គ្រូពេទ្យជនជាតិអង់គ្លេសម្នាក់ជាប់ចោទពីបទរួមភេទជាមួយក្មេងស្រីមិនទាន់គ្រប់អាយុ
2018.12.16
លោក ខ្លីវ ក្រេស៊ី (Clive Cressy) គ្រូពេទ្យជនជាតិអង់គ្លេស ពេលត្រូវបានចាប់ខ្លួន កាលពីខែមេសា ឆ្នាំ២០១៧។
សាលាដំបូងរាជធានីភ្នំពេញបានផ្ដន្ទាទោសបុរសវ័យចំណាស់ និងជាវេជ្ជបណ្ឌិតជនជាតិអង់គេ្លសម្នាក់ ឲ្យជាប់ពន្ធនាគារ៥ឆ្នាំករណីរួមភេទនឹងកុមារីចាប់ពីអាយុ ៩ និង ១៣ឆ្នាំ។ លោក ខ្លីវ ក្រេស៊ី (Clive Cressy) អាយុ៧០ឆ្នាំ ធ្លាប់បង្រៀនភាសាអង់គ្លេសនៅកម្ពុជា ត្រូវបានអាជ្ញាធរកម្ពុជាចាប់ខ្លួននៅក្នុងផ្ទះជួលរបស់លោក ជាមួយប្រពន្ធជនជាតិវៀតណាម ដែលបានទាក់ទងក្មេងស្រីវៀតណាម មិនទាន់គ្រប់អាយុមកអោយរួមភេទជាមួយប្ដីរបស់ខ្លួន ។ តុលាការរកឃើញថា លោក ខ្លីវ ក្រេស៊ី បានចំណាយប្រាក់រហូតដល់ ៣ពាន់ដុល្លារ ដល់ជនរងគ្រោះក្នុងការរួមភេទនៅពេលលោកមានចំណង់។ ជនរងគ្រោះជាកុមារទាំងនោះ ត្រូវបានបុរសរូបនេះនិងភរិយាយកមករស់នៅផ្ទះជាមួយ មុនពេលពួកគេត្រូវបានរំលោភផ្លូវភេទ។ លោក ខ្លីវ ក្រេស៊ី នឹងត្រូវបណ្ដេញពីកម្ពុជាក្រោយពេលចេញពីពន្ធនាគារ។
តាមកាសែតបរទេស The Argus ស្រង់សម្ដីមន្ត្រីតុលាការថា បុរសគ្រូពេទ្យជនជាតិអង់គ្លេសរូបនេះ បានចូលមករស់នៅក្នុងប្រទេសកម្ពុជាក្នុងឆ្នាំ២០១៥។ កាលពីថ្ងៃទី២៧ ខែមេសា ឆ្នាំ២០១៧ មន្ត្រីនគរបាលកម្ពុជា បានចូលទៅរំដោះក្មេងស្រីទាំងនោះក្នុងផ្ទះជួលរបស់ជនល្មើស ហើយចាប់បុរសរូបនេះ។ ចំណែកឯប្រពន្ធល្មើសនៅពេលនោះ បានរត់គេចខ្លួន តែត្រូវបានអាជ្ញាធរចាប់បានវិញ កាលពីខែមិថុនា ឆ្នាំ២០១៨នេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