អ្នកស្រី រ៉ូណា ស្មីត អំពាវ​​នាវ​ដល់​រដ្ឋាភិបាល​ត្រូវ​ធានា​នូវ​សេរីភាព​ឱ្យ​ពេញលេញ

ដោយ តាំង សារ៉ាដា
2017-12-11
អ៊ីម៉ែល
មតិ
Share
បោះពុម្ព
អ្នកស្រី រ៉ូណា ស្មីត (Rhona Smith) អ្នក​រាយការណ៍​ពិសេស​ផ្នែក​សិទ្ធិ​មនុស្ស​របស់​អង្គការ​សហប្រជាជាតិ ថ្លែង​ក្នុង​សន្និសីទ​សារព័ត៌មាន​នៅ​ថ្ងៃ​ទី១៨ ខែ​សីហា ឆ្នាំ​២០១៧។
អ្នកស្រី រ៉ូណា ស្មីត (Rhona Smith) អ្នក​រាយការណ៍​ពិសេស​ផ្នែក​សិទ្ធិ​មនុស្ស​របស់​អង្គការ​សហប្រជាជាតិ ថ្លែង​ក្នុង​សន្និសីទ​សារព័ត៌មាន​នៅ​ថ្ងៃ​ទី១៨ ខែ​សីហា ឆ្នាំ​២០១៧។
RFA/Cheu Sideth

មន្ត្រី​ជាន់ខ្ពស់​របស់​អង្គការ​សហប្រជាជាតិ​ទាមទារ​អោយ​រដ្ឋាភិបាល​កម្ពុជា ដឹកនាំ​ប្រទេស វិលត្រឡប់​ទៅ​រក​លទ្ធិប្រជាធិបតេយ្យ សេរី​ពហុបក្ស និង​ធានា​ឲ្យ​មាន​សេរីភាព​ពេញលេញ​សម្រាប់​សង្គម​ស៊ីវិល និង​អ្នកសារព័ត៌មាន​អោយ​ដំណើរការ​ឡើងវិញ។

ការ​ទាមទារ​នេះ​ធ្វើឡើង​នៅ​ក្នុង​ឱកាស​ប្រារព្ធ​ទិវា​សិទ្ធិមនុស្ស​អន្តរជាតិ១០ ធ្នូ។

អ្នករាយការណ៍​ពិសេស​របស់ អង្គការ ប្រជាជាតិ​ទទួលបន្ទុក សិទ្ធិមនុស្ស នៅ​កម្ពុជា អ្នកស្រី រូណា ស្មីត (Rona Smith) បាន​ថ្លែង តាមរយៈ​សេចក្ដី​ប្រកាស​ព័ត៌មាន​របស់​ខ្លួន​មួយ កាលពី​ថ្ងៃ​ទី១១ ធ្នូ អោយ​ដឹង​ថា អ្នកស្រី​មានការ​ព្រួយបារម្ភ​ជា​ខ្លាំង​អំពី​ការ​រំលាយ​គណបក្ស​សង្គ្រោះ​ជាតិ ការ​ហាមឃាត់​សមាជិក​គណបក្ស​សង្គ្រោះ​ជាតិ​ចំនួន​១១៨​រូប មិន​ឲ្យ​ធ្វើ​នយោបាយ​រយៈពេល​ប្រាំ​ឆ្នាំ និង​ការបែងចែក​អាសនៈ​ទាំង ៥៥ របស់​គណបក្សប្រឆាំង​ទៅ​អោយ​គណបក្ស​ដ៏ទៃ​ទៀត ដែល​ពលរដ្ឋ​មិនបាន​បោះឆ្នោត​ឲ្យ។

អ្នករាយការណ៍​ពិសេស​រូប​នេះ​អំពាវនាវ​អោយ​មាន​ការ​បោះឆ្នោត​ជាតិ នៅ​ឆ្នាំ​២០១៨ ខាងមុខ​មានការ​ចូលរួម​ដោយ​គ្មាន​ការភ័យខ្លាច ឬ​ការ​បំភិតបំភ័យ និង​មានការ​ចូលរួម​ពី​គ្រប់​ភាគី​ពាក់ព័ន្ធ។

អ្នកស្រី រូណា ស្មីត អះអាង​ថា ការ​រឹតត្បិត​សំឡេង​របស់​ពលរដ្ឋ​ខ្មែរ​គឺ ជា​ការ​គំរាមកំហែង​ដល់​ស្ថិរភាព​នយោបាយ​រដ្ឋាភិបាល​និង​ប្រជាជន​ខ្មែរ​ទូទៅ​បាន​ខំ​ប្រឹងប្រែង​កសាង​កន្លង។ អ្នកស្រី​បន្ត​ថា​កំណើន សេដ្ឋកិច្ច​របស់​កម្ពុជា​កន្លងមក​បាន​ជួយ​មនុស្ស​ជាច្រើន​ឱ្យ​រួច​ផុត​ពី​ភាព​ក្រីក្រ និង​បាន​ផ្ដល់​ជា​មូលដ្ឋាន​ដើម្បី​លើកកម្ពស់​ការ​ការពារ​សង្គម និង​ការ​ទទួល​បាន​ការអប់រំ ការងារ​សមរម្យ និង​ការថែទាំ​សុខភាព។

អ្នកស្រី​បន្ត​ថា ដើម្បី​ឲ្យ​ទទួល​បាន​ផល​ប្រយោជន៍​ខាង​សេដ្ឋកិច្ច និង​សង្គម​វា​ជា​ការ​សំខាន់​ណាស់​ដែល​រដ្ឋាភិបាល​ត្រូវ​គោរព​សិទ្ធិ​មនុស្ស និង​នយោបាយ ដូចជា​សេរីភាព​សារព័ត៌មាន សេរីភាព​នៃ ការ​បញ្ចេញមតិ សេរីភាព​នៃ​ការ​ជួប​ប្រជុំ​ដោយ​សន្តិវិធី និង​សេរីភាព ក្នុង​ការ​បង្កើត អង្គការ សមាគម៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

khmer communist victim

ពី canada

You're better to learn more about the communist ideology. No one communist leader could allow general election realized by democratic process unless others authorized political parties are under its control at 100%. CPP is not democratic party. It have been created by its active members known as former criminal high rank khmer rouges. Condemn them as anti-democratics verbally served nothing. Why don't you applicate immediatly the economic sanction against the regime at once and prepare cambodian people to be facing up with its couterattack. In fact, its imminent recourse of armed forces will be applicating automatically and systemically to eradicate the mass protestation. Does UN is ready to do so? And, or allow the khmer communist party to rule cambodia as same as its comrade countries liked china, vietnam and russia in order to take economic advantage from those regimes !

Dec 12, 2017 07:13 AM

គេហទំព័រ​ទាំងមូល