បុរស​ន័រវ៉េ​ម្នាក់​ត្រូវ​កាត់​ទោស​ពី​បទ​ជួញ​ដូរ​ផ្លូវ​ភេទ​កុមារា

បុរស​ជនជាតិ​ន័រវ៉េ​ម្នាក់ អាយុ ៦៣​ឆ្នាំ ត្រូវ​បាន​តុលាការ​ខេត្ត​សៀមរាប​កាល​ពី​ថ្ងៃ​អង្គារ ទី​៨ កញ្ញា​នេះ កាត់​ទោស​ឲ្យ​ជាប់​ពន្ធនាគារ​ចំនួន ១៨​ខែ ពី​បទ​ប្រព្រឹត្ត​អំពើ​អនាចារ ជួញដូរ​ផ្លូវ​ភេទ​កុមារា​ម្នាក់។
ដោយ ម៉ៅ សុធានី
2010.09.08
Share on WhatsApp
Share on WhatsApp

ប្រភព​ព័ត៌មាន អាអេហ្វប៉េ រាយ​ការណ៍​ថា ស្លេតថិន រ៉ហ្វ (Sletten Rolf) ជនជាតិ​ន័រវ៉េ ត្រូវ​បាន​ប៉ូលិស​ចាប់​ឃាត់​ខ្លួន​កាល​ពី​ខែ​មករា ឆ្នាំ​២០១០ នៅ​ខេត្ត​សៀមរាប ពី​បទ​ទិញ​ដូរ​ផ្លូវ​ភេទ​កុមារ​ម្នាក់​អាយុ ១៦​ឆ្នាំ ឲ្យ​រួមភេទ​ជាមួយ​ខ្លួន​កាល​ពី​ឆ្នាំ​២០០៩។ តុលាការ​ខេត្ត​សៀមរាប​បាន​កាត់​ទោស​ឲ្យ ស្លេតថិន រ៉ហ្វ ជាប់​ពន្ធនាគារ ៣​ឆ្នាំ ប៉ុន្តែ​បាន​ព្យួរ​ទោស​ចំនួន ១៨​ខែ។

តាម​ច្បាប់​កម្ពុជា ក្មេង​ជំទង់​ប្រុស​ស្រី អាយុ ១៥​ឆ្នាំ ប្រសិន​បើ​មាន​ការ​ព្រមព្រៀង គេ​អាច​រួមភេទ​បាន ប៉ុន្តែ​ការ​ចំណាយ​ប្រាក់​ដើម្បី​ទិញ​ដូរ​ការ​រួមភេទ គឺ​ជា​ទង្វើ​ខុស​ច្បាប់។

ប្រទេស​កម្ពុជា​កំពុង​ព្យាយាម​បង្ក្រាប និង​ទប់ស្កាត់​សកម្មភាព​ជួញ​ដូរ​ផ្លូវ​ភេទ ហើយ​ចាប់​តាំង​ពី​ឆ្នាំ​២០០៣​មក មាន​ជន​បរទេស​ដែល​ចូលចិត្ត​រួមភេទ​ជាមួយ​កុមារ​ប្រមាណ​ជាង ២០​នាក់ ត្រូវ​បាន​ជាប់​ឃុំឃាំង និង​ត្រូវ​បាន​បញ្ជូន​ត្រឡប់​ទៅ​ប្រទេស​ដើម​វិញ ដើម្បី​ទទួល​ទោស​ពី​បទ​ឧក្រិដ្ឋកម្ម​ជួញ​ដូរ​ផ្លូវ​ភេទ​កុមារ​នៅ​កម្ពុជា៕

រឿង​ដែល​គេ​អាន​​ច្រើន​បំផុត
ព័ត៌មាន​ថ្មីៗ
លោក ហ៊ុន សែន បន្ត​ឌឺដង​ដាក់​សហភាព​អឺរ៉ុប​រឿង​ដក EBA
បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

គេហទំព័រ​ទាំងមូល