"មន្ត្រីជាន់ខ្ពស់បក្សសំបុកឃ្មុំ៥រូបទៀតចាកចេញពីលោក ម៉ម សុណងដូ"
2016.03.05
លោក ម៉ម សូណង់ដូ (រូបកណ្ដាល) ជាប្រធានបក្សសំបុកឃ្មុំសង្គមប្រជាធិបតេយ្យ ដែលត្រូវជ្រើសរើសថ្មីនៅក្នុងសមាជបក្សលើកទី១ នៅថ្ងៃទី៩ ខែកញ្ញា ឆ្នាំ២០១៥។
អតីតអគ្គលេខាធិការរបស់គណបក្សសំបុកឃ្មុំសង្គមប្រជាធិបតេយ្យ លោក អ៊ុក ស៊ុយ ដែលបានលាលែងចេញពីបក្សសំបុកឃ្មុំ អះអាងថា មានអគ្គលេខាធិការរងនៃគណបក្សនេះចំនួន ៥រូប មកចូលរួមជាមួយលោកដើម្បីបង្កើតគណបក្សថ្មីមួយ។ លោក អ៊ុក ស៊ុយ ឲ្យដឹងថា លោកនឹងទៅចុះឈ្មោះគណបក្សរបស់លោកនៅក្រសួងមហាផ្ទៃ នៅថ្ងៃទី៧ ខែមីនា ខាងមុខ។ ប៉ុន្តែលោកមិនទាន់បង្ហាញឈ្មោះគណបក្សថ្មីនេះនៅឡើយទេ។
ថ្លែងប្រាប់វិទ្យុអាស៊ីសេរី នៅថ្ងៃទី៥ ខែមីនា លោក អ៊ុក ស៊ុយ និយាយថា ក្រៅពីអគ្គលេខាធិការរងទាំង ៥រូបនៃគណបក្សសំបុកឃ្មុំ នៅមានគណៈកម្មការប្រតិបត្តិចំនួន ២១ខេត្តនៃគណបក្សនេះ ក៏មកចូលរួមជាមួយលោកផងដែរ។ តាមការបញ្ជាក់របស់ លោក អ៊ុក ស៊ុយ នៅពេលនេះ លោកមានមន្ត្រីជាន់ខ្ពស់ជាង ៨០០នាក់ និងមានស្នាមមេដៃគាំទ្រជាង ៦.៣០០នាក់ គាំទ្រឲ្យលោកបើកបក្សថ្មី៖ «ថ្នាក់ដឹកនាំនៅបក្សសំបុកឃ្មុំ គាត់តែងតែគោរពរាប់អានខ្ញុំ ដែលខ្ញុំស្ទើរតែញញើតនិយាយ បើនិយាយទៅអាចប៉ះពាល់ប្រធានបក្សគាត់ថា ខ្ញុំអូសទាញ ប៉ុន្តែមិនមែនទេ ទាំងមន្ត្រីបក្សសំបុកឃ្មុំ និងបក្សសង្គ្រោះជាតិ គេថាបើលោកប្រធានចេញចឹងទៅ បើកថ្មីទៅ ខ្ញុំទៅតាមដែរ»។
អតីតមន្ត្រីជាន់ខ្ពស់នៃគណបក្សសំបុកឃ្មុំសង្គមប្រជាធិបតេយ្យ លោក អ៊ុក ស៊ុយ មិនទាន់បញ្ជាក់ពីមូលហេតុនៃការចាកចេញពីគណបក្សសំបុកឃ្មុំទេ។ ប៉ុន្តែលោកថា អ្នកដែលចាកចេញពីគណបក្សសំបុកឃ្មុំតាមលោក ព្រោះពួកគេយល់ឃើញថា ការដឹកនាំរបស់លោកគឺការពារយុត្តិធម៌សង្គម និងមិនប៉ះពាល់ផលប្រយោជន៍ជាតិ។
