សាលាក្ដីខ្មែរក្រហមរកបានថវិកាជិត ១៧លានដុល្លារថែមទៀត
ដោយ សុខ សេរី
2010.05.26
2010.05.26
Courtesy of ECCC
ការសន្យានេះ បានធ្វើឡើងតាមការអំពាវនាវស្វែងរកថវិកាជាបន្ទាន់មួយ របស់លោក Ban Ky-moon អគ្គលេខាធិការរបស់អង្គការសហប្រជាជាតិ នៅក្នុងទីក្រុងញីវយ៉ក (New York) សហរដ្ឋអាមេរិក កាលពីថ្ងៃពុធថ្មីៗនេះ គឺមានប្រទេសចំនួន១៤ ក្នុងចំណោម៦០ បានចូលរួមក្នុងកិច្ចប្រជុំនោះ។
នៅក្នុងចំណោមថវិកាសន្យាចំនួន ១៦.៩លានដុល្លារអាមេរិកខាងលើនេះ គឺភាគីកម្ពុជាទទួលបានថវិកាចំនួន ៣.៤លានដុល្លារអាមេរិក សម្រាប់បើកប្រាក់ខែឲ្យបុគ្គលិកកម្ពុជាចំនួន ២៩៤នាក់ នៅសាលាក្ដីខ្មែរក្រហម សម្រាប់ខែឧសភា និងខែមិថុនាខាងមុខ ក្រៅពីនេះ ថវិកាសេសសល់ គឺសម្រាប់ភាគីបុគ្គលិកអន្តរជាតិ នៅសាលាក្ដីខ្មែរក្រហម៕