តុលាការក្រុងភ្នំពេញកោះហៅកញ្ញា ស្រីមុំ ចូលបំភ្លឺនៅថ្ងៃទី៨មេសា
កញ្ញា ខុម ចាន់តារាទី ហៅ ស្រីមុំ (រូបឆ្វេង) ដែលត្រូវបានអ្នកប្រើប្រាស់បណ្ដាញសង្គមហ្វេសប៊ុក (Facebook) បង្ហោះខ្សែអាត់សំឡេងថា នាងមានជាប់ពាក់ព័ន្ធនឹងរឿងអាស្រូវស្នេហាជាមួយ លោក កឹម សុខា ពេលចេញពីនាយកដ្ឋានប្រឆាំងភេរវកម្ម ក្រសួងមហាផ្ទៃ នៅថ្ងៃទី១១ ខែមីនា ឆ្នាំ២០១៦។
RFA/Rann Samnang
ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ ចេញដីកាកោះហៅ កញ្ញា ខុម ចាន់ដារាទី ហៅ ស្រីមុំ ដើម្បីសាកសួរនៅថ្ងៃទី៨ ខែមេសា ឆ្នាំ២០១៦។ ព្រះរាជអាជ្ញារង សៀង សុខ បានថ្លែងនៅក្នុងដីកាចេញថ្ងៃទី២២ មីនា ថា កញ្ញា ស្រីមុំ ត្រូវចូលបំភ្លឺនៅតុលាការ បន្ទាប់ពីរបាយការណ៍របស់សមត្ថកិច្ចនៃនាយកដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែនបង្ហាញថា មានករណីផ្ដល់សក្ខីកម្មក្លែង និងមានអំពើពេស្យាចារ។
បងស្រី និងមេធាវីរបស់ កញ្ញា ខុម ចាន់ដារាទី ហៅ ស្រីមុំ បញ្ជាក់ថា ពួកគេបានទទួលព័ត៌មានស្ដីពីដីកាកោះរបស់តុលាការនេះហើយ ក៏ប៉ុន្ដែមិនទាន់អាចបញ្ជាក់បានទេថា តើកញ្ញានឹងសម្រេចចូលបំភ្លឺតាមការកោះហៅរបស់តុលាការ ឬយ៉ាងណា?
កញ្ញា ខុម ចាន់ដារាទី ហៅ ស្រីមុំ ត្រូវបានគេសង្ស័យថា ជាស្រីកំណាន់របស់ប្រធានស្ដីទីគណបក្សសង្គ្រោះជាតិ លោក កឹម សុខា។
នាពេលបច្ចុប្បន្ន អង្គភាពប្រឆាំងអំពើពុករលួយ និងរដ្ឋសភា កំពុងតែចាត់ការករណីរឿងអាស្រូវស្នេហាមេដឹកនាំគណបក្សប្រឆាំង ទៅតាមបណ្ដឹងរបស់យុវជនមួយក្រុមដែលអះអាងថា ខ្លួនជានិស្សិត ខណៈសាធារណជនរិះគន់ពីចំណាត់ការនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
- ស្ដាប់ផ្ទាល់ (ព្រឹក ៥:៣០-៦:៣០ ល្ងាច ៧:៣០-៨:៣០)
- សំឡេង
- ពលរដ្ឋរិះគន់រដ្ឋាភិបាលលោក ហ៊ុន សែន ដែលយកលុយជាតិទៅផលិតភាពយន្តស្ដីពីការតស៊ូរបស់លោក ហ៊ុន សែន
- ក្រុមហ៊ុនយន្តហោះមិនអនុញ្ញាតឲ្យអ្នកស្រី មូរ សុខហួរ ឡើងយន្តហោះចាកចេញពីអាមេរិក
- លោក សម រង្ស៊ី ស្នើអ.ស.បរៀបចំគណៈកម្មការអន្តរជាតិមួយស៊ើបអង្កេតករណីសង់មូលដ្ឋានទ័ពចិននៅកម្ពុជា
- បុរសខ្មែរម្នាក់លះបង់ពេលផ្ទាល់ខ្លួនជួយការពារសិទ្ធិពលករខ្មែរនៅថៃដោយមិនគិតប្រាក់កម្រៃ
- តើលោក ហ៊ុន សែន និងគណបក្សប្រជាជនកម្ពុជាកំពុងជួបវិបត្តិផ្ទៃក្នុងបែបណា?
