ក្រសួងវប្បធម៌គ្រោងដាក់តាំងបង្ហាញវត្ថុបុរាណដែលទើបរកឃើញ
2010.04.22
អគ្គនាយករងក្រសួងវប្បធម៌ និងវិចិត្រសិល្បៈ លោក ហេង សុផាឌី មានប្រសាសន៍តាមទូរស័ព្ទឲ្យអ្នកយកព័ត៌មានវិទ្យុអាស៊ីសេរី លោក ឱម ឧត្តម ដឹងនៅថ្ងៃទី២១ ខែមេសា ថា វត្ថុដែលនឹងត្រូវយកទៅតាំងបង្ហាញនេះមានដូចជា ក្អម ឆ្នាំង ស្គរមហោរធឹក ឬស្គររាងដូចត្បាល់បុក ធ្វើអំពីស្ពាន់ ប្រើក្នុងព្រះរាជពិធី កញ្ចក់ គ្រឿងអលង្ការធ្វើអំពីមាស អាវុធធ្វើពីដែក មានដាវ និងលំពែង ជាដើម។ របស់របរទាំងអស់នេះសុទ្ធតែមានអាយុកាលតាំងពីមុនគ្រិស្តសករាជទៅទៀត។ វត្ថុសិល្បៈទាំងអស់នេះយកមកពីស្ថានីយព្រហា និងស្ថានីយបិទមាស ក្នុងខែត្រព្រៃវែង និងស្ថានីយភូមិ១៨ ក្នុងខែត្រកំពង់ចាម។
លោក ហេង សុផាឌី មានប្រសាសន៍បញ្ជាក់បន្ថែមថា របស់របរដែលបានរកឃើញនេះជាវត្ថុសិល្បៈ ដែលអ្នកជំនាញផ្នែកបុរាណវិទ្យាខ្មែររកឃើញជាលើកដំបូងបំផុត។ ការតាំងបង្ហាញនេះនឹងផ្ដល់ជាសារប្រយោជន៍ដល់អ្នកស្រាវជ្រាវផ្សេងៗទៀត ដែលមានបំណងចង់សិក្សាពីបញ្ហាបុរេប្រវត្តិសាស្ត្រខ្មែរ។
មន្ត្រីក្រសួងវប្បធម៌ និងវិចិត្រសិល្បៈដដែល បានឲ្យដឹងបន្ថែមថា វត្ថុដែលអ្នកស្រាវជ្រាវរកឃើញនេះ នឹងត្រូវយកទៅដាក់តាំងនៅសារមន្ទីរជាតិនៅភ្នំពេញ នៅខែធ្នូ នៅដំណាច់ឆ្នាំ២០១០នេះ។ ការតាំងបង្ហាញវត្ថុសិល្បៈទាំងអស់នេះ ទទួលបានការឧបត្ថម្ភពីវិទ្យាស្ថានបុរាណវិទ្យានៅទីក្រុងប៊ន ប្រទេសអាល្លឺម៉ង់៕
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
អត្ថបទពេញនិយម
ព័ត៌មានថ្មីៗ
- លោក ហ៊ុន សែន បដិសេធការចោទរបស់វៀតណាម ដែលថា ព្រែកជីកហ្វូណនសម្រាប់សម្រួលវត្តមានយោធាចិន
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ
- ក្រុមគ្រួសារលោក ហ៊ុន សែន បង្កើតកម្មវិធីរាំច្រៀងសប្បាយនៅលើគំនរទុក្ខពលរដ្ឋ
- ក្រុមអតិថិជនបុរីពិភពថ្មីដាក់ពាក្យប្ដឹង ទៅស្នងការករណីតៃកុងឡានបុរីបើកបុកពួកគាត់
- លោក ហ៊ុន ម៉ាណែត ថ្លែងការពារគម្រោងព្រែកជីកហ្វូណនតេជោ ក្រោយពេលវៀតណាមរិះគន់