តុលាការ​ផ្ដន្ទាទោស​ជនជាតិ​ចិន​ម្នាក់​ដាក់​គុក ៣០​ឆ្នាំ ពាក់ព័ន្ធ​ជួញដូរ​គ្រឿងញៀន​ជាង ៥០​គីឡូ

ដោយ ម៉ៅ សុធានី
2024.03.15
តុលាការ​ផ្ដន្ទាទោស​ជនជាតិ​ចិន​ម្នាក់​ដាក់​គុក ៣០​ឆ្នាំ ពាក់ព័ន្ធ​ជួញដូរ​គ្រឿងញៀន​ជាង ៥០​គីឡូ ​ជនជាតិ​ចិន​ឈ្មោះ ចូវ គ័រឆាវ (ZHOU GUOCHAO) ដែលត្រូវសមត្ថកិច្ចកម្ពុជាឃាត់ខ្លួន ករណីគ្រឿងញៀន កាលពីថ្ងៃទី១៤ ខែឧសភា ឆ្នាំ២០២៣។
រូប៖ គេហទំព័រនគរបាលជាតិ

ប្រធាន​ក្រុមប្រឹក្សា​ជំនុំជម្រះ​សាលាដំបូង​រាជធានី​ភ្នំពេញ លោក ហុក ពៅ នៅ​ថ្ងៃទី​១៤ ខែ​មីនា បាន​ប្រកាស​សាលក្រម​សម្រេច​សម្រេច​ផ្ដន្ទាទោស​ជនជាតិ​ចិន​ឈ្មោះ ចូវ គ័រឆាវ (ZHOU GUOCHAO) ឱ្យ​ជាប់​ពន្ធនាគារ ៣០​ឆ្នាំ និង​ពិន័យ​ប្រាក់ ៨០​លាន​រៀល (៨០.០០០.០០០) ពី​បទ «​រក្សាទុក ដឹកជញ្ជូន និង​ជួញដូរ​គ្រឿងញៀន»។ តំណាង​អយ្យកា​រលោក សុខ កែវបណ្ឌិត ក៏​បាន​សម្រេច​បណ្ដេញ និង​ហាមឃាត់​ជន​ជាប់ឃុំ​រូប​នេះ មិន​ឱ្យ​ចូល​កម្ពុជា​ជា​រៀង​រហូត​នៅ​ពេល​អនុវត្ត​ទោស​ចប់។

កាលពី​ថ្ងៃទី​១៤ ខែ​ឧសភា ឆ្នាំ​២០២៣ កម្លាំង​នៃ​មន្ទីរ​ប្រឆាំង​គ្រឿងញៀន បាន​បង្ក្រាប​ករណី​កែច្នៃ និង​ជួញដូរ​ដោយ​ខុសច្បាប់​នូវ​សារធាតុ​ញៀន និង​បាន​ឃាត់ខ្លួន​ជនជាតិ​ចិន​ឈ្មោះ ចូវ គ័រឆាវ

នៅ​ខណ្ឌ​ពោធិ៍សែនជ័យ ដោយ​សមត្ថកិច្ច​រឹបអូស​បាន​គ្រឿងញៀន​ប្រភេទ មេតំហ្វេតាមីន (ICE) ជាង ៥៣​គីឡូក្រាម និង​សារ​ធាតុគីមី​ផ្សំ​ជាង ១០០​គីឡូក្រាម៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។