អាជ្ញាធរខ្មែរ-ថៃគ្រោងបើកកិច្ចប្រជុំលើបញ្ហាបើកច្រករបៀង២
2011.08.14
មន្ត្រីសាលាខេត្តឧត្តរមានជ័យ បានឱ្យដឹងថា អាជ្ញាធរស្រុកបន្ទាយអំពិល របស់ខេត្តនេះ មានគម្រោងនឹងជួបប្រជុំជាមួយអាជ្ញាធរស្រុកភ្នំដងរែក ខេត្តសុរិន្ទ របស់ថៃ ដើម្បីជជែកស្វែងរកភាពជឿជាក់នឹងគ្នា ឈានទៅរកការបើកច្រករបៀងព្រំដែនចំនួន២ គឺច្រកជប់គគីរ នៅក្នុងឃុំអំពិល និងច្រកថ្មដូន នៅក្នុងឃុំគោកមន ស្រុកបន្ទាយអំពិល ឱ្យប្រជាពលរដ្ឋខ្មែរ និងថៃ ដែលរស់នៅជិតៗព្រំដែនមានការទំនាក់ទំនងគ្នាឡើងវិញនៅពេលខាងមុខ។
លោក ប៉ិច សុខិន អភិបាលខេត្តឧត្តរមានជ័យ បានមានប្រសាសន៍កាលពីព្រឹកថ្ងៃអាទិត្យ ទី១៤ ខែសីហា ថា អាជ្ញាធរស្រុកបន្ទាយអំពិល របស់ខេត្តឧត្តរមានជ័យ និងអាជ្ញាធរស្រុកភ្នំដងរែក នៃខេត្តសុរិន្ទ របស់ថៃ មានគម្រោងនឹងជួបប្រជុំគ្នានៅថ្ងៃច័ន្ទ ទី១៥ ខែសីហា។
មន្ត្រីដដែលបានមានប្រសាសន៍ថា ការជួបប្រជុំនោះបានធ្វើឡើងបន្ទាប់ពីភាគីថៃ បានស្នើសុំឱ្យកម្ពុជា ធ្វើការបើកច្រករបៀងទាំងពីរនោះ ក៏ប៉ុន្តែកម្ពុជាមិនទាន់មានចម្លើយយ៉ាងណានៅឡើយទេ ដោយនៅរង់ចាំមើលថា តើភាគីថៃ បានបង្ហាញចេញភាពជឿជាក់យ៉ាងណាក្នុងការចង់ឱ្យដំណើរការបើកច្រករបៀងព្រំដែនឡើងវិញនោះ។
លោកបន្តថា ៖ «ពិចារណាសិន ព្រោះអាហ្នឹងមិនមែនច្រកដែលរាជរដ្ឋាភិបាលបើកទេ ច្រករបៀងទេ មិនមែនច្រកអន្តរជាតិ។ អានេះគ្រាន់ថា បើយើងធ្វើបានវាសម្រួលប្រជាជនទាំងពីរធ្វើម៉េចបានផលិតផលនាំទៅវិញទៅមកជាបញ្ហាសំខាន់។ ទី២ បញ្ហាសុខភាពប្រជាពលរដ្ឋយើង ងាកទៅខាងណោះវាជិតជាងមកសៀមរាប ទៅភ្នំពេញអី»។
លោក ចាប ផាត អភិបាលស្រុកបន្ទាយអំពិល មិនអាចទំនាក់ទំនងដើម្បីធ្វើការពន្យល់អំពីរឿងនោះបានទេ។
ចំណែកលោក ហ៊ីង ហឿន អភិបាលរងស្រុកបន្ទាយអំពិល បានមានប្រសាសន៍ថា លោកគ្រាន់តែបានដឹងថា មន្ត្រីស្រុកបន្ទាយអំពិល មានគម្រោងនឹងជួបប្រជុំជាមួយមន្ត្រីស្រុកភ្នំដងរែក របស់ថៃ ក៏ប៉ុន្តែចំពោះកាលបរិច្ឆេទពិតប្រាកដពេលណានោះ លោកមិនបានដឹងច្បាស់ឡើយ។
