បញ្ហាទំនាស់ផ្ទៃក្នុងនៅមជ្ឈមណ្ឌលអភិវឌ្ឍន៍សង្គម
2008.05.26
លោក វី ហ៊ុយ ប្រធានក្រុមប្រឹក្សាភិបាលរបស់មជ្ឈមណ្ឌលអភិវឌ្ឍន៏សង្គម បានមានប្រសាសន៍ប្រាប់លោក កែវ និមល នៃវិទ្យុអាស៊ីសេរី អំពីការបញ្ចប់ទំនាស់មួយគ្រាសិននេះ ដូច្នេះថា ៖ «បានយល់ព្រមឲ្យគាត់ធ្វើដំណើរជាបណ្ដោះអាសន្នសិន ហើយបើសិនជាគាត់មិនគោរពតាមពាក្យសន្យានៅពេលជំនុំចុងក្រោយនេះទេ ...... នឹងនៅតែបញ្ឈប់គាត់អ៊ីចឹង» ។
កែវ និមល ៖ យើងដាក់លក្ខខណ្ឌអីខ្លះចំពោះគាត់ ឲ្យគាត់សន្យានោះ ?
វី ហ៊ុយ ៖ «ឲ្យតែគោរពពាក្យសន្យាតែប៉ុណ្ណឹង ។ សន្យាទីមួយ គឺយើងបំភ្លេចរឿងកើតមកហើយទាំងប៉ុន្មាន គឺយើងដើរទៅមុខ ទីពីរចាំឲ្យគណៈកម្មការ donor គេបង្កើតមកសម្រាប់កែកម្រងលក្ខន្តិកៈរបស់ CSD ហ្នឹង គឺយើងយកមកពិនិត្យ ខាង staff ក៏ពិនិត្យ ខាងអភិបាលក៏ពិនិត្យ រួចហើយបើមានការឆ្វេងយល់គ្នា មកជួបជំនុំទៀត ដើម្បីដោះស្រាយរឿងហ្នឹង រួចបានគេស៊ីញ៉េយល់ព្រម ..... លក្ខន្តិកៈហ្នឹង ហើយយកលក្ខន្តិកៈហ្នឹងជាផ្លូវការតែម្ដង» ។
សូមជម្រាបថា កាលពីថ្ងៃទី២២ ឧសភា កន្លងមកនេះ មជ្ឈមណ្ឌលអភិវឌ្ឍន៍សង្គម បានលុបចោលមហាសន្និបាតប្រចាំឆ្នាំលើកទី១របស់ខ្លួន ដោយសារតែក្រុមប្រឹក្សាភិបាលចាស់ ដែលនៅមានសិទ្ធិអំណាចតាមលក្ខន្តិកៈរបស់មជ្ឈមណ្ឌលអភិវឌ្ឍន៏សង្គម នៅឡើយនោះ បានជំទាស់ ។
វិទ្យុអាស៊ីសេរី ពុំអាចទាក់ទង កញ្ញា សេង ធារី នាយិកាប្រតិបត្តិមជ្ឈមណ្ឌលអភិវឌ្ឍន៍សង្គម ដើម្បីសួរបញ្ជាក់ពីបញ្ហាដែលកើតឡើងនោះទេ ក៏ប៉ុន្តែ អ្នកយកព័ត៌មានវិទ្យុអាស៊ីសេរី រាយការណ៍ឲ្យដឹងថា ការលុបចោលមហាសន្និបាតប្រចាំឆ្នាំលើកទី១នោះ គឺនៅបន្ទាប់ពីកម្លាំងនគរបាលក្រសួងមហាផ្ទៃពីរនាក់ បានចូលទៅខាងក្នុងបរិវេណមជ្ឈមណ្ឌល តាមបញ្ជាក្រុមប្រឹក្សាភិបាល ដើម្បីប្រគល់លិខិតបញ្ចប់ការងារដល់កញ្ញា សេង ធារី តែត្រូវបានក្រុមបុគ្គលិកនៅទីនោះរារាំង ដោយសំអាងថាខុសនីតិវិធីច្បាប់ ៕
អត្ថបទពេញនិយម
RFA
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ
អត្ថបទពេញនិយម
ព័ត៌មានថ្មីៗ
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រុមគ្រួសារលោក ហ៊ុន សែន បង្កើតកម្មវិធីរាំច្រៀងសប្បាយនៅលើគំនរទុក្ខពលរដ្ឋ
- មន្ត្រីរដ្ឋាភិបាលអះអាងថា ការជីកព្រែកហ្វូណនជាសិទ្ធិអធិបតេយ្យរបស់កម្ពុជា គ្មានការចាំបាច់បំភ្លឺគ្រប់រឿងដល់វៀតណាមទេ
- បដិវត្តន៍ខ្មែរក្រហម គំរូចិនដ៏មហន្តរាយ ខួប ៤៩ឆ្នាំ នៃការឡើងកាន់អំណាចរបស់ខ្មែរក្រហម ១៧ មេសា ១៩៧៥
- លោក ហ៊ុន ម៉ាណែត ថ្លែងការពារគម្រោងព្រែកជីកហ្វូណនតេជោ ក្រោយពេលវៀតណាមរិះគន់