មន្ត្រីសិទ្ធិមនុស្សកម្ពុជាទទួលការគំរាមសម្លាប់ពេលបំពេញការងារ
2014.05.12
មន្ត្រីមជ្ឈមណ្ឌលសិទ្ធិមនុស្សកម្ពុជា ដែលរងការគំរាមសម្លាប់ លោក វណ្ណ សូផាត។
មន្ត្រីសម្របសម្រួលគម្រោងកំណែទម្រង់ដីធ្លី នៃមជ្ឈមណ្ឌលសិទ្ធិមនុស្សកម្ពុជា លោក វណ្ណ សូផាត ចោទថា កងសន្តិសុខក្រុមហ៊ុន ឃុន សៀ បានគំរាមសម្លាប់ ក្នុងពេលលោកចុះបំពេញការងារនៅភូមិបឹងកក់ ១ ខណ្ឌទួលគោក រាជធានីភ្នំពេញ ជាមួយក្រុមការងារ កាលពីថ្ងៃទី៩ ឧសភា ឆ្នាំ ២០១៤។
សេចក្ដីប្រកាសព័ត៌មាន របស់មជ្ឈមណ្ឌលសិទ្ធិមនុស្សកម្ពុជា ចុះថ្ងៃទី១០ ឧសភា ឆ្នាំ២០១៤ ឲ្យដឹងថា លោក វណ្ណ សូផាត ត្រូវបានក្រុមបុរសស្លៀកពាក់ស៊ីវិលមានគ្នាប្រហែល ១០ នាក់ ដែលគេជឿថា ជាកងសន្តិសុខរបស់ក្រុមហ៊ុន ឃុន សៀ គំរាមសម្លាប់ ដោយសារលោក វណ្ណ សូផាត បានចុះទៅថតវីដេអូ អំពីសកម្មភាពរបស់ក្រុមហ៊ុន ឃុន សៀ ឈូសបំផ្លាញផ្ទះប្រជាពលរដ្ឋចំនួនបីគ្រួសារ ដើម្បីធ្វើជាឯកសារ ស្ដីពីការរំលោភយកដីធ្លី និងការបណ្ដេញចេញប្រជាពលរដ្ឋ ពីលំនៅស្ថានដោយបង្ខំ។
សេចក្ដីប្រកាសព័ត៌មាននោះ បញ្ជាក់ថា កងសន្ដិសុខម្នាក់ ប្រើពាក្យគំរាមថា ៖ «អាចម្កួត! អញមិនឲ្យឯងរួចខ្លួនទេ»។ បន្ទាប់មកកងសន្តិសុខ ដែលប្រើពាក្យគំរាមនោះ បញ្ជាឲ្យកងសន្តិសុខម្នាក់ទៀតថតរូបលោក វណ្ណ សូផាត និងស្លាកលេខឡានលោកទុក។
លោក វណ្ណ សូផាត ចុះទៅភូមិបឹងកក់១ ដើម្បីតាមដានជម្លោះដីលំនៅស្ថានរបស់ប្រជាពលរដ្ឋទាំង ៣ គ្រូសារ មានជម្លោះជាមួយក្រុមហ៊ុន ឃុន សៀ ដែលក្រុមហ៊ុននេះ បានយកគ្រឿងចក្រឈូសបំផ្លាញផ្ទះប្រជាពលរដ្ឋ ៣ គ្រួសារ ដើម្បីយកដី។ ក្នុងចំណោម ប្រជាពលរដ្ឋរងគ្រោះទាំងបីគ្រួសារនោះ មានគ្រួសារឈ្មោះ លី ស៊្រាខេង ផង ដែលត្រូវបានគេធ្វើទុក្ខបុកម្នេញ វាយបំផ្លាញផ្ទះសម្បែងជាច្រើនដង និងលួចដាក់ពស់វែកក្នុងផ្ទះពេលយប់ ដើម្បីបង្ខំឲ្យគ្រួសារទាំងនោះចាកចេញពីលំនៅស្ថានរបស់ខ្លួន។ ក៏ប៉ុន្តែ ប្រជាពលទាំងនោះ នៅតស៊ូក្រាញននៀលមិនព្រមចាកចេញ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- សាលាដំបូងរាជធានីភ្នំពេញ តម្កល់សាលក្រមកំបាំងមុខទៅលើប្រធានសហជីព លោក ម៉ម រិទ្ធី ឱ្យជាប់ពន្ធនាគារ ១៨ខែ
- ពលរដ្ឋ និងអ្នកការពារសិទ្ធិមនុស្សធ្វើធម្មយាត្រាពីក្រុងកំពតមកភ្នំពេញ ដើម្បីលើកកម្ពស់ការគោរពសិទ្ធិមនុស្ស
- លោក ហ៊ុន សែន តែងតាំងលោក ហៃ វណ្ណា និងសកម្មជន ១៨នាក់ទៀតជាទីប្រឹក្សា និងជំនួយការ
- យុវជនរិះគន់ការផ្ដល់គ្រឿងឥស្សរិយយសឱ្យចៅប្រុសលោក ហ៊ុន សែន ដែលធ្លាប់ប្រកាសលក់កាំភ្លើងលើបណ្ដាញសង្គម
- លោក ហ៊ុន សែន ទៅមជ្ឈិមបូព៌ា «ទំនងចង់ទៅដើរទាក់ទាញវិនិយោគទុន ខណៈរដ្ឋាភិបាលកូន កំពុងជួបបញ្ហាសេដ្ឋកិច្ច»