ក្រសួង​មហាផ្ទៃ​ឲ្យ​គណបក្ស​ហ៊្វុនស៊ិនប៉ិន​ផ្លាស់ប្ដូរ​សញ្ញា​សម្គាល់​បក្ស

ដោយ ហេង សកល
2017-08-31
អ៊ីម៉ែល
មតិ
Share
បោះពុម្ព
និមិត្ត​សញ្ញា​គណបក្ស​ហ៊្វុនស៊ិនប៉ិច
និមិត្ត​សញ្ញា​គណបក្ស​ហ៊្វុនស៊ិនប៉ិច
screenshot

ក្រសួង​មហាផ្ទៃ ជូន​ដំណឹង​ទៅ​គណបក្ស​ហ្វ៊ុនស៊ិនប៉ិច ឱ្យ​ផ្លាស់ប្ដូរ​​សញ្ញា​សម្គាល់​គណបក្ស។ លិខិត​របស់​លោក ស ខេង រដ្ឋមន្ត្រី​ក្រសួង​មហាផ្ទៃ ចុះ​កាល​ពី​ថ្ងៃ​ពុធ ទី​២៩ ខែ​សីហា ស្នើ​គណបក្ស​ហ្វ៊ុនស៊ិនប៉ិច ត្រូវ​ធ្វើ​ការ​ផ្លាស់ប្ដូរ​នូវ​សញ្ញា​សម្គាល់​បក្ស​ក្នុង​រយៈពេល ៩០​ថ្ងៃ ឱ្យ​ស្រប​ទៅ​តាម​ច្បាប់​ស្ដីពី​វិសោធនកម្ម​ច្បាប់​ស្ដីពី​គណបក្ស​នយោបាយ។

លិខិត​នេះ​ក៏​បាន​បញ្ជាក់​ដែរ​ថា គណបក្ស​នយោបាយ​ទាំង​អស់​ដែល​ប្រើប្រាស់​ឈ្មោះ និង​សញ្ញា​សម្គាល់​ជា​សញ្ញា​ជាតិ រូបភាព​តំណាង​ឱ្យ​សាសនា ប្រាសាទ​អង្គរវត្ត ព្រះឆាយាល័ក្ខណ៍ រូប​សំណាក​របស់​ព្រះមហាក្សត្រ​ខ្មែរ​គ្រប់​ព្រះអង្គ ឬ​រូបភាព​របស់​រូបវន្តបុគ្គល ត្រូវ​បំពេញ​បែបបទ​ផ្លាស់ប្ដូរ​នៅ​ក្នុង​អំឡុង​ពេល ៩០​ថ្ងៃ បើ​មិន​ដូច្នោះ​ទេ គណបក្ស​ទាំង​នោះ​ត្រូវ​ប្រឈម​ចំពោះ​មុខ​ច្បាប់។

ជាមួយ​គ្នា​នេះ​ដែរ លោក ស ខេង រដ្ឋមន្ត្រី​ក្រសួង​មហាផ្ទៃ កាល​ពី​ថ្ងៃ​ទី​២៩ ខែ​សីហា កន្លង​ទៅ​នេះ បាន​ប្ដឹង​រំលាយ​គណបក្ស​នយោបាយ​មិន​សូវ​ឮ​ឈ្មោះ​ចំនួន ៩ ទៅ​តុលាការ​កំពូល ដោយ​លើក​មូលហេតុ​ថា បាន​ប្រព្រឹត្ត​ល្មើស​ច្បាប់​គណបក្ស​នយោបាយ។ បទល្មើស​ទាំង​នោះ​រួម​មាន មិន​បាន​ផ្ញើ​របាយការណ៍​ប្រចាំ​ឆ្នាំ​របស់​ខ្លួន​មក​ក្រសួង​មហាផ្ទៃ ហើយ​គណបក្ស​ខ្លះ​កំពុង​ជាប់​បណ្ដឹង​នៅ​សាលា​ដំបូង​រាជធានី​ភ្នំពេញ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល