អ្នកស្លាប់ដោយសារកូវីដ១៩ កើនដល់ ៥០៩ និងឆ្លងថ្មីជិត៧០០នាក់
2021.06.25
បច្ចុប្បន្នភាពជំងឺកូវីដ១៩។
RFA
អ្នកស្លាប់ដោយសារជំងឺកូវីដ-១៩ (Covid-19) បានកើនឡើងដល់ ៥០៩នាក់ហើយ បន្ទាប់ពីអ្នកជំងឺ ១៦នាក់ទៀតបានស្លាប់។
ចំណែកករណីឆ្លងថ្មីវិញ មានជិត ៧រយនាក់ (៦៩៩) បន្ថែមទៀត ក្នុងនោះ ១១៣នាក់ ជាករណីនាំចូលពីក្រៅប្រទេស ហើយក្រៅពីនេះជាករណីឆ្លងក្នុងសហគមន៍។ រីឯករណីជាសះស្បើយវិញ មានជាង ៧រយនាក់ (៧៥៩) នៅថ្ងៃដដែលនេះ។ គិតត្រឹមព្រឹកថ្ងៃសុក្រ ទី២៥ ខែមិថុនានេះតួលេខអ្នកឆ្លងជំងឺកូវីដ-១៩ សរុបមានជាង ៤ម៉ឺន ៦ពាន់ (៤៦.០៦៥) នាក់ ក្នុងនោះអ្នកជាសះស្បើយវិញ មានប្រមាណ ៤ម៉ឺន (៤០.៧៦៩) នាក់។
ទាក់ទងរឿងវ៉ាក់សាំងបង្ការជំងឺកូវីដ-១៩វិញ គិតត្រឹមថ្ងៃទី២៤ មិថុនា រដ្ឋាភិបាលចាក់វ៉ាក់សាំងជូនពលរដ្ឋបានជាង ៣លាន ៧សែននាក់ ឬស្មើនឹងជាង ៣៧% ហើយ ក្នុងចំណោមប្រជាជនដែលត្រូវចាក់វ៉ាក់សាំងចំនួន ១០លាននាក់។
ថ្វីដ្បិតតែកម្ពុជាចាក់វ៉ាក់សាំងជូនពលរដ្ឋបានច្រើនភាគរយជាងប្រទេសភាគច្រើនក្នុងតំបន់យ៉ាងនេះក្តី ក៏ជាងមួយសប្តាហ៍ចុងក្រោយនេះ តួលេខអ្នកឆ្លងថ្មី និងអ្នកស្លាប់មិនបានថយចុះនោះទេ តែបែរជាហក់ឡើងខ្ពស់ទៅវិញ។ អ្នកឆ្លងថ្មីមានចន្លោះពីជិត ៥រយនាក់ រហូតដល់ជិត ៨រយនាក់ក្នុងមួយថ្ងៃ ខណៈអ្នកស្លាប់វិញ មានតិចបំផុត ១០នាក់ ហើយថ្ងៃខ្លះឈានដល់ ២០នាក់ឯណោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