អ.ស.ប តែងតាំងចៅក្រមនិងសហព្រះរាជអាជ្ញាអន្តរជាតិបម្រុងនៅសាលាក្ដីខ្មែរក្រហម
2015.04.29
ទិដ្ឋភាពនៃសាលាក្ដីខ្មែរក្រហម កាលពីថ្ងៃទី២៤ ខែវិច្ឆិកា ឆ្នាំ២០០៩។
សាលាក្ដីខ្មែរក្រហម ចេញសេចក្ដីប្រកាសព័ត៌មានមួយនៅថ្ងៃទី២៨ មេសា ឲ្យដឹងថា អគ្គលេខាធិការអង្គការសហប្រជាជាតិ (អ.ស.ប) លោក បាន គីមូន (Ban Ki-moon) សម្រេចតែងតាំងចៅក្រមអន្តរជាតិថ្មីមួយរូប សម្រាប់អង្គបុរេជំនុំជម្រះនៅសាលាក្ដីនេះ។
ចៅក្រមអន្តរជាតិថ្មីនេះ គឺលោក អូលីវីយ៉េ បូវ៉ាល់ឡេ (Olivier Beauvallet) ជាជនជាតិបារាំង ត្រូវបានអង្គការសហប្រជាជាតិ តែងតាំងជំនួសលោកចៅក្រម ចាង ហូជុង ជនជាតិកូរ៉េខាងត្បូង ដែលបានលាលែងកាលពីខែកុម្ភៈ។ ថ្មីៗនេះ លោកជាសហចៅក្រមស៊ើបអង្កេតបម្រុងនៃសាលាក្ដីខ្មែរក្រហមនេះ។
លោកចៅក្រម អូលីវីយ៉េ បូវ៉ាល់ឡេ ធ្លាប់មានបទពិសោធន៍លើការងាររឿងក្ដីជាច្រើនពាក់ព័ន្ធនឹងឧក្រិដ្ឋកម្មដោយរៀបចំទុក ឧក្រិដ្ឋកម្មសង្គ្រាម និងអំពើភេរវកម្ម។ លោកធ្លាប់បម្រើការងារនេះនៅប្រទេសកូសូវ៉ូ (Kosovo) បារាំង ទ្វីបអាហ្វ្រិក និងអាស៊ីកណ្ដាល។
ទន្ទឹមគ្នានេះដែរ អ្នកស្រី ប្រេនដា ហូលីស (Brenda Hollis) ជាជនជាតិអាមេរិក ក៏ត្រូវបានតែងតាំងជាសហព្រះរាជអាជ្ញាអន្តរជាតិបម្រុងនៅសាលាក្ដីខ្មែរក្រហមដែរ។ តំណែងនេះបានទំនេរចាប់តាំងពី លោក នីខូឡាស គុំចៀន (Nicholas Koumjian) ត្រូវបានតែងតាំងជាសហព្រះរាជអាជ្ញានៅឆ្នាំ២០១៣។ អ្នកស្រី ហូលីស ធ្លាប់ជារដ្ឋអាជ្ញាសម្រាប់តុលាការ ពិសេសនៅប្រទេសសេរ៉ាឡេអូន និងជារដ្ឋអាជ្ញាជាន់ខ្ពស់នៅតុលាការ សម្រាប់អតីតប្រទេសយូហ្គោស្លាវី (ICTY)។ ការតែងតាំងនេះ គឺធ្វើឡើងដោយមានការយល់ព្រមពីឧត្ដមក្រុមប្រឹក្សានៃអង្គចៅក្រមកម្ពុជា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ
អត្ថបទពេញនិយម
ខ្មែរក្រហម
