រដ្ឋមន្ត្រីការបរទេសវៀតណាមបញ្ជាក់ថាអ្នករិះគន់លោក ហ៊ុន សែន គឺជារឿងបុគ្គល
2016.09.01
រដ្ឋមន្ត្រីការបរទេសវៀតណាម លោក ឡេ ហៃប៊ីញ (Le Hai Binh)។ Photo courtesy of mofa.gov.vn
Photo courtesy of mofa.gov.vn
រដ្ឋមន្ត្រីការបរទេសវៀតណាម លោក ឡេ ហៃប៊ីញ (Le Hai Binh) អះអាងថា ការរិះគន់លោកនាយករដ្ឋមន្ត្រី ហ៊ុន សែន ក្នុងគណនេយ្យហ្វេសប៊ុករបស់លោក គឺជារឿងបុគ្គល មិនមែនឆ្លុះបញ្ចាំងទស្សនៈ ឬយោបល់របស់រដ្ឋាភិបាលវៀតណាម ឡើយ។
លោក ឡេ ហៃប៊ីញ បន្តថា វៀតណាម មិនបណ្តោយឲ្យជនណាដែលប្រើសេរីភាពក្នុងការបញ្ចេញមតិដើម្បីញុះញង់ និងធ្វើឲ្យប៉ះពាល់ដល់ទំនាក់ទំនងដ៏ល្អរវាងកម្ពុជា-វៀតណាម ឡើយ។
កាសែតវៀតណាម ឈ្មោះ វីនូស្ស៍ អិចប្រេស ចុះផ្សាយកាលពីថ្ងៃពុធ ទី៣១ ខែសីហា ឲ្យដឹងថា ការបញ្ជាក់ក្នុងសេចក្តីថ្លែងការណ៍របស់រដ្ឋមន្ត្រីការបរទេសវៀតណាម នេះ បន្ទាប់ពីក្រសួងការបរទេសកម្ពុជា ជំរុញឲ្យអាជ្ញាធរវៀតណាម ដាក់ទណ្ឌកម្មម្ចាស់គណនេយ្យហ្វេសប៊ុករបស់ពលរដ្ឋវៀតណាម ខ្លះដែលបានបន្ទោសលោក ហ៊ុន សែន ថាបានកាន់ជើងរដ្ឋាភិបាលចិន ក្នុងរឿងជម្លោះនៅតំបន់សមុទ្រចិនខាងត្បូង។
ម្ចាស់គណនេយ្យហ្វេសប៊ុកខ្លះសរសេរបញ្ចេញកំហឹងថា វៀតណាម បានបូជាជីវិត និងថវិកាដើម្បីជួយសង្គ្រោះពលរដ្ឋកម្ពុជា ចេញពីរបបប្រល័យពូជសាសន៍ខ្មែរក្រហម។ ឥឡូវ លោក ហ៊ុន សែន បែរខ្នងដាក់វៀតណាម ដោយសារងប់ងុលនឹងប្រាក់ជំនួយរបស់ចិន។ លោកនាយករដ្ឋមន្ត្រី ហ៊ុន សែន បានសរសេរឆ្លើយតបវិញថា រឿងជម្លោះនៅតំបន់សមុទ្រចិនខាងត្បូង មិនមែនជាកិច្ចការរបស់កម្ពុជា ឡើយ ហើយថាវៀតណាម មិនមែនជាចៅហ្វាយរបស់ ហ៊ុន សែន ឡើយ។ លោកសង្ឃឹមថា រដ្ឋាភិបាលវៀតណាម នឹងយល់ច្បាស់ពីចម្លើយរបស់លោក ដោយអប់រំពលរដ្ឋរបស់ខ្លួនកុំឲ្យរំខានដល់លោកទៀត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- លោក ហ៊ុន ម៉ានី ស្នើឲ្យនាយករដ្ឋមន្ត្រី លោក ហ៊ុន ម៉ាណែត ដកប្រធានមន្ទីរបរិស្ថានចំនួន៤ ខេត្ត នៅជុំវិញតំបន់ព្រៃឡង់
- ប៉ូលិសថៃស៊ើបអង្កេតឃើញថា ករណីធ្វើឃាតលើលោក លិម គិមយ៉ា មានការរៀបចំជាប្រព័ន្ធ ដោយមានមេខ្លោងនៅកម្ពុជា
- ខ្មាន់កាំភ្លើងមិនទាន់ហ៊ានលាតត្រដាងមេខ្លោងនៅពីក្រោយ ព្រោះបារម្ភពីសុវត្ថិភាពគ្រួសារ
- ខ្មាន់កាំភ្លើងបង្ហាញអត្តសញ្ញាណអ្នកបញ្ជាឱ្យបាញ់សម្លាប់លោក លិម គិមយ៉ា ក្រោយពេលតុលាការចេញដីកាចាប់ខ្លួនលោក លី រតនរស្មី
- លោក ហេង សិទ្ធី ត្រូវបានចាប់ខ្លួនដល់រុស្សីក្រោយស្នើឱ្យលោក ហ៊ុន ម៉ាណែត ចុះចេញពីតំណែង
អត្ថបទពេញនិយម
នយោបាយ
- ភាពស្ងប់ស្ងាត់លើករណីឃាតកម្មលោក លិម គិមយ៉ា «បង្ហាញពីភាពគ្មានទំនួលខុសត្រូវរបស់រដ្ឋាភិបាល»
- កម្ពុជាបានប្រគល់ខ្លួនខ្មាន់កាំភ្លើងបាញ់សម្លាប់លោក លិម គិមយ៉ា ឱ្យភាគីថៃហើយ និងប្រកាសបទចោទភ្លាមៗ
- តុលាការថៃចេញដីកាចាប់ខ្លួនជនសង្ស័យជនជាតិខ្មែរគឺលោក លី រតនរស្មី ករណីឃាតកម្មលើលោក លិម គិមយ៉ា
- អាជ្ញាធរកម្ពុជានឹងបញ្ជូនខ្មាន់កាំភ្លើងប្រគល់ឱ្យសមត្ថកិច្ចថៃ នៅថ្ងៃទី១១ មករា
- អាជ្ញាធរត្រៀមបញ្ជូនអតីតឧកញ៉ា ហេង សិទ្ធី មកកម្ពុជា ក្រោយចាប់ខ្លួនបាននៅរុស្ស៊ី