ប្រជាពលរដ្ឋខ្មែរដែលរស់នៅច្រកព្រំដែនថ្មដូន បានឱ្យដឹងថា អាជ្ញាធរស្រុកភ្នំដងរែក របស់ថៃ មានគម្រោងនាំយកកូនឈើមួយចំនួនមកចែកឱ្យប្រជាពលរដ្ឋខ្មែរដាំផង នៅថ្ងៃដែលគេនឹងមកជួបប្រជុំជាមួយអាជ្ញាធរខ្មែរ ដើម្បីជជែកអំពីការចង់ឱ្យបើកច្រករបៀងព្រំដែនឡើងវិញនោះ។
ច្រករបៀងព្រំដែនតំបន់ជប់គគីរ ក្នុងឃុំអំពិល និងច្រកថ្មដូន ក្នុងឃុំគោកមន ត្រូវបានបិទទ្វារមិនឱ្យប្រជាពលរដ្ឋខ្មែរ-ថៃ អាចចេញចូល និងផ្លាស់ប្ដូរទំនិញគ្នាទៅវិញទៅមកជាង ៣ឆ្នាំមកហើយ ចាប់តាំងពីថៃ បានបញ្ជូនកងទ័ពចូលលុកលុយតំបន់ប្រាសាទព្រះវិហាររបស់ខ្មែរ កាលពីអំឡុងខែកក្កដា ឆ្នាំ២០០៨ ហើយប្រទេសទាំងពីរបានកើតមានជម្លោះព្រំដែននឹងគ្នាបណ្ដាលឱ្យកងទ័ពទាំងសងខាងមានការប្រយុទ្ធគ្នាជាច្រើនលើកមកនោះ៕
រឿងដែលគេអានច្រើនបំផុត
RFA
- ធនាគារABA មិនព្រមបើកប្រាក់ជាង១ម៉ឺន ៥ពាន់ដុល្លារ ដែលឧបត្ថម្ភដល់បុគ្គលិកណាហ្គាវើលដ៍
- លោក គា សុគន្ធ អ្នកនិពន្ធគំរូក្នុងការឆ្លុះបញ្ចាំងការពិត និងបណ្ដុះស្មារតីស្នេហាជាតិ
- ថៃយល់ព្រមឱ្យកម្ពុជាប្រើពាក្យ «គុនខ្មែរ» ក្នុងព្រឹត្តិការណ៍ស៊ីហ្គេម២០២៣
- «ករណីឧកញ៉ា សៀង ចាន់ហេង ប្រគល់ដីឲ្យប្អូនស្រីនាយករដ្ឋមន្ត្រីបង្ហាញថា អ្នកធំតែងឈ្នះ»
- ក្រុមមន្ត្រីជាន់ខ្ពស់គណបក្សកាន់អំណាចប្រតិកម្មនឹងពលរដ្ឋខ្មែររស់នៅក្រៅប្រទេស ជេរប្រមាថលោក ហ៊ុន ម៉ាណែត តាមបណ្ដាញសង្គម
រឿងដែលគេអានច្រើនបំផុត
ព័ត៌មានថ្មីៗ
- លោក ហ៊ុន សែន បន្តប្រកាសថា នឹងការពារមិនឱ្យមានរដ្ឋប្រហារ ដើម្បីអភិវឌ្ឍប្រទេសឱ្យរីកចំរើន
- លោកខាងលិចចង់ឃើញការបោះឆ្នោតជាតិប្រព្រឹត្តទៅដោយសេរី និងយុត្តិធម៌ ក្រោយការចាប់ខ្លួនលោក ថាច់ សេដ្ឋា
- គណបក្សចំនួន៣ ចូលរួមប្រកួតដណ្ដើមកៅអីក្រុមប្រឹក្សាស្រុកក្រុងទើបបំបែកថ្មី
- ពលរដ្ឋចោទនគរបាលម្នាក់ដែលជាម្ចាស់ហាងពន្លឺជាប់ចិត្តនៅតាខ្មៅថា ប្រើកាំភ្លើងភ្ជង់ក្បាលយុវជន
- លោក រ៉ុង ឈុន នឹងដឹកនាំធ្វើធម្មយាត្រាលើកកម្ពស់សីលធម៌សង្គមនៅសប្តាហ៍ក្រោយ