ស្លាក​សញ្ញា​គណបក្ស​ប្រជាធិបតេយ្យ​ខ្មែរ ត្រូវ​គេ​ហាម​មិន​ឲ្យ​លើក

មន្ត្រី​គណបក្ស​ប្រជាធិបតេយ្យ​ខ្មែរ បាន​ឲ្យ​ដឹង​នៅថ្ងៃ​ច័ន្ទ ២៣ មិថុនា​នេះ​ថា ស្លាក​សញ្ញា​គណបក្ស​របស់​លោក ដែល​បាន​ដាំ​នៅត្រង់​ចំណុច​ស្ពាន​លេខ​៣ ផ្លូវ​ជាតិ​លេខ ៦​អា ក្នុង​ភូមិ​ខ្ទរ សង្កាត់​ព្រែកលៀប ខណ្ឌ​ឫស្សីកែវ ត្រូវ​បាន​អាជ្ញាធរ​ខណ្ឌ​រំលំ ។
ដោយ ជា មករា
2008.06.23
Share on WhatsApp
Share on WhatsApp

ប្រធាន​គណបក្ស​ប្រជាធិបតេយ្យ​ខ្មែរ លោក អ៊ុក ភូរិ បាន​មាន​ប្រសាសន៍​ថា លោក​បាន​ដាក់​លិខិត​ទៅ​អាជ្ញាធរ​ក្រុង​ភ្នំពេញ សុំ​ការអនុញ្ញាត​លើក​ស្លាក​សញ្ញា​គណបក្ស តាំងពី​ថ្ងៃ​ទី​១៥ មិថុនា មក​ម្ល៉េះ ហើយ​ថា រហូត​មក​ទល់​នឹង​ថ្ងៃ​នេះ លោក​ក៏​នៅ​មិន​ទាន់​បាន​ទទួល​លិខិត​ឆ្លើយ​តប​ពី​អាជ្ញាធរ​ក្រុង​នៅឡើយ​នោះ​ទេ ។

លោក​បាន​មាន​ប្រសាសន៍​ទៀត​ថា លោក​បាន​ជួប​ជាមួយ​នឹង​អាជ្ញាធរ​ក្រុង​នៅ​ព្រឹក​ថ្ងៃ​ច័ន្ទ​នេះ ដោយ​អាជ្ញាធរ​ទាមទារ​ឲ្យ​លោក​ដាក់​សំណុំ​លិខិត​បន្ថែម​ទៀត ក្នុង​ការសុំ​ការអនុញ្ញាត​នោះ ដោយ​បញ្ជាក់​ពី​ទីតាំង​ដែល​ត្រូវ​លើក ។

លោក អ៊ុក ភូរិ មាន​ប្រសាសន៍​ថា ៖ «ពួក​ខ្ញុំ​ដាក់​ស្លាក​ហើយ​ទៅ​ហើយ ចាក់​ស៊ីម៉ង់ត៍​ឡើង​ក្រាស់​ដើម្បី​ទប់​ខ្យល់ ព្រោះ​ជា​ស្លាក​ជើង​មួយ ទំហំ​វា ៨០ គុណ ១០០ ហើយ​ជា​ស្លាក​ទំនើប​ដែល​ឃើញ​គេ​ដាក់​ពេញ​នៅ​ហ្នឹង នៅ​ក្បាល​ស្ពាន ចុង​ស្ពាន​ជា​ហូរហែ ក៏​ដាក់​ក្បែរ​ៗ​របស់​គេ​ហ្នឹង​ឯង ប៉ុន្តែ​ពេល​ដាក់​ហើយ អនុប្រធាន​ភូមិ​គាត់​មក​ជួប​ភ្នាក់ងារ​សន្តិសុខ​របស់​ខ្ញុំ​ដែល​ទៅ​ដាក់​ហ្នឹង គេ​សុំ​ឲ្យ​ដក​ចេញ»

មិន​អាច​សុំការបំភ្លឺ​ពី​អភិបាល​រង​ខណ្ឌ​ឫស្សីកែវ លោក កូប ស្លេស បាន​ឡើយ​នៅថ្ងៃ​ច័ន្ទ​នេះ ដោយ​ទូរស័ព្ទ​របស់​លោក​មិន​អាច​ទាក់ទង​បាន ។

លោក អ៊ុក ភូរិ បាន​មាន​ប្រសាសន៍​ថា បន្ទាប់ពី​ការរំលំ​ហើយ​នោះ ខាង​គណៈកម្មការ​រៀចំ​ការបោះឆ្នោត​ក្រុង​ភ្នំពេញ ក៏​បាន​ស្នើសុំ​ឲ្យ​គណបក្ស​របស់​លោក ទៅ​លើក​ស្លាក​សញ្ញា​គណបក្ស​នោះ​ឡើង​វិញ ។

លោក អ៊ុក ភូរិ បាន​មាន​ប្រសាសន៍​ថា អាជ្ញាធរ​ខណ្ឌ​បាន​យល់ព្រម​ឲ្យ​គណបក្ស​របស់​លោក​លើក​ស្លាក​សញ្ញា​គណបក្ស​នោះ​វិញ​ហើយ ប៉ុន្តែ​លោក​បាន​បន្ថែម​ថា ការរំលំ​ ស្លាក​សញ្ញា​គណបក្ស គឺ​ជា​ការមើល​ងាយ​ចំពោះ​គណបក្ស​របស់​លោក ៕

រឿង​ដែល​គេ​អាន​​ច្រើន​បំផុត
RFA
លោក​ស្រី សំ សុខា ​អតីត​​អ្នក​ជាប់​ឃុំ​ករណី​​គប់​ស្បែក​​ជើង​លើ​រូប​លោក ហ៊ុន សែន ស្នើ​លោកឱ្យ​ពិចារណា​កំហុស​របស់ខ្លួន​ឡើងវិញ​ថា ហេតុអ្វី​បាន​ជា​ពលរដ្ឋ​គប់​ស្បែក​ជើង​ដាក់​លោក​​
រឿង​ដែល​គេ​អាន​​ច្រើន​បំផុត
ព័ត៌មាន​ថ្មីៗ
លោក​ស្រី សំ សុខា ​អតីត​​អ្នក​ជាប់​ឃុំ​ករណី​​គប់​ស្បែក​​ជើង​លើ​រូប​លោក ហ៊ុន សែន ស្នើ​លោកឱ្យ​ពិចារណា​កំហុស​របស់ខ្លួន​ឡើងវិញ​ថា ហេតុអ្វី​បាន​ជា​ពលរដ្ឋ​គប់​ស្បែក​ជើង​ដាក់​លោក​​
បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

គេហទំព័រ​ទាំងមូល