តុលាការ​សាកសួរ​មនុស្ស​ពីរ​នាក់​ដែល​ជាប់​ពាក់ព័ន្ធ​នឹង​ក្រុម​រណសិរ្ស​រំដោះ​ជាតិ​ខ្មែរ

ដោយ អ៊ុង សេរីវុទ្ធ
2017-07-03
អ៊ីម៉ែល
មតិ
Share
បោះពុម្ព
តំណាង​រណសិរ្ស​រំដោះ​ជាតិ​ខ្មែរ លោក ធុយ វី ពេល​បញ្ជូន​មក​សាលាដំបូង​រាជធានី​ភ្នំពេញ នៅ​ព្រឹក​ថ្ងៃ​ទី​១៨ ខែ​ឧសភា ឆ្នាំ​២០១៧។
តំណាង​រណសិរ្ស​រំដោះ​ជាតិ​ខ្មែរ លោក ធុយ វី ពេល​បញ្ជូន​មក​សាលាដំបូង​រាជធានី​ភ្នំពេញ នៅ​ព្រឹក​ថ្ងៃ​ទី​១៨ ខែ​ឧសភា ឆ្នាំ​២០១៧។
RFA

ចៅក្រម​ស៊ើបសួរ​នៃ​សាលាដំបូង​រាជធានី​ភ្នំពេញ លោក សេង ឬទ្ធី នៅ​ថ្ងៃ​ទី៣ កក្កដា នេះ សាកសួរ​មនុស្ស​ពីរ​នាក់​ដែល​ជាប់​ព័ន្ធ​នឹង​ក្រុម​រណសិរ្ស​រំដោះជាតិ​​ខ្មែរ ដែល​រង​ការ​ចោទ​ថា មាន​ចេតនា​ចង់​ផ្ដួល​រំលំ​រដ្ឋាភិបាល​លោក​នាយករដ្ឋមន្ត្រី ហ៊ុន សែន។

ជំនួយការ​ប្រធាន​ការិយាល័យ​ឧត្ដម​ស្នងការ​អន្តរ​សាសន៍ លោក ឌឹមលីម សុភាវត្តី ឲ្យ​អាស៊ីសេរី​ដឹង​ក្រោយ​ពី​លោក និង​ប្រធាន​របស់​លោក​គឺ លោក ឃុន សាវៈខែត ចេញ​ពី​បំភ្លឺ​នៅ​សាលាដំបូង​រាជធានី​ភ្នំពេញ នៅ​ថ្ងៃ​ទី៣ កក្កដា ថា នេះ​ជា​ការ​សាកសួរ​លើក​ទី២ ក្រោយ​ពី​ពួក​លោក​ត្រូវ​បាន​ចាប់​ខ្លួន តែ​ត្រូវ​បាន​ដោះលែង​វិញ រី​ឯ​សមាជិក​រណសិរ្ស​រំដោះជាតិ​ខ្មែរ​ម្នាក់​គឺ​លោក ធុយ វី នៅ​ជាប់​ឃុំ​នៅ​ឡើយ​មក​ទល់​ពេល​នេះ​ពី​បទ​ញុះញង់​​តាម​មាត្រា ៤៩៤ និង​មាត្រា ៤៩៥ នៃ​ក្រម​ព្រហ្មទណ្ឌ។ ការ​ចាប់​ខ្លួន​នេះ នៅ​ពេល​ធ្វើ​សន្និសីទ​កាសែត​កាល​ពី​ខែ​ឧសភា។

លោក ឌឹមលីម សុភាវត្តី អះអាង​ថា ការ​សាកសួរ​នេះ​ផ្ដោត​សំខាន់​ពី​មូលហេតុ​ដែល​អង្គការ​របស់​លោក​បាន​ដឹកនាំ​ធ្វើ​សន្និសីទ​កាសែត ហើយ​មាន​ការ​ចូលរួម​របស់​ក្រុម​រណសិរ្ស​រំដោះ​ជាតិ​ខ្មែរ​នៅ​ពេល​នោះ។ ទោះ​យ៉ាងណា​ក៏​ដោយ លោក​មិន​ដឹង​ថា តុលាការ​នឹង​ចាត់​វិធានការ​បែប​ណា​ទៀត​ចំពោះ​​ពួកគាត់ តែក្រោយពី​សាកសួរ​ចប់​នៅ​ថ្ងៃ​ទី​៣ កក្កដានេះ តុលាការ​អនុញ្ញាត​ឲ្យ​ពួក​លោក​ទាំង​ពីរ​ត្រឡប់​មក​ផ្ទះ​វិញ

បច្ចុប្បន្ន​សមាជិក​របស់​រណសិរ្ស​រំដោះ​ជាតិ​ខ្មែរ​ប្រមាណ​១០​នាក់​មក​ហើយ ត្រូវ​បាន​សមត្ថកិច្ច​ចាប់​ខ្លួន និង​ចោទ​ប្រកាន់​តាម​ផ្លូវ​តុលាការ ដោយ​រង​ការ​ចោទ​ប្រកាន់​ថា មាន​ចេតនា​ចង់​ផ្ដួល​រំលំ​រដ្ឋាភិបាល៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល