អ្នកវិភាគ៖ មេដឹកនាំ​ដែល​ពូកែ​គឺ​ជា​អ្នកដឹកនាំ​ដែល​បង្កើត​មេដឹកនាំ​សម្រាប់​បន្ត​វេន

ដោយ ទីន ហ្សាការីយ៉ា
2016-08-26
អ៊ីម៉ែល
មតិ
Share
បោះពុម្ព
លោក​នាយករដ្ឋមន្ត្រី​លោក ហ៊ុន សែន ថ្លែង​នៅ​ក្នុង​ពិធី​សន្និបាត​បូក​សរុប​ការងារ​របស់​ក្រសួង​សុខាភិបាល នៅ​ថ្ងៃ​ទី​១០ ខែ​មីនា ឆ្នាំ​២០១៦។
លោក​នាយករដ្ឋមន្ត្រី​លោក ហ៊ុន សែន ថ្លែង​នៅ​ក្នុង​ពិធី​សន្និបាត​បូក​សរុប​ការងារ​របស់​ក្រសួង​សុខាភិបាល នៅ​ថ្ងៃ​ទី​១០ ខែ​មីនា ឆ្នាំ​២០១៦។
RFA/San Sel

អ្នក​វិភាគ​នយោបាយ​លើក​ឡើង​ថា មេដឹកនាំ​ដែល​ពូកែ​ពិតប្រាកដ គឺ​ជា​អ្នកដឹកនាំ​ប្រទេស​ដែល​មិន​ល្មោភ​អំណាច និង​មិន​ចង់​ដឹកនាំ​យូរ គឺ​ជា​អ្នកដឹកនាំ​ដែល​បណ្ដុះ​ក្មេងៗ​ជំនាន់​ក្រោយ​ដើម្បី​ត្រៀម​ដឹកនាំ​បន្ត​ពី​ខ្លួន។ ម្យ៉ាងវិញទៀត អ្នកដឹកនាំ​ប្រទេស​កាន់តែ​យូរ​គឺ​កាន់​តែ​មាន​កំហុស ដែល​ជា​កត្តា​មួយ​រុញច្រាន​ឲ្យ​មេដឹកនាំ​នោះ​មិន​ហ៊ាន​ចុះ​ពី​តំណែង ទោះបីជា​ចាញ់​ការ​បោះឆ្នោត​ក្ដី។ ការ​លើក​ឡើង​របស់​អ្នកវិភាគ​នេះ ធ្វើ​ឡើង​បន្ទាប់​ពី​លោក​នាយករដ្ឋមន្ត្រី ហ៊ុន សែន ប្រកាស​ម្ដង​ហើយ​ម្ដង​ទៀត​ថា លោក​ក៏​ចង់​ឈប់​ធ្វើ​ជា​នាយករដ្ឋមន្ត្រី​ដែរ តែ​មក​ពី​គ្មាន​មនុស្ស​ជំនួស​លោក។

ក្រុម​អ្នកវិភាគ​ថ្លែង​ថា មេដឹកនាំ​ខ្មែរ​ត្រូវ​តែ​ផ្លាស់ប្ដូរ​ផ្នត់​គំនិត​ដែល​ថា មាន​តែ​ខ្លួន​ទេ​ដែល​អាច​ធ្វើ​បាន ឬ​អាច​ដឹក​នាំ​បាន ព្រោះ​ថា គំនិត​នេះ​គេ​ចាត់​ទុក​ថា ជា​គំនិត​ចាស់​គំរឹល មិន​ឆ្លុះ​បញ្ចាំង​ពី​សង្គម និង​ពិភពលោក​កំពុងតែ​វិល​ទៅ​រក​ការ​ផ្លាស់ប្ដូរ​គ្នា​នៃ​ការ​ដឹកនាំ​នៅ​ក្នុង​សតវត្ស​ទី​២១​នេះ។

