មន្ទីរ​អប់រំ​​រាជធានី​ភ្នំពេញ ណែនាំ​ឲ្យ​គណៈ​គ្រប់​គ្រង​គ្រឹះស្ថាន​សិក្សា​​ ​ ការពារ​សុខភាព​​សិស្ស កំឡុង​ពេល​​អាកាស​ធាតុ​​ឡើង​កម្ដៅ​ខ្លាំង

ដោយ សុ ជីវី
2019-04-25
អ៊ីម៉ែល
មតិ
Share
បោះពុម្ព
១០-តុលា-២០១២៖ កុមារ​នៅ​ក្នុង​សាលារៀន​មួយ ក្នុង​ខេត្ត​កំពង់ស្ពឺ។
១០-តុលា-២០១២៖ កុមារ​នៅ​ក្នុង​សាលារៀន​មួយ ក្នុង​ខេត្ត​កំពង់ស្ពឺ។
Photo: RFA

មន្ទីរ​អប់រំ យុវជន​ និង​កីឡា​រាជធានី​ភ្នំពេញ ណែនាំ​ឲ្យ​គ្រឹះស្ថាន​សិក្សា​​ទាំង​អស់​នៅ​ភ្នំពេញ ត្រូវ​​ប្រុង​ប្រយ័ត្ន និង​ការពារ​សុខភាព​សិស្ស ក្នុង​ស្ថានភាព​​អាកាស​ធាតុ​ឡើង​កម្ដៅ​​ខ្លាំង។

វិធានការ​ទាំង​នោះ គឺ​ត្រូវ​បើក​​ចំហ​ទ្វារ​បង្អួច​ជា​ប្រចាំ ដើម្បី​ឲ្យ​មាន​ខ្យល់​ចេញ​ចូល​គ្រប់​គ្រាន់ ហើយ​ត្រូវ​បាញ់​ទឹក​ស្រោចស្រព​លើ​ដំបូល​អគារ​ទាបៗ និង​បេតុង​ មុខ​ថ្នាក់​រៀន​ ដើម្បី​បន្ថយ​កម្ដៅ និង​គួរ​អនុញ្ញាត​ឲ្យ​សិស្សានុសិស្ស​បាន​ចេញ​លំហែ​ក្រោម​ដើមឈើ​ ដែល​មាន​ខ្យល់​គ្រប់គ្រាន់។

ក្នុង​ករណី​ស្ថានភាព​កម្ដៅ​ធ្ងន់ធ្ងរ​មិន​អាច​​ដោះស្រាយ​បាន​ គណៈ​គ្រប់គ្រង​សាលា​ ត្រូវ​​សុំ​ការ​អនុញ្ញាត ​ពី​មន្ទីរ​អប់រំ ដើម្បី​ផ្ដល់​ព័ត៌មាន ​ឲ្យ​អាណាព្យាបាល មក​​យក​កូន​ត្រលប់​ទៅ​ផ្ទះ​វិញ។

កាលពី​ថ្ងៃ​ទី​២២ មេសា ក្រសួង​ធនធាន​ទឹក និង​ឧតុនិយម ជូន​ដំណឹង​ថា ក្នុង​សប្ដាហ៍​នេះ គឺ​ចាប់​ពី​ថ្ងៃ​ទី២២ ដល់​ថ្ងៃ​ទី៣០ មេសា អាកាស​ធាតុ​កម្ដៅ​អតិបរមា នឹង​ឡើង​ចន្លោះ​ពី ៤០ ទៅ​ ៤១អង្សា​សេ ដោយសារ​ កម្ពុជា​ នៅ​តែ​ទទួល​រង​ឥទ្ធិពល​ ​ពី​​បាតុភូត​អាកាស​ធាតុ​ ឈ្មោះ អ៊ែល នីណូ (El Nino) ​​ដែល​នៅ​តែ​បន្ត​អូស​បន្លាយ​​ធ្វើ​ឲ្យ​​​ ពាក់​កណ្ដាល​ដែន​ដី ​នៃ​ពិភព​លោក​ ឡើង​កម្ដៅ។

សារព័ត៌មាន​​ក្នុង​ស្រុក​ (Khmershare.news) ស្រង់​សំដី​រដ្ឋ​មន្ត្រី​ក្រសួង​អប់រំ លោក ហង់ ជួន​ណារ៉ុន ថា ក្រសួង​អប់រំ​គ្មាន​លទ្ធភាព​​ទិញ​កង្ហារ​ ឬ​ម៉ាស៊ីន​ត្រជាក់​ ឲ្យ​គ្រប់​សាលា​រៀន​ទេ។

ទន្ទឹម​នឹង​ការ​ឡើង​កម្ដៅ​ខ្លាំង បញ្ហា​​​ខ្វះ​អគ្គិសនី ក៏​នៅ​បន្ត​កើត​មាន ​សម្រាប់​រាជធានី​ភ្នំពេញ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល