លទ្ធផល​ជំរឿន​បង្ហាញ​ថា​ចំនួន​សត្វ​ក្រៀល​មាន​កំណើន​តិចតួច​នៅ​កម្ពុជា

ដោយ អ៊ុំ រង្សី
2016.04.01
សត្វ​ក្រៀល អន្លង់ព្រីង ៦២០ សត្វ​ក្រៀល​នៅ​​តំបន់​អភិរក្ស​អន្លង់ព្រីង ស្រុក​កំពង់ត្រាច ខេត្ត​កំពត។ រូបថត​ថ្ងៃ​ទី​៨ មីនា ២០១៥
Photo: Som Pisith

លទ្ធផល​នៃ​ការ​ធ្វើ​ជំរឿន​សត្វ​ក្រៀល​របស់​ក្រសួង​កសិកម្ម រុក្ខា​ប្រមាញ់ និង​នេសាទ ដែល​បាន​ផ្សព្វផ្សាយ​នៅ​ថ្ងៃ​ទី​៣០ ខែ​មីនា បង្ហាញ​ថា ចំនួន​សត្វ​ក្រៀល​នៅ​កម្ពុជា ប្រចាំ​ឆ្នាំ គិត​ចាប់​ពី​ឆ្នាំ​២០០១ ដល់​ឆ្នាំ​២០១៣ គឺ​ស្ថិត​ក្នុង​ចន្លោះ​អប្បបរមា ៦៥០​ក្បាល និង​អតិបរមា ៨៧៨​ក្បាល។

លទ្ធផល​នៃ​ការ​ធ្វើ​ជំរឿន​សត្វ​ក្រៀល​នេះ ត្រូវ​បាន​ធ្វើ​ឡើង​នៅ​តាម​ទីតាំង​ច្រើន​កន្លែង​ក្នុង​តំបន់​ធំៗ​ចំនួន​៤ រួម​មាន​វាលទំនាប​បឹង​ទន្លេសាប តំបន់​ដីសណ្ដ​ទន្លេ​មេគង្គ តំបន់​អន្លង់​ព្រីង តំបន់​ព្រៃ​ល្បោះ​ភាគ​ខាង​ជើង និង​ភាគ​ខាង​កើត និង​តំបន់​និរតី​នៃ​ប្រទេស​កម្ពុជា។

លទ្ធផល​នៃ​ការ​ធ្វើ​ជំរឿន​ដដែល​ឲ្យ​ដឹង​ដែរ​ថា ចំនួន​សត្វ​ក្រៀល​មាន​កំណើន​តិចតួច​នៅ​ក្នុង​ប្រទេស​កម្ពុជា ក៏​ដូចជា​នៅ​ក្នុង​ពិភពលោក​ដែរ ដោយសារ​មាន​ការ​រំខាន និង​យាយី​បំផ្លិចបំផ្លាញ​សម្បុក ពង និង​កូន​សត្វ​ក្រៀល ដោយ​សកម្មភាព​ភាព​មនុស្ស និង​សត្វព្រៃ ការ​បរបាញ់ ទាក់​ចាប់ និង​ការ​បាត់បង់​តំបន់​ដី​សើម​ដែល​ជា​ទីជម្រក​ស្នាក់​អាស្រ័យ​យ៉ាង​សំខាន់​របស់​វា។

សត្វ​ក្រៀល​ដែល​មាន​នៅ​ក្នុង​ប្រទេស​កម្ពុជា គឺ​ជា​អនុ​ប្រភេទ​មួយ​ក្នុង​ចំណោម​អនុ​ប្រភេទ​ទាំង​៣ ដែល​មាន​វត្តមាន​ក្នុង​តំបន់​អាស៊ី​អាគ្នេយ៍ ហើយ​បាន​ផុត​ពូជ​នៅ​ប្រទេស​ថៃ ម៉ាឡេស៊ី និង​ប្រទេស​ហ្វីលីពីន ហើយ​ទំនង​ជា​ផុត​ពូជ​នៅ​ក្នុង​ប្រទេស​ចិន ផង​ដែរ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។