ប្រធានគណបក្សសំបុកឃ្មុំសង្គមប្រជាធិបតេយ្យ លោក ម៉ម សូណង់ដូ បដិសេធមិនបំភ្លឺចំពោះការចាកចេញជាបន្តបន្ទាប់នៃមន្ត្រីជាន់ខ្ពស់គណបក្សនេះទេ។ ប៉ុន្តែលោកធ្លាប់បញ្ជាក់ថា ការចាកចេញរបស់លោក អ៊ុក ស៊ុយ ជាការលាលែងដោយមិត្តភាព និងសន្តិភាព មិនមានទំនាស់ណាមួយឡើយ។
មុននឹងចូលរួមជាមួយលោក ម៉ម សូណង់ដូ លោក អ៊ុក ស៊ុយ ជាអតីតមន្ត្រីជាន់ខ្ពស់នៃគណបក្សសង្គ្រោះជាតិ។ លោកទើបតែបានចូលរួមជាមួយគណបក្សសំបុកឃ្មុំសង្គមប្រជាធិបតេយ្យ កាលពីចុងខែធ្នូ ឆ្នាំ២០១៥ និងបានចាកចេញពីគណបក្សនេះ កាលពីថ្ងៃទី៤ ខែមីនា ឆ្នាំ២០១៦៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
រឿងដែលគេអានច្រើនបំផុត
RFA
- លោក ហ៊ុន សែន បន្តឌឺដងដាក់សហភាពអឺរ៉ុបរឿងដក EBA
- លោកស្រី សំ សុខា អតីតអ្នកជាប់ឃុំករណីគប់ស្បែកជើងលើរូបលោក ហ៊ុន សែន ស្នើលោកឱ្យពិចារណាកំហុសរបស់ខ្លួនឡើងវិញថា ហេតុអ្វីបានជាពលរដ្ឋគប់ស្បែកជើងដាក់លោក
- លោក ហ៊ុន សែន មិនឱ្យរៀបចំព្រះរាជពិធីច្រត់ព្រះនង្គ័លទេ នៅឆ្នាំ២០២២នេះ
- ថ្នាក់ដឹកនាំបក្សភ្លើងទៀនជួបឯកអគ្គរដ្ឋទូតសហភាពអឺរ៉ុបជជែកពីរឿងបោះឆ្នោត និងលទ្ធិប្រជាធិបតេយ្យនៅកម្ពុជា
- យុទ្ធនាការឃោសនាបោះឆ្នោតឃុំសង្កាត់ថ្ងៃទី៣ របស់គណបក្សនយោបាយហាក់ស្ងប់ស្ងាត់
រឿងដែលគេអានច្រើនបំផុត
នយោបាយ
- លោក ហ៊ុន សែន បន្តឌឺដងដាក់សហភាពអឺរ៉ុបរឿងដក EBA
- លោកស្រី សំ សុខា អតីតអ្នកជាប់ឃុំករណីគប់ស្បែកជើងលើរូបលោក ហ៊ុន សែន ស្នើលោកឱ្យពិចារណាកំហុសរបស់ខ្លួនឡើងវិញថា ហេតុអ្វីបានជាពលរដ្ឋគប់ស្បែកជើងដាក់លោក
- ថ្នាក់ដឹកនាំបក្សភ្លើងទៀនជួបឯកអគ្គរដ្ឋទូតសហភាពអឺរ៉ុបជជែកពីរឿងបោះឆ្នោត និងលទ្ធិប្រជាធិបតេយ្យនៅកម្ពុជា
- យុទ្ធនាការឃោសនាបោះឆ្នោតឃុំសង្កាត់ថ្ងៃទី៣ របស់គណបក្សនយោបាយហាក់ស្ងប់ស្ងាត់
- គណបក្សប្រជាធិបតេយ្យមូលដ្ឋាន និងគណបក្សឆន្ទៈខ្មែរថា គ.ជ.ប លម្អៀងទៅបក្សកាន់អំណាច