ប័ណ្ណសារព័ត៌មាន
2014-12-31
ចំនួនអ្នកផ្ទុកមេរោគអេដស៍នៅឃុំរកា ស្រុកសង្កែ ខេត្តបាត់ដំបង បានកើនឡើងដល់ជាង ២០០នាក់ហើយ គិតត្រឹមថ្ងៃទី៣០ ខែធ្នូ។
2014-12-28
ពលរដ្ឋដែលផ្ទុកមេរោគអេដស៍នៅឃុំរកា ខេត្តបាត់ដំបង កើនឡើងដល់ចំនួន ១៩០នាក់ហើយ គិតត្រឹមថ្ងៃទី២៦ ធ្នូ។ ប្រជាពលរដ្ឋគិតថា តួលេខនេះអាចនឹងមានការកើនឡើងជាបន្តទៀត ខណៈដែលពលរដ្ឋនៅឃុំរកា នៅតែបន្តនាំគ្នាទៅពិនិត្យឈាមដើម្បីរកមេរោគអេដស៍។
2014-12-27
ពលរដ្ឋដែលរកឃើញថាមានមេរោគអេដស៍ នៅឃុំរកា ខេត្តបាត់ដំបង កើនឡើងដល់ចំនួន ១៩០នាក់ហើយ គិតត្រឹមថ្ងៃទី២៦ ធ្នូ។
2014-12-23
ក្រុមប្រជាពលរដ្ឋដែលឆ្លងមេរោគអេដស៍ជាច្រើនគ្រួសារ នៅភូមិរកា ឃុំរកា ស្រុកសង្កែ ខេត្តបាត់ដំបង សម្ដែងក្ដីបារម្ភចំពោះកូនចៅរបស់ខ្លួន ខ្លាចពិបាករកគូស្រករនៅថ្ងៃអនាគត។ ការព្រួយបារម្ភនេះ កើតមានបន្ទាប់ពីពួកគាត់ធ្វើតេស្ដឈាមនៅមណ្ឌលសុខភាពរកា រកឃើញថាមានផ្ទុកមេរោគអេដស៍។
2014-12-22
តាមការសាកសួររបស់សមត្ថកិច្ចខេត្តបាត់ដំបង ឲ្យដឹងថា គ្រូពេទ្យដែលអ្នកភូមិសង្ស័យជាអ្នកចម្លងមេរោគអេដស៍ដល់ប្រជាពលរដ្ឋនៅភូមិរកា ស្រុកសង្កែ ខេត្តបាត់ដំបង នោះ បានប្រើស៊ីរាំងរួមគ្នាដើម្បីព្យាបាលអ្នកជំងឺ។
2014-12-22
ប្រធានគណៈកម្មការទី៨នៃរដ្ឋសភា ទទួលបន្ទុកផ្នែកសុខាភិបាលសង្គមកិច្ច អតីតយុទ្ធជន និងយុវនីតិសម្បទា ការងារបណ្ដុះបណ្ដាលវិជ្ជាជីវៈ និងកិច្ចការនារី អំពាវនាវឲ្យរដ្ឋាភិបាលស្វែងរកកញ្ចប់ថវិកាផ្គត់ផ្គង់ដល់ប្រជាពលរដ្ឋដែលផ្ទុកមេរោគអេដស៍នៅភូមិរកា ស្រុកសង្កែ ខេត្តបាត់ដំបង ដើម្បីជួយសម្រួលដល់ការរស់នៅប្រចាំថ្ងៃរបស់ពួកគាត់។
2014-12-21
ពលរដ្ឋជាង ២០០គ្រួសារ រស់នៅភូមិក្រសាំង ឃុំស្នួល ស្រុកស្នួល ខេត្តក្រចេះ ទទូចចង់បានសាលារៀន និងមណ្ឌលសុខភាព នៅក្រោយពេលដែលពួកគេទទួលបានដីធ្លីស្របច្បាប់កាលពីពេលថ្មីៗនេះ។
2014-12-20
វិទ្យាស្ថានប៉ាស្ទ័រកម្ពុជា ដែលមានជំនាញខាងពិនិត្យឈាមរកឃើញថា ចំនួនអ្នកផ្ទុកមេរោគអេដស៍នៅស្រុកសង្កែ ខេត្តបាត់ដំបង កើនឡើង។ ការរកឃើញនេះ បន្ទាប់ពីក្រសួងសុខាភិបាល បញ្ជូនសំណាកឈាមរបស់ប្រជាពលរដ្ឋ មកពិនិត្យរកមេរោគអេដស៍នៅវិទ្យាស្ថានប៉ាស្ទ័រ។
