ប៉ូលិសច្រកប៉ោយប៉ែតរងការចោទថា ប្រើហិង្សាលើកុមារ
2008.11.28
កុមារអាយុ១៤ឆ្នាំ ឈ្មោះ ភក្កិ វុត្ថា ដែលអះអាងថា រងការវាយពីប៉ូលិសបានរៀបរាប់ថា នៅវេលាម៉ោង១០និង៣០នាទី ថ្ងៃទី២៦ ខែវិច្ឆិកា ខ្លួនជាកម្មករបានអង្គុយលើរទេះដឹកខោអាវគីប នៅច្រកទ្វារប៉ោយប៉ែត ហើយស្រែកថា វ៉ៃៗតាមក្រុមមនុស្សចាស់ផ្សេងទៀត ស្រាប់តែប៉ូលិស ឈ្មោះ ដួង ម៉ាន់ ពាក់លេខ ០១៧ និងមានអត្តលេខ២១-១២៣ ទាត់ពីរជើង មួលស្លឹកត្រចៀកយកទៅដាក់ក្នុងប៉ុស្តិ៍។
មិនអាចសុំការបញ្ជាក់ពីនគរបាល ឈ្មោះ ដួង ម៉ាន់ ជុំវិញការចោទប្រកាន់នេះបានទេ ប៉ុន្តែ លោក សិទ្ធិ សារិន ប្រធានផ្នែកសណ្តាប់ធ្នាប់នៃនគរបាលច្រកទ្វារប៉ោយប៉ែតបានថ្លែងថា លោក ដួង ម៉ាន់ បានចាប់ក្មេងនោះយកចូលប៉ុស្តិ៍ធ្វើការក្រោយពីក្មេងនោះ ស្ទុះទៅរកវាយប៉ូលិស តែមិនបានវាយដូចការចោទប្រកាន់ទេ។
បើតាមលោក ជា សុគន្ធ ប្រធានដោះស្រាយវិវាទនៃសមាគមប្រជាធិបតេយ្យសេដ្ឋកិច្ចឯករាជ្យក្រៅប្រព័ន្ធ បានឲ្យដឹងថា ម្តាយក្មេងរងគ្រោះគ្រោងប្តឹងទៅតុលាការនិងអធិការដ្ឋាននគរបាលស្រុកអូរជ្រៅទារសំណងចំនួន២០ម៉ឺនបាត កាលពីថ្ងៃម្សិលមិញ ប៉ុន្តែបានផ្អាកទៅវិញ បន្ទាប់ពីនគរបាល ឈ្មោះ ដួង ម៉ាន់ បានសុំឲ្យមានការសម្របសម្រួលសង់ប្រាក់ចំនួន ១០ម៉ឺនបាត៕
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
អត្ថបទពេញនិយម
ព័ត៌មានថ្មីៗ
- លោក ហ៊ុន សែន បដិសេធការចោទរបស់វៀតណាម ដែលថា ព្រែកជីកហ្វូណនសម្រាប់សម្រួលវត្តមានយោធាចិន
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ
- ក្រុមគ្រួសារលោក ហ៊ុន សែន បង្កើតកម្មវិធីរាំច្រៀងសប្បាយនៅលើគំនរទុក្ខពលរដ្ឋ
- ក្រុមអតិថិជនបុរីពិភពថ្មីដាក់ពាក្យប្ដឹង ទៅស្នងការករណីតៃកុងឡានបុរីបើកបុកពួកគាត់
- លោក ហ៊ុន ម៉ាណែត ថ្លែងការពារគម្រោងព្រែកជីកហ្វូណនតេជោ ក្រោយពេលវៀតណាមរិះគន់