អ្នកភូមិនៅស្ទឹងត្រែងចោទមេការក្រុមហ៊ុនចិនថាយកកាំភ្លើងភ្ជង់បណ្ដេញចេញពីដី
2012.12.16
រឿងរ៉ាវនេះកើតឡើងតាំងពីថ្ងៃទី១ ខែធ្នូ នៅចំណុចអូរគគីរ ឃុំក្បាលរមាស បន្ទាប់ពីប្រជាពលរដ្ឋ ៨គ្រួសារ បានចុះទៅកាប់ឆ្ការស្មៅរកព្រំដីស្រែរបស់ពួកគាត់ ដើម្បីទុកឲ្យក្រុមនិស្សិតចុះវាស់វែងចេញប័ណ្ណកម្មសិទ្ធិ។
អ្នកភូមិឈ្មោះ លី បាវ មានប្រសាសន៍បញ្ជាក់ថា លោកបានរាយការណ៍ និងប្ដឹងករណីនេះជូនអាជ្ញាធរឃុំ និងសមត្ថកិច្ចប៉ូលិសកងរាជអាវុធហត្ថតាំងពីថ្ងៃកើតហេតុ ប៉ុន្តែរហូតថ្ងៃនេះមិនទាន់ឃើញមានដំណោះស្រាយអ្វីឡើយ។
លោកបន្តថា លោកបានប្ដឹងទៅមន្ត្រីការពារសិទ្ធិមនុស្សសមាគមអាដហុក (ADHOC) ខេត្តស្ទឹងត្រែង ជួយអន្តរាគមន៍រឿងនេះបន្តទៀត៖ «ចិន ២នាក់ ខ្មែរ ៨នាក់។ ឡានគេមកដល់សួរខ្ញុំថា អ្នកណាដុតភ្លើងនេះ?ខ្ញុំក៏ឆ្លើយដាក់ខ្លួនខ្ញុំ ថា ខ្ញុំ! ហើយខ្ញុំដុតដីស្រែខ្ញុំ។ ដូច្នេះអាចិន មួយគេទៅកន្ទ្រាក់កាំភ្លើងពីអាមួយនោះមក ចិនៗគ្នាគេ ភ្ជង់ខ្ញុំជាប់»។
វិទ្យុអាស៊ីសេរី មិនអាចទាក់ទងតំណាងក្រុមហ៊ុនចិន សុំបំភ្លឺការចោទប្រកាន់នេះបានទេ ប៉ុន្តែមន្ត្រីផ្នែកអង្កេតសមាគមអាដហុក ខេត្តស្ទឹងត្រែង លោក មៀន ព្រហ្មមុនី ចាត់ទុកករណីនេះថា ជាការប្រើប្រាស់អាវុធរំលោភសិទ្ធិមនុស្ស ប្រសិនសេចក្ដីរាយការណ៍របស់អ្នកភូមិជាការពិត។ លោកអំពាវនាវឲ្យអាជ្ញាធរខេត្តស្រាវជ្រាវករណីនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- លោក ឃួង ស្រេង ពីមន្ត្រីខណ្ឌតូចតាចទៅជាអភិបាលក្រុងភ្នំពេញដោយសារស្នាដៃបម្រើគ្រួសារត្រកូលហ៊ុន
- លោក ហេង សិទ្ធី ត្រូវបានចាប់ខ្លួនដល់រុស្សីក្រោយស្នើឱ្យលោក ហ៊ុន ម៉ាណែត ចុះចេញពីតំណែង
- លោក ហ៊ុន ម៉ានី ស្នើឲ្យនាយករដ្ឋមន្ត្រី លោក ហ៊ុន ម៉ាណែត ដកប្រធានមន្ទីរបរិស្ថានចំនួន៤ ខេត្ត នៅជុំវិញតំបន់ព្រៃឡង់
- មនុស្ស ៤នាក់ស្លាប់ និង ៥នាក់ទៀតរបួសធ្ងន់ ពេលប្រជ្រៀតគ្នាយកអាំងប៉ាវនៅភូមិគ្រឹះលោក សុខ គង់
- លោក សម រង្ស៊ី អំពាវនាវឱ្យកងកម្លាំងប្រដាប់អាវុធ និងអ្នកនយោបាយរួមគ្នាផ្លាស់ប្ដូររបបត្រកូល ហ៊ុន
អត្ថបទពេញនិយម
ព័ត៌មានថ្មីៗ
- លោក ហ៊ុន ម៉ាណែត បដិសេធមិនពាក់ព័ន្ធនឹងឃាតកម្មលើលោក លិម គិមយ៉ា
- ភរិយា លោក លិម គិមយ៉ា រៀបរាប់ពីសកម្មភាពនៅលើឡានក្រុង មកទីក្រុងបាងកក មុនពេលឃាតកបាញ់សម្លាប់ប្ដី
- ជនសង្ស័យ៥នាក់ត្រូវបានឃាត់ខ្លួនករណីក្លែងបន្លំឯកសណ្ឋានសមត្ថកិច្ចដើរជំរិតទារប្រាក់
- អ្នកឃ្លាំមើលថា លោក ហ៊ុន ម៉ាណែត អសមត្ថភាពរកទីផ្សារជូនពលរដ្ឋ ទើបងាកទៅទម្លាក់ការទទួលខុសត្រូវលើបក្សប្រឆាំង
- ពលរដ្ឋខ្មែរនៅប្រទេសជប៉ុនទាមទារយុត្តិធម៌ជូនសពលោក លិម គិមយ៉ា