មេធាវីការពារក្ដីឱ្យអតីតបុគ្គលិកវិទ្យុអាស៊ីសេរីនឹងប្ដឹងឧទ្ធរណ៍ប្រឆាំងដីកាសម្រេចបន្តឃុំខ្លួន
2017.12.06
អតីតបុគ្គលិកអាស៊ីសេរី លោក អ៊ួន ឈិន ក្នុងពេលចុះបំពេញការងារកាលពីអំឡុងឆ្នាំ២០១៥។
Photo: RFA
មេធាវីការពារក្ដីឱ្យអតីតអ្នករាយការណ៍ព័ត៌មានអាស៊ីសេរី ពីររូប នឹងដាក់ពាក្យប្ដឹងឧទ្ធរណ៍ជំទាស់នឹងដីកាសម្រេចបន្តឃុំខ្លួនកូនក្ដីលោក នៅព្រឹកថ្ងៃព្រហស្បតិ៍ ទី៧ ខែធ្នូ។
ការដាក់ពាក្យបណ្ដឹងនេះ ក្រោយពេលលោកបានទៅពន្ធនាគារជួបលោក អ៊ួន ឈិន និងលោក យាង សុធារិន្ទ កាលពីថ្ងៃទី៦ ខែធ្នូ ដើម្បីជម្រាបព័ត៌មានអំពីដីកាចៅក្រមសម្រេចបន្តឃុំខ្លួនទៅកូនក្តីរបស់លោក។
កាលពីថ្ងៃទី៤ ខែធ្នូ ចៅក្រមស៊ើបសួរសាលាដំបូងរាជធានីភ្នំពេញ បានសម្រេចទាត់ចោលបណ្ដឹងសុំនៅក្រៅឃុំជាបណ្ដោះអាសន្នរបស់លោកមេធាវី កែវ វ៉ាន់នី ដោយតុលាការលើកមូលហេតុខ្លាចអ្នកទាំងពីរចេញមកក្រៅឃុំ ហើយបំផ្លាញភស្តុតាងផ្សេងៗ។ ប៉ុន្តែលោក កែវ វ៉ាន់នី មិនអាចទទួលយកបានឡើយ ដោយហេតុថា កូនក្ដីលោកទាំងពីរមិនបានប្រព្រឹត្តបទល្មើសទេ ហេតុនេះគ្មានភស្តុតាងឯណាត្រូវបំផ្លាញនោះទេ ហើយកូនក្តីរបស់លោកទាំងពីរមានទីលំនៅច្បាស់លាស់ថែមទៀត។
លោកអះអាងថា លោក អ៊ួន ឈិន បានប្រាប់លោកថា លោកមានបញ្ហាសុខភាព ដោយសារជំងឺផ្នែកជាប្រចាំពិបាកព្យាបាល ហើយមន្ត្រីពន្ធនាគារមិនអនុញ្ញាតឱ្យសាច់ញាតិរបស់លោកយកថ្នាំឱ្យលោកប្រើប្រាស់ឡើយ។ ចំណែកលោក យាង សុធារិន្ទ មានសុខភាពល្អធម្មតាដដែល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