2014-12-19
ក្រុមប្រជាពលរដ្ឋនៅភូមិរកា ឃុំរកា ស្រុកសង្កែ ខេត្តបាត់ដំបង នៅថ្ងៃទី១៩ ធ្នូ នេះ នៅតែបន្តសម្រុកទៅធ្វើតេស្ដឈាមជាបន្តបន្ទាប់នៅឡើយ។ ចំណែកឯមូលហេតុពីការចម្លងជំងឺនេះ អាជ្ញាធរក៏ពុំបានកំណត់ថាបណ្ដាលមកពីអ្វីច្បាស់លាស់នៅឡើយទេ។
2014-12-19
ក្រុមប្រជាពលរដ្ឋនៅស្រុកសង្កែ ខេត្តបាត់ដំបង ជាច្រើនគ្រួសារ ដែលទៅធ្វើតេស្ដឈាម ហើយរកឃើញមានមេរោគអេដស៍នោះ កំពុងមានក្ដីបារម្ភអំពីអនាគតរបស់ក្រុមគ្រួសារ។
2014-12-18
ពលរដ្ឋប្រមាណ ១០០នាក់ បានមកពិនិត្យ និងព្យាបាលជំងឺភ្នែកដោយឥតគិតថ្លៃរយៈពេល ៥ថ្ងៃ គឺចាប់ពីថ្ងៃទី១៥ ដល់ថ្ងៃទី១៩ ខែធ្នូ ឆ្នាំ២០១៤ នៅមន្ទីរពេទ្យបង្អែកខេត្តកំពង់ឆ្នាំង។ វេជ្ជបណ្ឌិតផ្នែកចក្ខុរោគឲ្យដឹងថា អ្នកមកទទួលសេវាព្យាបាលភាគច្រើន គឺជាអ្នកដែលមានបញ្ហាភ្នែកឡើងបាយ ទឹកដក់ក្នុងភ្នែក និងបញ្ហាកម្ទេចខ្ទាត់ប៉ះចំកញ្ចក់កែវភ្នែក។
2014-12-18
លោកនាយករដ្ឋមន្ត្រី ហ៊ុន សែន មិនទាន់ជឿថា អត្រាឆ្លងជំងឺអេដស៍នៅភូមិរកា ក្នុងខេត្តបាត់ដំបង មានកម្រិតធ្ងន់ធ្ងរនោះទេ។ ស្របពេលដែលអាជ្ញាធរពាក់ព័ន្ធ កំពុងស្រាវជ្រាវរកមូលហេតុជុំវិញបញ្ហានេះ លោក ហ៊ុន សែន អំពាវនាវឲ្យប្រជាពលរដ្ឋរក្សាភាពស្ងៀមស្ងាត់ ដោយកុំទាន់ដាក់កំហុសទៅលើអ្នកណាម្នាក់នោះទេ។
2014-12-17
សាច់ញាតិរបស់គ្រូពេទ្យដែលអ្នកភូមិសង្ស័យថា ជាអ្នកចាក់ថ្នាំចម្លងមេរោគអេដស៍ដល់ប្រជាពលរដ្ឋ នៅភូមិរកា ខេត្តបាត់ដំបង ដែលអះអាងថាឪពុកក្មេកលោកជាគ្រូពេទ្យនោះ ពុំបានរត់គេចខ្លួនទៅណាឆ្ងាយពីភូមិស្រុកនោះទេ គឺស្នាក់នៅក្នុងទឹកដីខេត្តបាត់ដំបង។
2014-12-16
មន្ត្រីអាជ្ញាធរជាតិប្រយុទ្ធនឹងជំងឺអេដស៍នៃក្រសួងសុខាភិបាល កំពុងស្វែងរកគ្រូពេទ្យស្ម័គ្រចិត្តក្នុងភូមិម្នាក់ ដើម្បីស៊ើបអង្កេតបន្ថែមទៀតទាក់ទងនឹងការសង្ស័យថា អាចជាអ្នកបង្កការឆ្លងជំងឺអេដស៍ដល់អ្នកភូមិ។
2014-12-16
ក្រុមប្រជាពលរដ្ឋនៅស្រុកសង្កែ ខេត្តបាត់ដំបង បន្តសម្រុកទៅធ្វើតេស្ដឈាមរកមេរោគអេដស៍ (AIDs) នៅមណ្ឌលសុខភាពឃុំរកា ឈានចូលថ្ងៃទី៦ ហើយលទ្ធផលអ្នកដែលមានប្រតិកម្មតេស្ដ ឬមានផ្ទុកមេរោគអេដស៍ មានចំនួនជិត ១០០នាក់ហើយ។
