ប្រទេស​ចិន​ថា ជំនួយ​និង​ការ​វិនិយោគ​របស់​ខ្លួន​នៅ​កម្ពុជា មិនមែន​ជា​អន្ទាក់​នោះ​ឡើយ

ដោយ មាន ឫទ្ធិ
2019-03-23
អ៊ីម៉ែល
មតិ
Share
បោះពុម្ព
(ឆ្វេង) លោក ខុង សៀនយ៉ូវ (Kong Xuanyou) អនុរដ្ឋមន្ត្រី​ការបរទេស​ចិន និង​លោក​នាយករដ្ឋមន្ត្រី ហ៊ុន សែន ក្នុង​ពិធី​បើក​ការដ្ឋាន​សាងសង់​ផ្លូវ​ល្បឿន​លឿន ភ្នំពេញ​-​ខេត្ត​ព្រះសីហនុ កាល​ពី​ថ្ងៃ​ទី​២២ មីនា ឆ្នាំ​២០១៩។
(ឆ្វេង) លោក ខុង សៀនយ៉ូវ (Kong Xuanyou) អនុរដ្ឋមន្ត្រី​ការបរទេស​ចិន និង​លោក​នាយករដ្ឋមន្ត្រី ហ៊ុន សែន ក្នុង​ពិធី​បើក​ការដ្ឋាន​សាងសង់​ផ្លូវ​ល្បឿន​លឿន ភ្នំពេញ​-​ខេត្ត​ព្រះសីហនុ កាល​ពី​ថ្ងៃ​ទី​២២ មីនា ឆ្នាំ​២០១៩។
រូប​ហ្វេសប៊ុក លោក ហ៊ុន សែន

អ្នកឃ្លាំមើល​សង្គម​ទាត់ចោល​ការ​អះអាង​របស់​មន្ត្រី​ជាន់ខ្ពស់​ចិន​ដែល​ថា ជំនួយ និង​ការ​វិនិយោគ​ចិន​នៅ​កម្ពុជា មិនមែន​ជា​អន្ទាក់​ដើម្បី​មាន​ឥទ្ធិពល​នៅ​កម្ពុជា​ឡើយ។ ពួកគេ​យល់​ថា ការ​ជំពាក់​បំណុល​ប្រទេស​ចិន​ច្រើន​សន្ធឹក​សន្ធាប់​នោះ មិនមែន​ជា​រឿង​ល្អ​នោះ​ទេ ព្រោះ​នាំ​ឱ្យ​កម្ពុជា​ខ្វះ​ឯករាជ្យ​លើ​វិស័យ​សេដ្ឋកិច្ច។

អនុរដ្ឋមន្ត្រី​ការបរទេស​ចិន លោក ខុង សៀនយ៉ូវ (Kong Xuanyou) អះអាង​ថា នៅ​ក្នុង​ពិធី​បើក​ការដ្ឋាន​សាងសង់​ផ្លូវ​ល្បឿន​លឿន ភ្នំពេញ​-​ខេត្ត​ព្រះសីហនុ នៅ​ថ្ងៃ​ទី​២២ មីនា ថា ប្រទេស​ចិន​នឹង​បន្ត​គាំទ្រ​ការ​វិនិយោគ និង​ផ្តល់​ជំនួយ​ដល់​កម្ពុជា ទៅតាម​លទ្ធភាព​ដែល​អាច​ធ្វើ​បាន ដើម្បី​ធ្វើ​ឱ្យ​ទំនាក់ទំនង​រវាង​ប្រទេស​ទាំងពីរ​កាន់តែ​មាន​ភាព​ល្អ​ប្រសើរ។ លោក​បញ្ជាក់​ថា ជំនួយ និង​ការ​វិនិយោគ​ទាំងនេះ មិនមែន​ជា​អន្ទាក់​នោះ​ទេ ក៏ប៉ុន្តែ​គឺជា​ការ​ជួយ​ដោយ​ស្មោះ​ត្រង់ ដើម្បី​ការ​អភិវឌ្ឍ​របស់​កម្ពុជា។

