តុលាការភ្នំពេញកោះអញ្ជើញលោក កឹម សុខា ចូលបំភ្លឺនៅថ្ងៃទី២៥កក្កដា
2014.07.17
អនុប្រធានគណបក្សសង្គ្រោះជាតិ លោក កឹម សុខា ដឹកនាំក្បួនបាតុកម្មហែតាមដងផ្លូវ នារាជធានីភ្នំពេញ នៅថ្ងៃទី២៣ ធ្នូ ឆ្នាំ២០១៣។
ចៅក្រមស៊ើបសួរនៃសាលាដំបូងរាជធានីភ្នំពេញ កោះហៅលោក កឹម សុខា ប្រធានស្តីទីគណបក្សសង្គ្រោះជាតិ អោយចូលបំភ្លឺក្នុងនាមជាមេដឹកនាំបក្សប្រឆាំង ជុំវិញករណីអំពើហិង្សានៅក្បែរទីលានប្រជាធិបតេយ្យ។
ចៅក្រម លោក កែវ មុន្នី នៅព្រឹកថ្ងៃទី១៧ ខែកក្កដា ចេញដីកាកោះអញ្ជើញលោក កឹម សុខា ដែលជាអ្នកទទួលខុសត្រូវក្នុងនាមជាមេដឹកនាំគណបក្សសង្គ្រោះជាតិ អោយចូលទៅសាលាដំបូងរាជធានីភ្នំពេញ នៅព្រឹកថ្ងៃទី២៥ ខែកក្កដា។
ក្រោយពីមានការចេញដីកាកោះនោះ គណបក្សសង្គ្រោះជាតិ បានចេញសេចក្តីប្រកាសព័ត៌មានមួយនៅព្រឹកថ្ងៃព្រហស្បតិ៍ នេះ ជម្រាបដល់សាធារណជនតំណាងទូត និងអ្នកសារព័ត៌មានជាតិអន្តរជាតិ ចូលរួមសង្កេត និងឃ្លាំមើលផងដែរ។
ក្នុងនាមប្រធានស្ដីទីគណបក្សសង្គ្រោះជាតិ លោក កឹម សុខា បានចេញសេចក្ដីប្រកាសព័ត៌មានមួយអំពាវនាវឲ្យសាធារណជន អង្គការជាតិ អន្តរជាតិ តំណាងអង្គទូត និងអ្នកសារព័ត៌មានចូលរួមតាមដានស្ថានការណ៍ និងឃ្លាំមើលដំណើរការសាកសួរលើរូបលោក។
ទន្ទឹមនឹងនេះលោកក៏បានប្រកាសនៅលើគេហទំព័រគណបក្សសង្គ្រោះជាតិ និងបណ្ដាញសង្គមហ្វេសប៊ុករបស់លោក អញ្ជើញបេក្ខជនជាប់ឆ្នោតរបស់បក្សសង្គ្រោះជាតិទាំងអស់ដែលនៅក្រៅប្រទេស សូមឲ្យត្រឡប់មកកាន់ប្រទេសកម្ពុជា វិញជាប្រញាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