អ្នក​ជំនាញ​វិទ្យាសាស្ត្រ​នយោបាយ​ និង​កិច្ចការ​បរទេស លោក ឡុង គឹមឃន មាន​ប្រសាសន៍​ថា មេដឹកនាំ​ដែល​គិត​ពី​ជាតិ និង​មេដឹកនាំ​ខ្លាំង​ប្រាកដ មាន​ដូចជា​មេដឹកនាំ​ដែល​បណ្ដុះបណ្ដាល​ក្មេង​ជំនាន់​ក្រោយ​ឲ្យ​ត្រៀមខ្លួន​ដឹកនាំ​បន្ត​ពី​ខ្លួន មេដឹកនាំ​ដែល​ចុះ​ពី​តំណែង​ដោយ​សន្តិភាព មេដឹកនាំ​ខ្លាំង​សេដ្ឋកិច្ច ដឹកនាំ​ប្រទេស​ធ្វើ​ឲ្យ​មាន​ការ​រីកចម្រើន ជា​ជាង​ការ​ដឹកនាំ​ពឹង​តែ​លុយ​ជំនួយ​ពី​បរទេស​មេដឹកនាំ​ទប់ទល់ និង​ការ​ឈ្លានពាន​របស់​បរទេស ជា​ជាង​តទល់​នឹង​ចាប់ចង​គ្នា​ឯង​ជាដើម៖ «បណ្ដា​ប្រទេស​ជឿនលឿន​ដទៃ​ទៀត​ក្នុង​ពិភពលោក​ហ្នឹង​គេ​អត់​មាន​គំនិត​បែប​ហ្នឹង​ទេ  ហើយ​អា​ហ្នឹង​ហើយ​គេ​មាន​ការ​ផ្លាស់ប្ដូរ​នៅ​ក្នុង​ស្រុក​គេ ដែល​គេ​មាន​ការ​រីកចម្រើន វា​ជា​រឿង​អកុសល​​មួយ​នៅ​ក្នុង​ប្រទេស​កម្ពុជា​យើង វា​មិន​មាន​ការ​ផ្លាស់ប្ដូរ​ផ្នត់​គំនិត​នៅ​ក្នុង​ការ​គិត និង​ការ​គ្រប់គ្រង​ទាល់តែសោះ ហើយ​វា​មាន​យុវជន​ជា​ច្រើន​ដែល​មាន​សមត្ថភាព​ដែល​អាច​ដឹក​នាំ​ប្រទេស​បាន»

ការ​លើក​ឡើង​របស់​អ្នក​វិភាគ​នេះ ធ្វើ​ឡើង​បន្ទាប់​ពី​លោក​នាយករដ្ឋមន្ត្រី ហ៊ុន សែន ថ្លែង​ជា​ថ្មី​ទៀត​នៅ​ក្នុង​វេទិកា​បរិស្ថាន​កាល​ពី​ថ្ងៃ​ទី​២២ ខែ​សីហា ថា ការ​ចុះ​ចេញ​ពី​តំណែង​មិន​មែន​ជា​រឿង​លំបាក​ទេ ប៉ុន្តែ​បញ្ហា​នៅ​ត្រង់​ថា តើ​អត់​ពី​រូបលោក​មាន​នរណា​អាច​ដឹក​នាំ​បាន៖ «ករុណា​ខ្ញុំ​ចង់​ចេញ​ស្អែក​ក៏​បាន​ដែរ អត់​បញ្ហា! មិន​បាច់​ស្រែក​ថា ដូរ ឬ​មិន​ដូរ​ទេ? ប៉ុន្តែ​បញ្ហា​នៅ​ត្រង់​ថា តើ​អត់​ពី ហ៊ុន សែន ត្រូវ​មាន​អ្នក​ណា? នេះ​ជា​បញ្ហា​ដែល​ត្រូវ​គិត បើសិនជា​ក្រោយ​ពី ហ៊ុន សែន វា​ស្រួល មិន​បាច់​ទេ ១​ថ្ងៃ​វាយ​កូនគោល ៥​ដង​ក៏​បាន ប៉ុន្តែ​ត្រូវ​គិត​ឲ្យ​ច្បាស់»

ឆ្លើយ​តប​នឹង​បញ្ហា​នេះ អ្នក​ឃ្លាំមើល​ផ្នែក​អភិវឌ្ឍន៍​សង្គម លោក​បណ្ឌិត មាស នី បញ្ជាក់​ថា ការ​ប្រកាស​របស់​លោក ហ៊ុន សែន នេះ ជា​ការ​បង្ហាញ​ពី​ចំណុច​ខ្លាំង​របស់​លោក​ដែរ ដែល​លោក​បាន​កាន់​អំណាច​ក្នុង​រយៈពេល​យូរ ប៉ុន្តែ​ក៏​ជា​ការ​បង្ហាញ​ពី​អសមត្ថភាព​របស់​គណបក្ស​ប្រជាជន​កម្ពុជា ដែរ ដែល​រក​មនុស្ស​មក​ជំនួស​លោក​នាយករដ្ឋមន្ត្រី ហ៊ុន សែន មិន​បាន៖ «ប្រទេស​ជាតិ​មួយ​ទាំង​មូល ហើយ​ក្នុង​មួយ​ឆ្នាំ​យើង​បាន​ផលិត​ធនធាន​មនុស្ស​រាប់​ម៉ឺន​រាប់​សែន​នាក់ ប៉ុន្តែ​រក​តែ​មនុស្ស​ម្នាក់​សម្រាប់​ជំនួស​សម្ដេច​នាយក​មិន​បាន ហាក់​ដូចជា​ប្រព័ន្ធ​អប់រំ​យើង​អត់​មាន​ប្រយោជន៍​អី​ដែរ មិន​បាច់​ធ្វើ​កំណែ​ទម្រង់​អី​ទេ រក​មនុស្ស​មិន​បាន​នោះ ហើយ​មាន​តែ​ទុក​ស្រុក​ទេស​យើង​រលាយ​សាបសូន្យ​តែម្ដង​ទៅ បើ​គិត​ដូច្នោះ​មែន​នោះ»

ក្រៅ​ពី​នេះ​ទៀត លោក ហ៊ុន សែន បាន​រំលឹក​ពី​ការ​ដឹកនាំ​របស់​លោក​ថា គ្មាន​អ្នក​ណា​អាច​បំបែក​ឯតទគ្គកម្ម​ពិភពលោក​បាន​ដូចជា​រូប​លោក​ទេ ពីព្រោះ​ថា កាល​ពី​លោក​មាន​អាយុ ២៥​ឆ្នាំ លោក​បាន​ដឹកនាំ​កងទ័ព​ជាង ១​ម៉ឺន​នាក់​ច្បាំង​ជាមួយ​ខ្មែរ​ក្រហម។ អាយុ ២៧​ឆ្នាំ លោក​បាន​ធ្វើជា​រដ្ឋមន្ត្រី​ក្រសួង​ការបរទេស ហើយ​លោក​បាន​ធ្វើ​ជា​នាយករដ្ឋមន្ត្រី​នៅ​អាយុ ៣២​ឆ្នាំ។ លោក​បញ្ជាក់​ថា គ្មាន​មេដឹកនាំ​ណា​កាន់​អំណាច​យូរ​ដូចជា​រូប​លោក​ទេ៖ «ហើយ​ធ្វើ​នាយករដ្ឋមន្ត្រី​ជាង ៣០​ឆ្នាំ ដូច្នេះ​ឯតទគ្គកម្ម​ទាំង​នេះ គ្មាន​អ្នក​ណា​បំបែក​បាន​ទេ អា​ហ្នឹង​ចប់​ហើយ»

របាយការណ៍​របស់​អង្គការ​ឃ្លាំមើល​សិទ្ធិមនុស្ស​អន្តរជាតិ (Human Rights Watch) ស្ដីពី​រយៈពេល ៣០​ឆ្នាំ ក្នុង​ពេល​កាន់​តំណែង​របស់​លោក ហ៊ុន សែន។ របាយការណ៍​នេះ​បាន​ឲ្យ​ដឹង​ថា លោក ហ៊ុន សែន គឺ​ជា​មេដឹកនាំ​ដែល​ជាប់​ចំណាត់​ថ្នាក់​ទី​៦ ក្នុង​ចំណោម​អ្នកដឹកនាំ​កាន់​តំណែង​យូរ​ជាង​គេ​ក្នុង​ពិភពលោក។ អង្គការ​នេះ​បាន​ចាត់​ទុក​លោក​ថា ជា​មេដឹកនាំ​កាន់​អំណាច​យូរ​ដោយ​ប្រើប្រាស់​មធ្យោបាយ​សំខាន់ៗ​មួយ​ចំនួន រួមមាន​ការ​ប្រើ​អំពើ​ហិង្សា ការ​គាបសង្កត់ និង​អំពើ​ពុករលួយ។

របាយការណ៍​ដដែល​បាន​លើក​ឡើង​ចំណុច​ជា​ច្រើន​ពាក់ព័ន្ធ​ដល់​ការ​ប្រើប្រាស់​អំណាច​របស់​លោក​នាយករដ្ឋមន្ត្រី ដើម្បី​រក្សា​តំណែង​ចាប់​តាំង​ពី​ពេល​លោក​បាន​កាន់​តំណែង​ជា​នាយករដ្ឋមន្ត្រី​កាល​ពី​ឆ្នាំ​១៩៨៥។ លោក ហ៊ុន សែន ត្រូវ​ដាក់​បញ្ចូល​ក្នុង​ចំណោម​អ្នកដឹកនាំ​ដែល​ឋិត​ក្នុង​តំណែង​តាម​រយៈ​ការ​ប្រើប្រាស់​អំពើ​ហិង្សា​ក្នុង​ចេតនា​នយោបាយ​គ្រប់គ្រង​កងកម្លាំង​ប្រដាប់​អាវុធ គៃបន្លំ​ការ​បោះឆ្នោត ប្រព្រឹត្ត​អំពើ​ពុករលួយ​ធ្ងន់ធ្ងរ និង​មាន​ការ​គាំទ្រ​ពី​បរទេស គឺ​រដ្ឋាភិបាល​ទីក្រុង​ហាណូយ។ល។

អ្នក​ជំនាញ​នយោបាយ​ការបរទេស លោក ឡុង គឹមឃន ពន្យល់​ថា មេដឹកនាំ​នៅ​ប្រកាន់​ទស្សនៈ​ថា មាន​តែ​ខ្លួន​ទេ ដែល​អាច​ដឹកនាំ​បាន​នោះ គឺ​ជា​ទស្សនៈ​មួយ​ដែល​មិន​នាំ​ឲ្យ​កម្ពុជា រីកចម្រើន​នោះ​ទេ។ ការដឹកនាំ​យូរ ឬ​មិន​យូរ គឺ​អាស្រ័យ​លើ​ម្ចាស់​ប្រទេស គឺ​ប្រជាពលរដ្ឋ​ជា​អ្នក​បោះឆ្នោត​ជូន៖ «មាន​តែ​យើង​ទេ ដែល​អាច​ដឹកនាំ​ប្រទេស​បាន ឬ​ក៏​យើង​ដឹកនាំ​ប្រទេស​កាន់​តែ​យូរ​កាន់​តែ​ល្អ ។ល។ អ៊ីចឹង​អា​ហ្នឹង​គឺ​ជា​សិទ្ធិ​សេរីភាព​របស់​បុគ្គល​ម្នាក់ៗ​ក្នុង​ការ​បញ្ចេញមតិ​យោបល់ ប៉ុន្តែ​អ្នក​ណា​អាច​ដឹកនាំ​ប្រទេស​បាន ឬ​មិន​បាន ហើយ​ដឹក​នាំ​យូរ ឬ​ក៏​ឆាប់​នោះ មិន​មែន​អាស្រ័យ​លើ​យើង​ទេ គឺ​អាស្រ័យ​លើ​ប្រជាពលរដ្ឋ អាស្រ័យ​លើ​ម្ចាស់​ឆ្នោត តើ​​លោក​នាយករដ្ឋមន្ត្រី ហ៊ុន សែន បាន​ដឹកនាំ​ប្រទេស​ប្រកាន់​យក​គោលនយោបាយ ឈ្នះ ឈ្នះ ដែល​បាន​បង្កើត​ឡើង​នៅ​ឆ្នាំ​១៩៩៤ សំដៅ​ធ្វើ​ឲ្យ​រលាយ​អង្គការ​ចាត់​តាំង​របស់​ខ្មែរ​ក្រហម។ គោល​នយោបាយ​ឈ្នះ ឈ្នះ នេះ នៅ​តែ​មាន​ឥទ្ធិពល​នៅ​ក្នុង​សង្គម​កម្ពុជា ដែល​ផ្ដោត​លើ​គោលការណ៍​បី​សំខាន់ គឺ​ទី​១ ធានា​អាយុ​ជីវិត ទី​២ រក្សា​តួនាទី ឋានន្តរសក្ដិ និង​ទី​៣ ធានា​ការពារ​ទ្រព្យសម្បត្តិ»

ទោះ​បី​ជា​បែប​ណា​ក៏ដោយ ក្រុម​អ្នក​វិភាគ​លើក​ឡើង​ថា នៅ​ក្នុង​សង្គម​ប្រជាធិបតេយ្យ​គ្មាន​មេដឹកនាំ​ណា​ម្នាក់​ត្រូវ​ប្រកាស​ថា មាន​តែ​ខ្លួន​តែ​ម្នាក់​ដែល​អាច​ដឹកនាំ​ប្រទេស​បាន​នោះ​ទេ ពីព្រោះ​ថា ប្រទេស​ប្រកាន់​របប​ប្រជាធិបតេយ្យ​គឺ​មាន​ការ​បោះ​ឆ្នោត​ដោយ​សេរី និង​ត្រឹមត្រូវ ដើម្បី​ឲ្យ​ប្រជាពលរដ្ឋ​ជា​អ្នក​ជ្រើសរើស​មេដឹកនាំ​តាម​រយៈ​ការ​បោះឆ្នោត​ដោយ​សម្ងាត់។

រដ្ឋធម្មនុញ្ញ​កម្ពុជា មាត្រា ៥១​ថ្មី ចែង​ថា ព្រះរាជាណាចក្រ​កម្ពុជា អនុវត្ត​នយោបាយ​ប្រជាធិបតេយ្យ​សេរី​ពហុបក្ស។ ប្រជាពលរដ្ឋ​ខ្មែរ​ជា​ម្ចាស់​វាសនា​នៃ​ប្រទេសជាតិ​របស់​ខ្លួន អំណាច​ទាំង​អស់​ជា​របស់​ប្រជាពលរដ្ឋ។ ប្រជាពលរដ្ឋ​ប្រើ​អំណាច​របស់​ខ្លួន​តាម​រយៈ​រដ្ឋ​សភា ព្រឹទ្ធសភា រាជរដ្ឋាភិបាល និង​សាលា​ជម្រះ​ក្ដី។ អំណាច​បែងចែក​ដាច់​ពី​គ្នា​រវាង​អំណាច​នីតិប្បញ្ញត្តិ អំណាច​នីតិប្រតិបត្តិ និង​អំណាច​តុលាការ។

អ្នក​វិភាគ​ឯករាជ្យ លោក​បណ្ឌិត ឡៅ ម៉ុងហៃ មាន​ប្រសាសន៍​ថា រដ្ឋាភិបាល​កំពុង​អនុវត្ត​ផ្ទុយ​ពី​រដ្ឋធម្មនុញ្ញ​ទៅ​វិញ គឺ​ដឹកនាំ​បែប​កុម្មុយនិស្ត ដោយសារ​បក្ស​មាន​អំណាច​ធំ ហើយ​រដ្ឋាភិបាល ឬ​ស្ថាប័ន​នីតិប្រតិបត្តិ​គ្រប​ដណ្ដប់​ទៅ​លើ​ស្ថាប័ន​នីតិប្បញ្ញត្តិ និង​តុលាការ៖ «គឺ​បក្ស​ហ្នឹង​គឺ​ត្រួត​តែម្ដង​នៅ​ក្នុង​ប្រទេស​កុម្មុយនិស្ត​គឺ​អ៊ីចឹង ហើយ​ច្បាប់​ហ្នឹង​ជា​ឧបករណ៍​របស់​រដ្ឋាភិបាល​ដើម្បី​បង្ក្រាប​អ្នក​ណា​ដែល​ទិតៀន»

​ម្យ៉ាង​វិញ​ទៀត លោក​នាយករដ្ឋមន្ត្រី ហ៊ុន សែន ជា​ញឹកញយ​លោក​តែងតែ​ប្រកាស​ថា ក្រៅ​ពី​លោក​គ្មាន​អ្នក​ណា​អាច​មក​ដឹកនាំ​ប្រទេស​បាន ហើយ​បើ​អត់​ពី​លោក​ប្រទេស​នឹង​មាន​សង្គ្រាម​ជាដើម។ ទាក់ទង​នឹង​បញ្ហា​នេះ នៅ​ក្នុង​វេទិកា​អ្នក​ស្ដាប់​អាស៊ីសេរី កាល​ពី​ថ្ងៃ​ទី​៩ ខែ​កុម្ភៈ ឆ្នាំ​២០១៦ លោក​បណ្ឌិត កែម ឡី អ្នក​ស្រាវជ្រាវ និង​ឃ្លាំមើល​ផ្នែក​អភិវឌ្ឍន៍​សង្គម។ លោក​មាន​ប្រសាសន៍​ថា កម្ពុជា​មាន​ជំងឺ​ឆ្លង​ពី​សម័យ​មុន​មក​ដែល​មេដឹកនាំ​នីមួយៗ ដឹកនាំ​កាន់​យូរ គឺ​ខ្លាច​ស្រមោល​ខ្លួន​ឯង​មិន​ហ៊ាន​ផ្ទេរ​អំណាច ឬ​ចាញ់​ឆ្នោត​ហើយ ក៏​មិន​ព្រម​ផ្ទេរ​ឲ្យ​អ្នក​ផ្សេង៖ «ទី​២ ជំងឺ​នេះ​ជា​ជំងឺ​ផ្ទៃក្នុង​របស់​បក្ស​កាន់​អំណាច​ខ្លួន​ឯង​ពេល​ដែល​ខ្លួនឯង​ចេញ​ទៅ​មាន​បញ្ហា អ៊ីចឹង​យើង​មិន​អាច​ទុក​ជំងឺ​ហ្នឹង​ឲ្យ​រាលដាល​ដល់​ក្មេងៗ​ជំនាន់​ក្រោយ​ទេ យើង​ត្រូវ​វះកាត់​ជំងឺ​ហ្នឹង។ ជំងឺ​ទី​៣ គឺ​ជំងឺ​ក្រាញ​អំណាច​នេះ​គឺ​ជា​ជំងឺ​អាក្រក់​បំផុត​នៅ​ក្នុង​សង្គម​ខ្មែរ​យើង វា​គួរតែ​ព្យាបាល​ឲ្យ​ជា ហើយ​សុំ​ឲ្យ​ក្មេងៗ​ជំនាន់​ក្រោយ​កុំ​ស្រលាញ់​អំណាច​ពេក ស្រលាញ់​នូវ​គុណភាព​ការងារ ស្រលាញ់​កិត្តិយស ស្រលាញ់​កេរ្តិ៍ឈ្មោះ វា​ប្រសើរ​ជាង​តំណែង​និង​អំណាច។ មួយ​ទៀត​ខ្ញុំ​ឃើញ​ធ្វើ​ការ​ដល់​ចាស​ជរាពាធ ធ្វើការ​ដល់​ស្លាប់​នេះ​ខ្ញុំ​អាណិតអាសូរ​ណាស់ ខ្ញុំ​ឃើញ​ឧបនាយករដ្ឋមន្ត្រី ខ្ញុំ​ឃើញ​រដ្ឋមន្ត្រី អាណិតអាសូរ​បំផុត ហើយ​អាសូរ​ដល់​កូនៗ​គាត់​ដែល​មាន​ទ្រព្យសម្បត្តិ​ស្ដុកស្ដម្ភ ហេតុ​អី​ទុក​ឲ្យ​ឪ​របស់​ពួកគាត់​ធ្វើ​ការ​រហូតដល់​ជរាពាធ?»

