តុលាការបើកសវនាការបន្តលើសំណុំរឿងសកម្មជនបក្សប្រឆាំង១១នាក់
2015.05.19

សាលាដំបូងរាជធានីភ្នំពេញ នៅព្រឹកថ្ងៃទី១៩ ខែឧសភា បើកសវនាការបន្តលើសំណុំរឿងមន្ត្រីគណបក្សសង្គ្រោះជាតិ លោក មាជ សុវណ្ណារ៉ា និងសកម្មជនបក្សនេះ ១០នាក់ផ្សេងទៀត ជុំវិញសំណុំរឿងហិង្សានៅលើស្ពាននាគ ក្បែរទីលានប្រជាធិបតេយ្យ កាលពីឆ្នាំ២០១៤។
មេធាវីការពារក្ដីឲ្យសកម្មជនទាំង ១១នាក់នោះអះអាងថា កូនក្ដីរបស់ខ្លួនអាចនឹងរួចផុតពីការចោទប្រកាន់របស់តុលាការ ដោយសាររកពុំឃើញភស្តុតាងណាមួយដើម្បីដាក់បន្ទុកនោះទេ។
ការបើកសវនាការជំនុំជម្រះនេះ នៅក្រោយពេលតុលាការបានដោះលែងអ្នកទាំងពីរនាក់ឲ្យក្រៅឃុំជាបណ្ដោះអាសន្ន ដោយសារតែមានការព្រមព្រៀងគ្នាតាមរយៈវប្បធម៌សន្ទនារវាង លោក សម រង្ស៊ី និងលោក ហ៊ុន សែន។
សកម្មជនគណបក្សសង្រ្គោះជាតិ ទាំង ១១នាក់ ត្រូវបានចោទប្រកាន់ពីបទដឹកនាំកុប្បកម្ម និងចូលរួមក្នុងចលនាកុប្បកម្ម ដែលបានប្រព្រឹត្តកាលពីថ្ងៃទី១៥ ខែកក្កដា ឆ្នាំ២០១៤ នៅលើស្ពាននាគក្បែរទីលានប្រជាធិបតេយ្យ។
អំពើហិង្សានៅលើស្ពាននាគក្បែរទីលានប្រជាធិបតេយ្យរវាងកងសន្តិសុខរដ្ឋាភិបាល និងអ្នកគាំទ្របក្សប្រឆាំង បានបណ្ដាលឲ្យកងសន្តិសុខ និងក្រុមបាតុកររងរបួសទាំងសងខាង។
សូមស្ដាប់សេចក្ដីរាយការណ៍ពិស្ដាររបស់លោក ម៉ម មុនីរតន៍ តាមការសាកសួររបស់លោក ជុន ច័ន្ទបុត្រ ដូចតទៅ៖