ក្រសួង៖ កម្ពុជានឹងមានអាកាសធាតុត្រជាក់ខ្លាំងជាងឆ្នាំមុន
2013.11.21
សេចក្ដីជូនដំណឹងរបស់ក្រសួងធនធានទឹក និងឧតុនិយម បានតាមដាន និងព្យាករណ៍លើអាកាសធាតុថា រហូតមកដល់ថ្ងៃទី២១ វិច្ឆិកា ជ្រលងសម្ពាធខ្ពស់ស៊ីបេរី និងមូសុងឦសាន ចាប់ផ្ដើមមានឥទ្ធិពលមកលើប្រទេសកម្ពុជា ហើយបាតុភូតបែបនេះនឹងបង្កើនឥទ្ធិពលត្រជាក់ខ្លាំងជាងបណ្ដាឆ្នាំកន្លងទៅ ជាពិសេសក្នុងរយៈពេលមួយខែ គឺចាប់ពីពាក់កណ្ដាលខែធ្នូ ឆ្នាំ២០១៣ ដល់ពាក់កណ្ដាលខែមករា ឆ្នាំ២០១៤។
នៅរយៈពេលមួយខែនេះ នៅថ្ងៃខ្លះ សីតុណ្ហភាពអប្បបរមា ឬសីតុណ្ហភាពកម្រិតទាប នៅតំបន់ខ្លះ អាចនឹងធ្លាក់ចុះដល់ចន្លោះពី ១២ ទៅ ១៤អង្សាសេ (12-14°C) រួមមាន តំបន់ជួរភ្នំដងរែក និងជួរភ្នំក្រវាញ។ នៅតំបន់ខ្ពង់រាបភាគឦសាន និងខ្ពង់រាបភាគខាងជើង រួមមាន ខេត្តព្រះវិហារ ឧត្ដរមានជ័យ ស្ទឹងត្រែង រតនគីរី និងខេត្តមណ្ឌលគីរី សីតុណ្ហភាពអប្បបរមា អាចនឹងធ្លាក់ចុះដល់ ១៥ ទៅ ១៧អង្សាសេ។ ដោយឡែក នៅតំបន់ទំនាបកណ្ដាល រួមមាន ខេត្តបាត់ដំបង ប៉ៃលិន បន្ទាយមានជ័យ សៀមរាប និងខេត្តកំពង់ធំ សីតុណ្ហភាពអប្បបរមាអាចនឹងធ្លាក់ចុះដល់ចន្លោះពី ១៤ ទៅ ១៦អង្សាសេ។ ចំពោះតំបន់មាត់សមុទ្រ និងបណ្ដារាជធានី-ខេត្តផ្សេងៗទៀត សីតុណ្ហភាពអប្បបរមាអាចនឹងធ្លាក់ចុះត្រឹមកម្រិតពី ១៩ ទៅ ២១អង្សាសេ។
យោងតាមការព្យាករណ៍នេះ ក្រសួងធនធានទឹក និងឧតុនិយម អំពាវនាវដល់សាធារណជន ឱ្យបង្កើនការប្រុងប្រយ័ត្នខ្ពស់ចំពោះសុខភាព ដែលអាចបង្កឱ្យមានជំងឺផ្សេងៗ បណ្ដាលមកពីអាកាសធាតុចុះ និងត្រជាក់ខ្លាំងនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