មន្ត្រី​ជាន់ខ្ពស់​ចិន​រូប​នេះ ក៏បាន​ឆ្លៀត​វាយប្រហារ​អ្នក​សិក្សា​ស្រាវជ្រាវ និង​ប្រទេស​មួយ​ចំនួន​ដែរ ដែល​រិះគន់​ថា កម្ពុជា​កំពុង​ផុង​ខ្លួន​ក្នុង​អន្ទាក់​បំណុល​របស់​ចិន​នោះ៖ «ក្រុម​ចេតនា​មិនល្អ​មួយ​ចំនួន បាន​ប្រែ​ស ជា​ខ្មៅ លាប​ពណ៌​វិនិយោគ​របស់​ចិន​ថា ជា​អន្ទាក់​។ ការពិត​តែងតែ​ឈ្នះ​នឹង​ពាក្យ​តវ៉ា​គ្មាន​មូលដ្ឋាន​។ វិនិយោគ​របស់​ចិន​មិនមែន​ជា​អន្ទាក់​ទេ វា​រឹតតែ​មិនមែន​ជា​ការ​គំរាមកំហែង។ វា​ជា​ការ​ជួយ​ដ៏​ស្មោះ​ពី​បងប្អូន​បង្កើត ជា​កម្លាំង​ជំរុញ​ដល់​សមត្ថភាព​អភិវឌ្ឍ​របស់​កម្ពុជា និង​ជា​ទង្វើ​នាំមក​នូវ​ផលប្រយោជន៍​ជូន​ដល់​ប្រជាជន​កម្ពុជា»

ចំណែក មេដឹកនាំ​របប​ក្រុងភ្នំពេញ លោក ហ៊ុន សែន វិញ ក៏បាន​បញ្ជាក់​បន្ថែម​លើ​ប្រសាសន៍​របស់​មន្ត្រី​ការទូត​ចិន​រូប​នេះ​ដែរ​ថា ការ​អភិវឌ្ឍ​របស់​ចិន​បាន​ផ្ដល់​ផលប្រយោជន៍​ដល់​ប្រទេស​កំពុង​អភិវឌ្ឍ ជាពិសេស​ប្រទេស​ដែល​ស្ថិត​ក្នុង​គម្រោង​ខ្សែ​ក្រវ៉ាត់ និង​ផ្លូវ ដូចជា កម្ពុជា​ជាដើម។ លោក​ថ្លែង​ការពារ​ចិន​ជាថ្មី​ទៀត​ថា មហាអំណាច​កុម្មុយនិស្ត​មួយ​នេះ មិនមែន​មក​ត្រួតត្រា​កម្ពុជា​ឡើយ ហើយ​លោក​ក៏បាន​ឆ្លៀត​ស៊កសៀត​ឱ្យ​ប្រទេស​លោក​ខាត​លិច​ដែរ​ថា កំពុង​បង្គាប់បញ្ជា​កម្ពុជា​ដែល​ជា​រដ្ឋ​អធិបតេយ្យ តាមរយៈ​ការ​គំរាម​ដាក់ទណ្ឌកម្ម។

ការ​លើកឡើង​របស់​មន្ត្រី​ការបរទេស​ចិន​នេះ គឺជា​ឆ្លើយតប​ទៅ​នឹង​ក្តី​បារម្ភ​របស់​អ្នក​ជំនាញ និង​ថ្នាក់ដឹកនាំ​គណបក្ស​សង្គ្រោះជាតិ ដែល​កន្លង​មក​ធ្លាប់​បាន​លើកឡើង​ថា ចិន​កំពុង​ប្រើប្រាស់​លុយ​ជំនួយ និង​កម្ចី​ជា​អន្ទាក់​បំណុល ខណៈ​បច្ចុប្បន្ន​កម្ពុជា​ជំពាក់​បំណុល​ចិន​ជាង ៤ ពាន់​លាន​ដុល្លារ​អាមេរិក ឬ​ស្មើនឹង​ជាង ២០% នៃ​ផលិតផល​ក្នុងស្រុក​សរុប (GDP) របស់​កម្ពុជា។

