សង្គមស៊ីវិលដែលចុះអង្កេតករណីហិង្សានៅក្រចេះមិនទាន់បញ្ជាក់ថាមានមនុស្សស្លាប់ ឬគ្មាន
2018.03.12
សកម្មភាពពលរដ្ឋមានជម្លោះដីធ្លីនៅក្នុងស្រុកស្នួល ខែត្រក្រចេះ តវ៉ាបិទផ្លូវជាតិលេខ៧៧អា នៅថ្ងៃទី៨ ខែមីនា ឆ្នាំ២០១៨។
Photo screenshot
ក្រុមសង្គមស៊ីវិលដែលចុះអង្កេតព្រឹត្តិការណ៍អំពើហិង្សានៅខេត្តក្រចេះ មកទល់ពេលនេះ នៅមិនទាន់អាចបញ្ជាក់ថា មានមនុស្សស្លាប់ ឬមិនមាននៅឡើតទេ ដ្បិតពួកគេ មិនត្រូវបានអនុញ្ញាតអោយចុះទៅស្រាវជ្រាវនៅកន្លែងកើតហេតុ។ ទោះជាយ៉ាងណា តុលាការដោះលែងអ្នកមានជម្លោះដីធ្លី ៨នាក់នៅឃុំ២ធ្នូ ស្រុកស្នួល នៅខែត្រក្រចេះវិញហើយ នៅថ្ងៃច័ន្ទទី១២ មីនានេះ ប៉ុន្តែតុលាការបានដាក់លក្ខខ័ណ្ឌ មិនឲ្យពួកគាត់នាំគ្នាតវ៉ារឿងជម្លោះដីធ្លីទៀតទេ។
ពលរដ្ឋមួយរូបក្នុងចំណោមអ្នកជាប់ឃុំ៨រួប ឲ្យដឹងនៅថ្ងៃទី១២ មីនា សុំមិនបញ្ចេញឈ្មោះ និងសំឡេងថា នៅមុនពេលដោះលែង មន្ត្រីតុលាការបានព្រមានពួកគាត់ថា បើសិនជាពួកគាត់នាំគ្នាទៅតវ៉ាទាមទាររឿងជម្លោះដីធ្លីជាមួយក្រុមហ៊ុនវៀតណាមនោះទៀត តុលាការនឹងចាប់ខ្លួនពួកគាត់មកវិញ ហើយនឹងមិនដោះលែងវិញឡើយ។
បុរសរូបនេះ បានរៀបរាប់ទាំងព្រួយបារម្ភថា ពួកគាត់ភ័យខ្លាចណាស់ ចំពោះការគំរាមកំហែងរបស់តុលាការ និងសមត្ថកិច្ច ដែលគំរាមចាប់ខ្លួនពួកគាត់ឡើងវិញនេះ នៅខណៈពួកគាត់កំពុងរងនូវភាពអយុត្តិធម៌ ចំពោះការរំលោភដីធ្លី និងសមត្ថកិច្ចបាញ់ប្រហារទៅលើពួកគាត់ ដើម្បីបំបែកហ្វូងតវ៉ាបិទផ្លូវជាតិលេខ៧៦អា កាលពីថ្ងៃទី៨មីនានោះ។
ថ្វីដ្បិតតែនៅមិនទាន់មានប្រភពឯករាជ្យ បានស្រាវជ្រាវថាមានអ្នកស្លាប់ ឬមិនមាន ដោយអាជ្ញាធរនៅតែហាមពួកគាត់ មិនឲ្យចុះទៅដល់ទីតាំងដីមានជម្លោះ ខាងរដ្ឋាភិបាលបានអះអាងតាំងពីថ្ងៃដំបូងថា គ្មានអ្នកស្លាប់ទេ។
ពលរដ្ឋទាំង៨នាក់ ដែលតុលាការដោះលែងនោះ អាជ្ញាធរឲ្យពួកគាត់ទៅជួបអាជ្ញាធរស្រុក នៅសាលាស្រុកស្នួល នៅថ្ងៃទី១៤ មីនា ក៏ប៉ុន្តែមិនទាន់ដឹងថាឲ្យជួបរឿងអ្វីនៅឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ
