ហើយ​ចាកចេញ​ពី​ភូមិ​ចាស់។ ចំណែក​មន្ត្រី​អង្គការ​សង្គម​ស៊ីវិល បារម្ភ​ពី​ផល​ប៉ះពាល់​សុវត្ថិភាព វិបត្តិ​ស្បៀង​អាហារ កង្វះ​ទឹក​ស្អាត និង​សុខភាព​ពលរដ្ឋ​ដែល​បន្ត​រស់នៅ​អំឡុង​ពេល​ទឹក​លិច​ផ្ទះ​សម្បែង​ពួក​គាត់។

រហូត​មក​ទល់​ពេល​នេះ ពលរដ្ឋ​រស់នៅ​ឃុំ​ស្រែគរ ចំនួន ១២០​គ្រួសារ និង​ឃុំ​ក្បាលរមាស ចំនួន ៥៨​គ្រួសារ មិន​ទាន់​យល់ព្រម​ទទួល​សំណង និង​មិន​ទាន់​ចាកចេញ​ពី​ភូមិ​ចាស់​ទៅ​តាំង​ទីលំនៅ​ថ្មី​នៅ​ឡើយ​ទេ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។