ទោះជា​យ៉ាងណា សង្គម​ស៊ីវិល​មិន​យល់​ស្របតាម ការ​អះអាង​របស់​មន្ត្រី​ចិន​នេះ​ទេ។ ប្រធាន​អង្គការ​សម្ពន្ធ​គណនេយ្យភាព​សង្គម​កម្ពុជា (ANSA) លោក សន ជ័យ ថ្លែង​ថា ស្ថានភាព​បច្ចុប្បន្ន កម្ពុជា​មិន​ទាន់​មាន​វិបត្តិ​បំណុល​នៅឡើយ​ទេ ក៏ប៉ុន្តែ​នៅ​ពេល​អនាគត រឿង​នេះ​អាច​នឹង​កើតមានឡើង ប្រសិនបើ​កម្ពុជា​នៅតែ​បន្ត​ខ្ចី​លុយ​ពី​ប្រទេស​ចិន​ក្នុង​ចំនួន​ច្រើន​លើសលប់ ដូច​ពេល​បច្ចុប្បន្ន។ លោក​បន្ត​ថា រដ្ឋាភិបាល​ត្រូវ​មាន​យន្តការ​គ្រប់គ្រង​ច្បាស់លាស់​ចំពោះ​ជំនួយ និង​កម្ចី​ដែល​បាន​មក​ពី​ប្រទេស​ចិន ដើម្បី​ធានា​ថា លុយ​ទាំងនោះ​ត្រូវ​បាន​ប្រើប្រាស់​ចំ​ទិសដៅ និង​មាន​ប្រសិទ្ធភាព​ខ្ពស់៖ «ដើម្បី​ឱ្យ​បំណុល​នេះ​ជួយ​ដល់​សេដ្ឋកិច្ច និង​ការ​អភិវឌ្ឍ ការរៀបចំ​យន្តការ​គ្រប់គ្រង​ហានិភ័យ​នៃ​បំណុល គឺជា​រឿង​ចាំបាច់ ដែល​ប្រជាពលរដ្ឋ ជាពិសេស​យុវជន​ជំនាន់​ក្រោយ​ចង់​ឃើញ​។ អ្វី​ដែល​គេ​ភ័យខ្លាច​នោះ គេ​ខ្លាច​ថា កម្ពុជា​ថ្ងៃក្រោយ​ទៅ នឹង​មាន​ជោគ​វាសនា​ដូច​ប្រទេស​មួយ​ចំនួន​នៅ​អាហ្វ្រិក និង​អាស៊ី​ខាងត្បូង​ជាដើម»

កាលពី​ខែ​កក្កដា ឆ្នាំ​២០១៨ កន្លងទៅ អ្នក​សិក្សា​ស្រាវជ្រាវ​ពីរ​រូប គឺ​លោក Sam Parker និង​លោកស្រី Gabrielle Chefitz មកពី​សាកលវិទ្យាល័យ​ហាវើដ (Harvard University) សហរដ្ឋអាមេរិក បាន​រកឃើញ​ថា ប្រទេស​ចិន​បាន​ផ្តល់​ប្រាក់កម្ចី​រាប់​រយ​ពាន់​លាន​ដុល្លារ ដល់​ប្រទេស​ជាច្រើន​នៅ​លើ​ពិភពលោក ហើយ​ជារឿយៗ ប្រទេស​ទាំងនោះ គ្មាន​លទ្ធភាព​សង​ចិន​វិញ​នោះ​ទេ​។ នៅ​ពេល​ដែល​គ្មាន​លទ្ធភាព​សង​វិញ​នេះឯង ដែល​ធ្វើ​ឱ្យ​ប្រទេស​ទាំងនោះ​ត្រូវ​ស្ថិតក្រោម​ឥទ្ធិពល​កិច្ចការ​ការទូត​របស់​ចិន ដោយសារតែ​រឿង​បំណុល​វ័ណ្ឌក​នេះ។

អ្នកស្រាវជ្រាវ​ទាំង​ពីររូប​ពន្យល់​ថា “​កិច្ចការ​ការទូត អន្ទាក់​បំណុល​” គឺ​ចង់​និយាយ​ពី​ការដែល​ប្រទេស​ម្ចាស់បំណុល ប្រើប្រាស់​បំណុល ដើម្បី​សម្រេច​គោលដៅ​ជា​យុទ្ធសាស្ត្រ​របស់​គេ។ ប្រទេស​ម្ចាស់បំណុល​អាច​ប្រើ​បន្ទុក​បំណុល​នេះ ដើម្បី​ទទួល​បាន​នូវ​ទ្រព្យសម្បត្តិ ឬ​អត្ថប្រយោជន៍​ជា​យុទ្ធសាស្ត្រ ដូចជា​កំពង់ផែ ឬ​ឥទ្ធិពល​នយោបាយ ហើយ​ប្រទេស​ជា​កូនបំណុល ត្រូវតែ​បង្ខំចិត្ត​គោរព​តាម​គេ​។ អ្នកស្រាវជ្រាវ​ទាំងពីរ​រូប ព្រមាន​ប្រទេស​ទាំងអស់ ដែល​ទទួល​ជំនួយ​ពី​ចិន ឱ្យ​ប្រុងប្រយ័ត្ន​ចំពោះ​គ្រោះថ្នាក់ នៃ​អន្ទាក់​បំណុល​របស់​ចិន​នេះ។

