មេធាវីការពារក្ដីរបស់អ្នកនាង ខុម ចាន់តារាទី ហៅស្រីមុំ គឺលោក គឹម វាសនា ថ្លែងប្រាប់ក្រុមអ្នកកាសែត ក្រោយតុលាការបញ្ចប់ការសាកសួរនៅព្រឹកថ្ងៃទី១៦ មិថុនា ថា ស្រីមុំ ចូលបំភ្លឺ ទាក់ទងនឹងសំណុំរឿងសញ្ចារកម្មដែលពាក់ព័ន្ធនឹងតំណាងរាស្ត្របក្សប្រឆាំង ៣រូប។
តំណាងរាស្ត្រទាំងបីដែលជាប់ពាក់ព័ន្ធនោះរួមមាន ប្រធានស្ដីទីគណបក្សសង្គ្រោះជាតិ លោក កឹម សុខា លោក តុ វ៉ាន់ចាន់ និងលោក ពិន រតនា។
ក្នុងបណ្ដឹងនេះ តុលាការក្រុងភ្នំពេញ ធ្លាប់បានកោះហៅលោក តុ វ៉ាន់ចាន់ និងលោក ពិន រតនា មកបំភ្លឺតាមការចោទប្រកាន់នេះ ចំណែកលោក កឹម សុខា ក៏ត្រូវហៅមកបំភ្លឺក្នុងនាមជាសាក្សី ប៉ុន្តែអ្នកទាំង៣ មិនដែលមកឆ្លើយបំភ្លឺតាមដីការបស់តុលាការឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។