ទាហាន​ឡាវ​បាញ់​ពល​រដ្ឋ​ខ្មែរ​បាក់​ជើង​២​នាក់

នៅ​ឯ​ព្រំដែន​ខេត្ត​ស្ទឹងត្រែង ជាប់​និង​ប្រទេស​ឡាវ ប្រជា​ពល​រដ្ឋ​ខ្មែរ​ចំនួន​ពីរ​នាក់​រស់​នៅ​ស្រុក​សៀមប៉ាង ត្រូវ​បាន​តម្រួត​ឡាវ​បាញ់​បាក់​ជើង និង​ម្នាក់​ទៀត​ត្រូវ​ចាប់​ខ្លួន​ដោយ​សារ​លួច​ឆ្លង​ចូល​ទៅ​ទឹក​ដី​ឡាវ ដើម្បី​កាប់​ឈើ​ខុស​ច្បាប់។
ដោយ រដ្ឋា វីសាល
2011.08.12
Share on WhatsApp
Share on WhatsApp

លោក រដ្ឋា វីសាល រាយ​ការណ៍​នៅ​ថ្ងៃ​សុក្រ ទី​១២ ខែ​សីហា ឆ្នាំ​២០១១ ឲ្យ​ដឹង​ថា ពល​រដ្ឋ​ខ្មែរ​ដែល​ត្រូវ​តម្រួត​ឡាវ​បាញ់​ឲ្យ​របួស​នោះ រស់​នៅ​ភូមិ​កាចាញ​ទឹក ឃុំ​ស្រែ​សម្បូរ ឈ្មោះ ទារបឿន អាយុ​២១ និង​ម្នាក់​ទៀត​រស់​នៅ​ឃុំ​ព្រៃ​មាស ឈ្មោះ ធិន អាយុ​១៨​ឆ្នាំ។

ជំទប់​ទី​ពីរ​ឃុំ​ស្រែ​សម្បូរ លោក ឌី សន មាន​ប្រសាសន៍​បញ្ជាក់​ថា បង​ប្រុស​របស់​ប្រជា​ពល​រដ្ឋ ដែល​តម្រួត​ឡាវ​បាញ់​បាក់​ជើង ឈ្មោះ ទា មួន ជា​អ្នក​នៅ​ក្នុង​ហេតុ​ការណ៍​បាញ់​ប្រហារ​បាន​រត់​រួច​ពី​ការ​ស្ទាក់​បាញ់​ពល​រដ្ឋ​ខ្មែរ​ទាំង​នោះ បាន​អះអាង​ប្រាប់​អាជ្ញាធរ​ឃុំ​ស្រែ​សម្បូរ​ថា អ្នក​ភូមិ​ជា​ក្រុម​ៗ បាន​លូច​ចូល​ទៅ​ដី​ឡាវ ហើយ​នៅ​វេលា​ម៉ោង​ប្រមាណ​១១ ថ្ងៃ​ទី​១១ ខែ​សីហា ឆ្នាំ​២០១១ ក៏​បាន​ជួប​ហេតុ​ការណ៍​ស្ទាក់​បាញ់ និង​ចាប់​ខ្លូង​នោះ ចំណែក​ប្រជា​ពល​រដ្ឋ​ផ្សេង​ទៀត បាន​រត់​រួច​ចូល​មក​ដី​ខ្មែរ​វិញ ចំណែក​អ្នក​រង​របួស​មិន​ដឹង​ជោគ​វាសនា​បែប​ណា​នៅ​ឡើយ ៖ "ខាង​ព្រំដែន​ប្រហែល​មិន​ទាន់​បាន​ទទួល​ដំណឹង​ទេ វា​បាក់​ជើង​នៅ​កន្លែង​ដែល​គេ​បាញ់​ហ្នឹង ប៉ុន្តែ​គ្នា​គេ​ប្រុង​ចូល​ទៅ​យក​ដែរ ប៉ុន្តែ​មក​សួរ​ខ្ញុំ​ថា តើ​ចូល​យក​បាន​អត់? ប៉ុន្តែ​ខ្ញុំ​ថា​មិន​ទាន់​ដឹង​ហ៊ាន​សន្និដ្ឋាន​ទេ ក្រែង​លោ​គេ​យាម​នៅ​នោះ​ណា។ ប្រហែល​ម៉ា​ស្រុក​សៀមប៉ាង ទៅ​គ្នា​ច្រើន​ណាស់ ប៉ុន្តែ​ដល់​គេ​បាញ់​ៗ បាន​តែ​ម្នាក់​ហ្នឹង ហើយ​គេ​ចាប់​បាន​ម្នាក់"

មេ​បញ្ជា​ការ​ប៉ូលិស​ការ​ពារ​ព្រំដែន វរ​៧០១ នៃ​ស្នងការដ្ឋាន​ខេត្ត​ស្ទឹងត្រែង លោក ហ៊ុន បាន មាន​ប្រសាសន៍​ថា តម្រួត​ព្រំដែន​ខ្មែរ​ទាំង​ប៉ូលិស និង​យោធា មិន​ទាន់​ទទួល​បាន​ព័ត៌មាន​នេះ​ពី​ភាគី​ឡាវ​នៅ​ឡើយ ក៏​ប៉ុន្តែ​បាន​ទទួល​ព័ត៌មាន​ដូច​គ្នា​ពី​ប្រជា​ពល​រដ្ឋ​ស្រុក​សៀមប៉ាង។ លោក​បន្ត​ថា នឹង​ចាត់​ការ​ស្រាវ​ជ្រាវ​ករណី​នេះ៕

រឿង​ដែល​គេ​អាន​​ច្រើន​បំផុត
ព័ត៌មាន​ថ្មីៗ
ក្រុម​មន្ត្រី​ជាន់ខ្ពស់​គណបក្ស​កាន់​អំណាច​ប្រតិកម្ម​នឹង​ពលរដ្ឋ​ខ្មែរ​រស់នៅ​ក្រៅ​ប្រទេស ជេរ​ប្រមាថ​លោក ហ៊ុន ម៉ាណែត តាម​បណ្ដាញ​សង្គម
បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។