ចំណែក ប្រធាន​ស្តីទី​គណបក្ស​សង្គ្រោះជាតិ លោក សម រង្ស៊ី វិញ ក៏​ធ្លាប់​បាន​សម្ដែង​ក្តី​ព្រួយបារម្ភ​យ៉ាង​ខ្លាំង ចំពោះ​បញ្ហា​បំណុល​ចិន​នេះ​ដែរ។ លោក​ថា ដើម្បី​សងបំណុល​ចិន របប​ក្រុងភ្នំពេញ អាច​ឱ្យ​ចិន​ដាក់​ការគ្រប់គ្រង​របស់​ខ្លួន​លើ​ទឹកដី​កម្ពុជា។ លោក​បាន​លើក​ឧទាហរណ៍​ពី​ប្រទេស​ស្រីលង្កា ដែល​ដឹកនាំ​ដោយ​ជន​ផ្ដាច់ការ និង​បាន​ខ្ចី​លុយ​ពី​ប្រទេស​ចិន​យ៉ាង​ច្រើន​សន្ធឹកសន្ធាប់ ដើម្បី​ប្រព្រឹត្ត​អំពើពុករលួយ កេង​ផលប្រយោជន៍​ផ្ទាល់ខ្លួន សម្រាប់​ក្រុម​គ្រួសារ និង​បក្ខពួក​របស់​ពួកគេ​។ ដោយសារតែ​បំណុល​នោះ​កើន​ឡើង​ច្រើនពេក ហើយ​ប្រទេស​ស្រីលង្កា​គ្មាន​លុយ​សង មេដឹកនាំ​ប្រទេស​ដែន​កោះ​មួយ​នេះ ត្រូវ​ប្រគល់​ទឹកដី​នៅ​តាម​ឆ្នេរសមុទ្រ ឱ្យ​ប្រទេស​ចិន​គ្រប់គ្រង តាម​រូបភាព​សម្បទាន​រយៈពេល ៩៩​ឆ្នាំ ជាដើម៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (2)
Share

China keeps calculating their money expensed over long investment with tmil Hun Sen's corruption govm't....HS slaves of new China colonizing

Comrade Xuanyou new chines foreign pm minister make surprises to comrade Hun Sen why u idiot use your finger point to me for what?can u put your dumbass finger down right now?u look more MORON that i've ever never seen something like this in my life and next time stop pointing like this again comrade Hun.Let me tell u idiot"HS"when i came to see u here,because my big boss"China govm't"want to research all the China's govm't poured billions dollars into your corruption govm't in the last 4 decades and we made calculated with totally $14 billions+high interest rates that u owed now,but the China govm't agreed with your rogue govm't for the long term investment"around 3 more khmer next generations to payoff in year 3005",so u don't worry about that comrade,u and your children to your great grand children won't pay its a penny,those pays will go directly to your Cambodian pple who are 100% responsible after u died.We'd seen you are a rich oil country now in southeast Asian hemisphere,so u can pumping oil within 1.5 million barrels per day to payoff that cost.Comrade,if u need more money just quick to call me or contact to the Chinese embassy in P Penh near to your house to talk about that situation.

Mar 24, 2019 02:33 PM

comrade Xaunyou VS comrade Hun Sen VS EBA/Generalised Scheme Preference"GSP"

Comrade Hun Sen pointing nose to his next sit comrade Kong Xuanyou"China new foreign minister"after replaced comrade"Wang Yi"who was terrible made a big mistook claimed in 2017 that Cambodia is only for China national interest by without other nations.Comrade Kong stated that relationship between Cambodia and China are flourishing like lip and teeth after the killing fields era ended.Everything that the China commie govm't assisted to comrade Hun Sen mafia govm't in the last 4 decades is no secret reveal at all"no trap or hook up"so why u so worry about that...comrade Hun Sen don't be worry ...just be happy old man"no worry about EBA/GSP sanctions coming...comrade Hun u used to lives in the jungle for long-long times ago"guerrilla warfare survive guider"and u know how to survive it and now u got everything in your life more than i don't have nothing in life,see u got a $3 million watch in your hand,closer to a half billion $$ in frozen banks account with may waterfront mansions+sex massage+Hennessy X O+shiny AK-47 golden chrome next your headdress+big voodoo black magic worship room+luxury exercise room+new special Chinese Ginsing sex supplement vitamin+ton of golden bars under secret bunker with millions dollars cashes in different bunkers and much more.If,comrade Hun Sen needs more cash just call me at anytime.but don't tell to my big boss they'll remove me like Wang Yi again.

Mar 23, 2019 01:11 PM

គេហទំព័រ​ទាំងមូល