ក្រសួងបរិស្ថានរកឃើញឈ្លូសយក្សជិតផុតពូជនៅខេត្តរតនគិរី
2022.12.17
សត្វឈ្លូសយក្សដែលជិតផុតពូជ នៅក្នុងតំបន់ការពារធម្មជាតិក្នុងខេត្តរតនគិរី ត្រូវបានរកឃើញកាលពីឆ្នាំ២០២១។
រូប៖ ហ្វេសប៊ុកក្រសួងបរិស្ថាន
ក្រសួងបរិស្ថាន បានរកឃើញសត្វឈ្លូសយក្សដែលជិតផុតពូជ នៅក្នុងតំបន់ការពារធម្មជាតិក្នុងខេត្តរតនគិរី បន្ទាប់ពីបាត់ដានវា អស់រយៈពេលជិត៣០ឆ្នាំ។
អ្នកនាំពាក្យក្រសួងបរិស្ថាន លោក នេត្រ ភក្ត្រា ប្រាប់កាសែតក្នុងស្រុក (ភ្នំពេញប៉ុស្តិ៍) កាលពីថ្ងៃទី ១៥ ខែធ្នូថា ឈ្លូសយក្សនេះ ជាប្រភេទសត្វរងគ្រោះជិតផុតពូជខ្លាំង នៅលើពិភពលោក។ លោកបន្តថា សត្វឈ្លូសយក្សនេះ បានរកឃើញដំបូងបំផុត នៅក្នុងតំបន់ការពារធម្មជាតិ កាលពីឆ្នាំ១៩៩៤ ហើយក៏គេលែងប្រទះឃើញវត្តមានរបស់វាទៀត។ ក្រោយពីបាត់ដានអស់យៈពេលជិត៣០ឆ្នាំមក សត្វឈ្លូសយក្សនេះ បានបង្ហាញវត្តមានម្ដងទៀត តាមរយៈទិន្នន័យរូបភាពដែលប្រមូលបានពីម៉ាស៊ីនថតស្វ័យប្រវត្តិ នៅក្នុងឧទ្យានជាតិវីរជ័យ ខេត្តរតនគិរី។
លោកអះអាងថា សត្វឈ្លូសយក្សត្រូវបានចាត់ជាប្រភេទរងគ្រោះជិតផុតពូជខ្លាំង (Critically Endangered) នៅក្នុងបញ្ជីក្រហម ហើយកត្តាគំរាមកំហែងដល់សត្វឈ្លូសយក្ស គឺការបរបាញ់យកស្នែងនិងសាច់។ សត្វឈ្លូសយក្សចូលចិត្តរស់នៅក្នុងព្រៃស្រោងនិងព្រៃពាក់កណ្តាលស្រោង ហើយស្នែងរបស់សត្វឈ្លូសយក្ស មានទំហំធំជាងស្នែងសត្វឈ្លូសធម្មតា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