កូនស្រីអ្នកថតភាពយន្តជនជាតិអូស្ត្រាលីអង្វរអោយមានអន្តរាគមន៍ដោះលេងឪពុករបស់ខ្លួន
2018.09.06
ជនជាតិអូស្ត្រាលី លោក ជេមស៍ រីកឃិតសិន (James Ricketson) នៅសាលាដំបូងរាជធានីភ្នំពេញ នៅថ្ងៃទី៩ មិថុនា ឆ្នាំ២០១៧។ លោកត្រូវបានចាប់ខ្លួនបន្ទាប់ពីបង្ហោះដ្រូន ថតសកម្មភាពហែក្បួនឃោសនារបស់គណបក្សប្រឆាំង កាលពីថ្ងៃទី៣ មិថុនា។
រូបថតគេផ្ដល់ឲ្យ
កូនស្រីរបស់អ្នកថតភាពយន្តជនជាតិអូស្ត្រាលី ដែលកំពុងជាប់ឃុំក្នុងពន្ធនាគារព្រៃសក្នុងក្រុងភ្នំពេញ គឺអ្នកស្រី រ៉ួហ្សាន់ណេ ហូលមិស (Roxanne Holmes) បានអង្វរស្នើសុំដល់រដ្ឋាភិបាលអូស្ត្រាលីនិងអ្នកគាំទ្រផ្សេងទៀតអោយជួយធ្វើអន្តរាគមន៍ ដោះលែងឪពុករបស់នាង គឺលោក ជែម រីកឃិតសិន (James Ricketson) ព្រោះសុខភាពឪពុករបស់នាងកាន់តែទ្រុឌទ្រោម ហើយអាចស្លាប់នៅក្នុងពន្ធនាគារ។
ក្នុងញត្តិរបស់អ្នកស្រី រ៉ួហ្សាន់ណេ ហូលមិស ដែលបានផ្សព្វផ្សាយ លើបណ្ដាញ អ៊ីនធឺណិត បានទទួលអ្នកចុះហត្ថលេខាគាំទ្រជិត ១០ម៉ឺននាក់ ដោយពួកគេបានអំពាវនាវអោយរដ្ឋាភិបាលអូស្ត្រាលីធ្វើអន្តរាគមន៍ដោះលែងលោក ជែម រីកឃិតសិន ក្នុងពេលឆាប់ៗខាងមុខនេះ។
អ្នកស្រីបានប្រាប់សារព័ត៌មានបរទេសថា ឪពុករបស់អ្នកស្រីជាមនុស្ស ដែលមានទឹកចិត្តល្អ តែផ្ទុយទៅវិញបែរជាត្រូវបានគេចាប់ដាក់ពន្ធនាគារ ទាំងគាត់មិនបានប្រព្រឹត្តបទល្មើសអ្វីទាល់តែសោះ។
អ្នកស្រីបានសុំស្នើអោយអ្នកគាំទ្រឪពុករបស់ខ្លួន ទូរស័ព្ទទៅកាន់សមាជិកសភា និងមន្ត្រីរដ្ឋាភិបាលអូស្ត្រាលី ដើម្បីជួយអន្តរាគមន៍ក្នុងករណីសំណុំរឿងឪពុក របស់នាង ដែលកំពុងជាប់នៅក្នុងបន្ទប់ឃុំឃាំងដ៏តូចមួយដែលមានអ្នកទោសផ្សេងទៀតចំនួន១៤០នាក់។
រដ្ឋមន្ត្រីការបរទេសថ្មីរបស់ប្រទេសអូស្ត្រាលី អ្នកស្រី ម៉ារ៉ាយ ភែន ( Marise Payne) បានអោយដឹងថា ដំណើរក្តីរបស់លោក ជែម រីកឃិតសិន កំពុងស្ថិតនៅក្នុងដំណើរការក្តីផ្លូវច្បាប់របស់ប្រទេសកម្ពុជានៅឡើយ ហើយរដ្ឋាភិបាល អូស្ត្រាលី នឹងពិចារណាជ្រើសរើសយកវិធានការណ៍សមស្របមួយ ទាក់ទងនឹងករណីនេះ ក្រោយផុតរយះពេលប្ដឹងឧទ្ធរណ៍ ដែលមានរយៈពេល៣០ថ្ងៃ។
បើទោះបីជាគ្មានភស្តុតាងយ៉ាងណាក្តី តុលាការក្រុងភ្នំពេញនៃរបបលោក ហ៊ុន សែន កាលពីថ្ងៃទី៣១ សីហា កន្លងទៅនេះ បានកាត់ទោសដាក់ពន្ធនាគារ លោក ជែម រីកឃិតសិន ចំនួន៦ឆ្នាំ ពីបទធ្វើចារកម្ម។ លោកត្រូវបានអាជ្ញាធរលោក ហ៊ុន សែន ចាប់ខ្លួនកាលពីខែមិថុនា ឆ្នាំ២០១៧ នៅពេលលោកបង្ហោះកូនយន្តហោះដ្រូន (Drone) ថតសកម្មភាពការជួបជុំរបស់អ្នកគាំទ្រគណបក្សសង្គ្រោះជាតិ ក្នុងរាជធានីភ្នំពេញ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ
