កម្ពុជា-​វៀតណាម​សន្យា​រក្សា​ចំណង​ទាក់ទង​គ្នា​ឲ្យ​បាន​គង់វង្ស

ដោយ ម៉ម មុនីរតន៍
2016-06-02
អ៊ីម៉ែល
មតិ
Share
បោះពុម្ព
ប្រធាន​រដ្ឋ​សភា​កម្ពុជា លោក ហេង សំរិន (ស្ដាំ) ចាប់​ដៃ​ជាមួយ​សមាជិក​ការិយាល័យ​នយោបាយ​មជ្ឈិមបក្ស​កុម្មុយនិស្ត​វៀតណាម លោក ឌិញ ថាឡាំង ក្នុង​ពេល​ប្រតិភូ​វៀតណាម មក​បំពេញ​ទស្សនកិច្ច​នៅ​កម្ពុជា នៅ ថ្ងៃ​ទី​២ មិថុនា ឆ្នាំ​២០១៦។ RFA/Morm Moniroth
ប្រធាន​រដ្ឋ​សភា​កម្ពុជា លោក ហេង សំរិន (ស្ដាំ) ចាប់​ដៃ​ជាមួយ​សមាជិក​ការិយាល័យ​នយោបាយ​មជ្ឈិមបក្ស​កុម្មុយនិស្ត​វៀតណាម លោក ឌិញ ថាឡាំង ក្នុង​ពេល​ប្រតិភូ​វៀតណាម មក​បំពេញ​ទស្សនកិច្ច​នៅ​កម្ពុជា នៅ ថ្ងៃ​ទី​២ មិថុនា ឆ្នាំ​២០១៦។ RFA/Morm Moniroth
RFA/Morm Moniroth

កម្ពុជា និង​វៀតណាម បាន​បញ្ជាក់​ជំហរ​ជា​ថ្មី​ទៀត​ថា ប្រទេស​ទាំង​ពីរ​នេះ នឹង​រឹត​ចំណង​មិត្តភាព និង​កាន់​ដៃ​គ្នា​ឲ្យ​កាន់​តែ​រឹងមាំ​ថែម​ទៀត ទៅ​ថ្ងៃ​ខាង​មុខ។ អ្នក​វិភាគ​នយោបាយ​យល់​ឃើញ​ថា កម្ពុជា​កម្រ​ដែល​ឃើញ​ទទួល​បាន​ផល​ចំណេញ​អ្វី​​ឡើយ​ពី​ទំនាក់ទំនង​នេះ។

ក្នុង​ជំនួប​ទ្វេ​ភាគី​ដែល​ប្រើ​ពេល​ប្រមាណ ២០​នាទី មន្ត្រី​ជាន់​ខ្ពស់​រដ្ឋសភា​ពី​ខាង​គណបក្ស​ប្រជាជន​កម្ពុជា បញ្ជាក់​ថា រដ្ឋាភិបាល​នៃ​ប្រទេស​ទាំង​ពីរ​សន្យា​ថា នឹង​រក្សា​ចំណង​ទាក់ទង​ដែល​មាន​ក្នុង​អតីត​ឲ្យ​បាន​គង់វង្ស ហើយ​សម្ពន្ធភាព​នេះ​នឹង​បន្ត​ជ្រោមជ្រែង​ឲ្យ​មាន​ភាព​ត្រចះត្រចង់ និង​កាន់​តែ​កៀក​គ្នា​បន្ថែម​ទៀត សម្រាប់​បរិបទ​នយោបាយ​របស់​ប្រទេស​ទាំង​ពីរ​ត​ទៅ​មុខ​ទៀត។

ការ​ថ្លែង​ដូច​នេះ​របស់​លោក ហេង សំរិន ប្រធាន​រដ្ឋសភា ធ្វើ​ឡើង​នៅ​​ថ្ងៃ​ទី​២ ខែ​មិថុនា នៅ​វិមាន​រដ្ឋសភា ក្នុង​ជំនួប​ទ្វេភាគី​ជា​មួយ​ប្រតិភូ​វៀតណាម។

ថ្លែង​ប្រាប់​អ្នក​កាសែត​ក្រោយ​ជំនួប​បាន​បិទ​បញ្ចប់​ទៅ នាយក​ខុទ្ទកាល័យ​របស់​លោក ហេង សំរិន គឺ​លោក កែវ ពិសិដ្ឋ និយាយ​ថា កិច្ច​សន្ទនា​ដែល​ធ្វើ​ឡើង​នៅ​ពេល​នេះ គឺ​ជា​ការ​រឹត​ចំណង​មេត្រីភាព​ដែល​ប្រទេស​ទាំង​២​ធ្លាប់​មាន​ក្នុង​អតីតកាល និង​បន្ត​ទិសដៅ​ទាំង​លើ​វិស័យ​សេដ្ឋកិច្ច និង​ពាណិជ្ជកម្ម​នៅ​ពេល​ខាង​មុខ​ទៀត។

ក្រៅ​ពី​នេះ លោក កែវ ពិសិដ្ឋ បដិសេធ​ថា ការ​បំពេញ​ទស្សនកិច្ច​លើក​នេះ​របស់​ប្រតិភូ​វៀតណាម គឺ​ពុំ​មែន​គាប់​ជួន​កម្ពុជា កំពុង​មាន​ភាព​តានតឹង​ផ្នែក​នយោបាយ​ណា​មួយ​ឡើយ។ ម្យ៉ាង​វិញ​ទៀត កិច្ច​សន្ទនា​នេះ ក៏​ពុំ​បាន​ផ្ដោត​ផង​ដែរ​ទៅ​លើ​ទិដ្ឋភាព​នយោបាយ ក្រៅ​ពី​រឿង​វៀតណាម ស្នើ​ឲ្យ​រដ្ឋាភិបាល​ពិនិត្យ និង​ការពារ​អ្នក​វិនិយោគទុន​វៀតណាម ស្រប​ច្បាប់​នៅ​កម្ពុជា៖ «រឿង​នេះ​វា​មិន​មែន​វា​ផ្ដោត​ទៅ​រឿង​នយោបាយ​ទេ វា​ជា​កម្មវិធី​ផ្លាស់ប្ដូរ​ទស្សនកិច្ច​ទៅ​វិញ​ទៅ​មក​ដែល​ស្ថិត​នៅ​ក្នុង​កិច្ច​ព្រមព្រៀង​រវាង​ទីក្រុង​សម្ពន្ធភាព​នឹង​គ្នា​ទេ»

បើ​ទោះ​ជា​បែប​ណា ការ​បំពេញ​ទស្សនកិច្ច​របស់​ប្រតិភូ​វៀតណាម​នេះ រង​ការ​រិះគន់​ថា ធ្វើ​ឡើង​គាប់​ជួន​កម្ពុជា កំពុង​មាន​ភាព​ចម្រូងចម្រាស​ផ្នែក​នយោបាយ។ កាល​ពី​ថ្ងៃ​ទី​៣១ ខែ​ឧសភា រដ្ឋមន្ត្រី​ក្រសួង​ការពារ​ប្រទេស​នៃ​សាធារណៈ​សង្គម​និយម​វៀតណាម បាន​មក​បំពេញ​ទស្សនកិច្ច​ម្ដង​រួច​ហើយ ដែល​ដឹកនាំ​ដោយ​ឧត្ដម​នាយ​ឧត្ដម​សេនីយ៍ ង៉ូ ស៊ុនលិច្ស (NGO Xuan Lich)។ នៅ​ពេល​នោះ​ហើយ ដែល​មន្ត្រី​ជាន់​ខ្ពស់​ក្រសួង​ការពារ​ជាតិ លោក ទៀ បាញ់ បាន​ហៅ​បក្ស​ប្រឆាំង​ថា ជា​អមិត្ត។

រយៈពេល ៣​ថ្ងៃ​បន្ទាប់ ការ​បំពេញ​ទស្សនកិច្ច​ប្រហាក់ប្រហែល​គ្នា​នេះ របស់​ប្រតិភូ​វៀតណាម ក៏​បាន​ធ្វើ​ឡើង​ដាច់​ដោយ​ឡែក​មួយ​ផ្សេង​ទៀត។ ទស្សនកិច្ច​នៅ​ថ្ងៃ​ទី​២ ខែ​មិថុនា ដែល​ដឹកនាំ​ដោយ​សមាជិក​ការិយាល័យ​នយោបាយ​មជ្ឈិមបក្ស​កុម្មុយនិស្ត​វៀតណាម និង​ជា​លេខា​គណៈកម្មាធិការ​បក្ស​ទីក្រុង​ហូជីមិញ លោក ឌិញ ឡាថាំង។ ថ្វី​បើ​ទស្សនកិច្ច​ទាំង​ពីរ​លើក​នេះ ធ្វើ​ឡើង​ក្នុង​ទិសដៅ ២​ផ្សេង​គ្នា ក៏ប៉ុន្តែ​មន្ត្រី​រដ្ឋាភិបាល​អះអាង​ថា គឺ​ជា​ការ​រឹត​ចំណង​មិត្តភាព និង​ទំនាក់ទំនង​ល្អ​រវាង​ប្រទេស​ទាំង​ពីរ ជាពិសេស​គឺ​ជា​ការ​ពង្រឹង​មេត្រីភាព​រវាង​ទីក្រុង​ភ្នំពេញ ជាមួយ​ទីក្រុង​ហូជីមិញ។

បញ្ហា​នេះ​អ្នក​វិភាគ​នយោបាយ​យល់​ឃើញ​ថា កម្ពុជា​កម្រ​ទទួល​បាន​ផល​ចំណេញ​ណាស់​ពី​ការ​ទំនាក់​រវាង​កម្ពុជា និង​វៀតណាម នេះ។ មិន​តែ​ប៉ុណ្ណោះ រាល់​​​ពេល​កម្ពុជា មាន​ការ​ខ្វែង​គំនិត​គ្នា​លើ​ទិដ្ឋភាព​នយោបាយ គេ​តែង​សង្កេត​ឃើញ​វត្តមាន​នៃ​ការ​បំពេញ​ទស្សនកិច្ច​របស់​វៀតណាម ជា​ញឹកញាប់​នៅ​កម្ពុជា។

បណ្ឌិត​វិទ្យាសាស្ត្រ​នយោបាយ លោក រស់ រ៉ាវុធ ចាត់​ទុក​ថា ថ្វី​បើ​នេះ​ជា​របៀប​ទំនាក់ទំនង​ការទូត​ជា​អន្តរជាតិ ការ​ពង្រឹង​មិត្តភាព និង​កិច្ច​សហប្រតិបត្តិការ​នេះ វា​ហាក់​ជាប់​ជួន​ពេល​ដែល​កម្ពុជា កំពុង​មាន​ភាព​ល្អក់​កករ​ផ្នែក​នយោបាយ។ ម្យ៉ាង​រដ្ឋាភិបាល​ចំណេញ​តិចតួច​ណាស់​ពី​កិច្ចសហការ ទាំង​ផ្នែក​សេដ្ឋកិច្ច នយោបាយ និង​វិស័យ​ពាណិជ្ជកម្ម​ជាមួយ​វៀតណាម នេះ៖ «បើ​និយាយ​ពី​ចំណេញ កម្ពុជា មិន​ដែល​ទទួល​បាន​ផល​ចំណេញ​ពី​វៀតណាម​ទេ។ បាន​ត្រឹម​តែ​​រួច​ខ្លួន​ហ្នឹង​គេ​ហៅ​ថា​ល្អ​ប្រសើរ​ហើយ​សម្រាប់​កម្ពុជា ជាមួយ​កិច្ច​សហប្រតិបត្តិការ​ជាមួយ​វៀតណាម​នោះ»

ជា​ញឹកញាប់​គណបក្ស​ប្រឆាំង និង​អង្គការ​សង្គម​ស៊ីវិល តែង​រិះគន់​ថា រដ្ឋាភិបាល​តែង​មាន​ភាព​មិន​ស្មោះត្រង់​ជា​និច្ច ក្នុង​ការ​បោះ​បង្គោល​ព្រំដែន ជា​វៀតណាម។នេះ​ជា​ហេតុផល​មួយ ក្នុងចំណោម​ហេតុផល​ដទៃ​ទៀត ជា​ផ្នែក​មួយ​ដែល​ធ្វើ​ឲ្យ​កម្ពុជា ត្រូវ​ខាតបង់​ដី​ នៅ​តាម​ខ្សែ​បន្ទាត់​ព្រំដែន ទៅ​អោយ​វៀតណាម៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (5)
Share

អ្នក​អាន​អនាមិក

រក្សាចំណងប្រឡៅក

Jun 05, 2016 07:01 AM

អ្នក​អាន​អនាមិក

- , មើល មុខ រូបរាង ល្ងង់ទាំងគំនិត អាក្រក់ ទាំងរូបកាយ !

Jun 03, 2016 07:49 AM

អ្នក​អាន​អនាមិក

5 KILOMETER FROM BORDER INSIDE CAMBODIA IS NOT CLOSED ENOUGH IF 50 KILOMETERS OR MORE WILL BE BETTER AND VERY CLOSE BETWEEN TWO COUNTRIES CAMBODIA AND VIETNAM FOREVER.

Jun 03, 2016 01:15 AM

M

ពី PP

IF I AM VIETNAM I ALSO APPRECIATE THIS "FRIENDSHIP" TOO. AS A KHMER A HATE YOU, MR. HENG!! STOP TO DISTROY KHMER!

Jun 03, 2016 01:08 AM

All nations on earth needs peace

yeah of course it is...Cambodia-Camodian's govn't can work with every nations on earth,respect each other,help each other,not interfere to other govn't affair,sovereignty ,be neutralize...Cambodians loved vietnamese pple as neighbor with sacrificed it's land to vietnam for centuries,but from time to time most of the n.Vietnam's govn't leaders always threaten us khmer with used ruthless behavior toward its neighbor "especially to Cambodia",mean to control or wide out Cambodia from the world map.As be a good neighbor without fear n.Vietnam govn't leaders should make a change ruthless behavior and abandon all those bad behavior strategy in the past toward its neighbor friendship...stop hate each other or threat each other,stop fear each other,build a peace ,respect each other in the name of humanity,prosperity,harmony and peace on earth,that all we wanted" past history leave it behinds and move both of our next generation nations to prosperity and peace".

Jun 02, 2016 09:01 AM

មើល​មតិ​ទាំង​អស់.

គេហទំព័រ​ទាំងមូល