ទោះបីជា​យ៉ាង​នេះ​ក្ដី លោក​បណ្ឌិត កែម ឡី ផ្ដល់​អនុសាសន៍​ថា មេដឹកនាំ​កាន់​អំណាច​យូរ​នេះ គឺ​គេ​ត្រូវ​រៀបចំ​ជណ្ដើរ​ឲ្យ​នាយករដ្ឋមន្ត្រី​ចុះ​ពី​តំណែង ឬ​ពេល​ចាញ់​ឆ្នោត ប្រគល់​តំណែង​ឲ្យ​គេ​ដោយ​សន្តិវិធី​បាន​នោះ​គឺ​ត្រូវ​មាន​ដូចជា គណបក្ស​បក្ស​ប្រឆាំង​ត្រូវ​បង្កើត​ទំនុក​ចិត្ត​ឲ្យ​បក្ស​កាន់​អំណាច​បង្កើត​ច្បាប់​ការពារ​នាយករដ្ឋមន្ត្រី ពេល​ធ្លាក់​ពី​អំណាច​ជាដើម៖ «ត្រូវ​បង្កើត​នូវ​ទំនុក​ចិត្ត​រៀបចំ​ក្មេង​ជំនាន់​ក្រោយ​ដែល​មាន​ស្មោះត្រង់​សម្រាប់​ខ្លួន ហើយ​អាច​ដឹកនាំ​បាន​មិន​មែន​តែ​កូន​ខ្លួនឯង​ទេ ហើយ​បង្កើត​ច្បាប់ អា​ហ្នឹង​សុទ្ធ​តែ​ជា​ជណ្ដើរ​ហើយ សុទ្ធ​តែ​ជា​សមាសភាព​ជណ្ដើរ​សម្រាប់​ចុះ​ពី​តំណែង អា​ហ្នឹង​យើង​គួរតែ​ធ្វើ​ហើយ​ខ្ញុំ​គិត​ថា បើសិនជា​យើង​ព្យាបាល​ជំងឺ​នៅ​ជំនាន់​នេះ​ឲ្យ​ជា​សះស្បើយ ជំងឺ​នេះ​អត់​ឆ្លង​ទៅ​ក្មេងៗ​ត​ទៅ​ទៀត បើសិនជា​យើង​ទុក​ជំងឺ​ហ្នឹង​វា​ឆ្លង មនុស្ស​ដែល​ឡើង​មក​ទៀត​នៅ​ក្រាញ​អ៊ីចឹង​ទៀត មនុស្ស​ដែល​ឡើង​មក​គឺ​ចង់​នៅ​ក្នុង​តំណែង​ហ្នឹង​ទៀត​នៅ​ក្នុង​បង្គង​ហ្នឹង​រហូត​ដល់​ស្លាប់ ហើយ​យើង​អាម៉ាស់​ដែរ​ណា​ពេល​ដែល​យើង​ទៅ​ស្រុក​គេ​សួរ​ថា នាយករដ្ឋមន្ត្រី​ហ្នឹង​អ្នក​ណា? ប្រធាន​សភា​ហ្នឹង​អ្នក​ណា​នៅ​តែ​មនុស្ស​ដដែលៗ​ហ្នឹង? មិនមែន​មិន​អាម៉ាស់​ទេ គេ​ថា ក្នុង​នាម​ជា​កូន​ខ្មែរ​មួយ​ដែរ​ហេតុ​អី​គ្មាន​មនុស្ស​ទាល់​តែ​សោះ ហេតុ​អី​មាន​តែ​មនុស្ស​ម្នាក់​ហ្នឹង»

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (10)
Share

Time to kick tmil HUNSEN out now...

Time to wake up all Khmer people...why so many foreign companies like Chinese,Taiwanese and s.Korean closed out the company or abandoned their company without a notice to its employees,some of those companies are violating the trade rule"international worker right".See some of those employer has been run away by without pay to its employees for several weeks to months,or sometime at night they attempted to move out their manufacturing tools to avoid its employees blockaded or its employees try to strike back to their employer to demand"owe paying job" or work compensation.Because,those bad foreign company like Chinese,Taiwanese and s.Korean take a risk stakeholder with dictator HUNSEN's family criminal business scam conspiracy"risk business/corruption syndrome",and fear this 37+years ruler will crumble to the ground in day ahead that why they felt so nervously and pull of their stakes holder before a time run out ahead"many foreigner who had a stakeholder with HUN's family try to stay away from it".There because tmil HUNSEN's family criminal business conspiracy control everything in their own clans.

Aug 29, 2016 12:46 PM

យុវជនខ្មែរ U25

លោកហ៊ុន សែនដឹកនាំរាល់ថ្ងៃ មិនមែនដឹកនាំទៅរកសន្តិភាពទេ តែជាការដឹកនាំទៅរកក្តីវិនាស។
១. គាត់ដឹកនាំក្រោយ៧មករា ស្រុកខ្មែរនៅមានធនធានធម្មជាតិ
២. គ្រួសារត្រកូលហ៊ុន និងគ្នីគ្នាគាត់ក្លាយជាមេជំនួញធំដូច Global Witnessធ្លាប់លាតត្រដាង
៣. ការដឺកនាំរបស់គាត់ គឺដឹកនាំបែបមានតែអញទើបដឹកនាំប្រទេសបាន ហើយថ្ងៃណាមួយលោកហ៊ុន សែននឹងស្លាប់ដដែល។ ញ្ជឹងស្រុកខ្មែរត្រូវអន្តរាយ?
៤. ការដឹកនាំមិនយកច្បាប់ជាធំ តែបែរយកបុគ្គលជាធំ គឺខុសស្រលះពីប្រទេសប្រជាធិបតេយ្យ និងប្រទេសកុម្មុយនីស។ មិនច្បាស់ណាមួយ! ដឹកនាំបែបគ្រួសារនិយម!

Aug 26, 2016 11:29 PM

NVC laid egg at the wrong CCP's nest...be red alert people

Far left-radical barbarism try to bullying and fouling poor people around to gain the vote supporter and try to say something,but say to other thing.This barbarism network try to cooking poor people and pro-NVC/CCP on January 7,1979 invader as their rescuer rather aggressor.Watchout all two grouppee NVC/CCP are the same jackass and cowardice...

Aug 26, 2016 06:27 PM

get be smarter rather than stupider...

only barbaric pm can do this BS to poor people who ever know anything in this world.This tmil redevil try to fool his poor people to vote for him in power.But this tmil black magic right now doesn't work anymore and millions suffers people will sent him to meet his comradeship Saddam/Gaddafi in hell club in day ahead.PLEASE stop vote or stop fool with this stupid man 4ever...get be smarter rather be stupider with crying and suffering by stupid man leading all the way.

Aug 26, 2016 06:09 PM

អ្នក​អាន​អនាមិក

Ah Sinner is so proud of his history, uh. Why don't you tell people how many opponents and critics you killed on your way up to power and position. How many?

BTW, there is no one in the world who could see the future. I urge you to stop your BS prediction. Your BS scary prediction tactics don't work because people are a lot smarter now. Remember, you are a serial killer not a sage. And you will never be anything more than a serial killer because of your bloody hand tied to your past.

Aug 26, 2016 11:03 AM

មើល​មតិ​ទាំង​អស់.

គេហទំព័រ​ទាំងមូល