កម្ពុជាជាប់ចំណាត់ថ្នាក់កម្លាំងយោធាលេខ៨៩ខណៈឡាវទទួលបានលេខ១២៤
2017.08.11
កងកម្លាំងយោធាកម្ពុជា ត្រៀមទៅកាន់តំបន់មានជម្លោះព្រំដែនជាមួយប្រទេសឡាវ នៅខេត្តស្ទឹងត្រែង។ រូបថតថ្ងៃទី១២ សីហា ឆ្នាំ២០១៧។
RFA
អង្គការឃ្លាំមើលកម្លាំងយោធាក្នុងពិភពលោក (Global Fire Power) បានរកឃើញថា កម្ពុជា ក្នុងឆ្នាំ២០១៧ នេះបានទទួលចំណាត់ថ្នាក់លេខ៨៩ ខណៈប្រទេសឡាវ បានចំណាត់ថ្នាក់លេខ១២៤ ហើយវៀតណាម លេខ១៦ ក្នុងចំណោមប្រទេស១៣៣ ក្នុងពិភពលោក។ ការវាយតម្លៃនេះ គឺផ្អែកទៅលើកត្តាប្រជាជន និងភូមិសាស្ត្រនៃបណ្ដាប្រទេសនីមួយៗ។
អង្គការឃ្លាំមើលកម្លាំងកងទ័ពក្នុងពិភពលោកមួយនេះ រកឃើញថា កម្ពុជា មានកម្លាំងទ័ពជិត ២សែននាក់ (១៩៥.០០០នាក់) មានទ័ពសកម្មចំនួនជាង ១សែននាក់ (១២៥.០០០នាក់) ហើយទ័ពបម្រុងចំនួន ៧ម៉ឺននាក់។ ចំណែកប្រទេសឡាវ កងទ័ពជាង ១សែន (១៣០.០០០នាក់) មានទ័ពសកម្ម ៣ម៉ឺននាក់ និងទ័ពបម្រុង ១សែននាក់។ កម្ពុជា មានយន្តហោះដឹកជញ្ជូន ២១គ្រឿង និងមានឧទ្ធម្ភាគចក្រ ១៧គ្រឿង ចំណែកប្រទេសឡាវ មានយន្តហោះដឹកជញ្ជូន ១៧គ្រឿង និងមានឧទ្ធម្ភាគចក្រ ២២គ្រឿង។
អង្គការនេះបង្ហាញថា កម្ពុជា មានរថក្រោះ ៥៥០គ្រឿង មានរថពាសដែក ៣០០គ្រឿង និងមានកាំភ្លើងផ្លោង ៦០០គ្រឿង ចំណែកប្រទេសឡាវ មានរថក្រោះ ៥៥គ្រឿង មានរថពាសដែក ១៨៥គ្រឿង និងមានកាំភ្លើងផ្លោង ១៤៩គ្រឿង។ កម្ពុជា មានកងនាវាជើងទឹក ២៧គ្រឿង មាននាវាល្បាត ២៦គ្រឿង ហើយមានកញ្ចប់ថវិកាយោធា ១៩២លានដុល្លារសហរដ្ឋអាមេរិក។ រីឯប្រទេសឡាវ ឯណោះមានកងនាវាជើងទឹក ៣៦គ្រឿង មាននាវាល្បាត ៦១គ្រឿង និងមានកញ្ចប់ថវិកាយោធា ១៨លានដុល្លារសហរដ្ឋអាមេរិក។
ការវាយតម្លៃទាំងនេះបង្ហាញថា កម្ពុជា មានទំហំផ្ទៃដី ១៨១.០៣៥គីឡូម៉ែត្រការ៉េ ដែលមានប្រជាជនជិត ១៦លាននាក់ ចំណែកឡាវ មានផ្ទៃដីទំហំ ២៣៧.៩៥៥គីឡូម៉ែត្រការ៉េដែលមានប្រជាជនជាង ៧លាននាក់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
អត្ថបទពេញនិយម
នយោបាយ
- លោក ហ៊ុន សែន បដិសេធការចោទរបស់វៀតណាម ដែលថា ព្រែកជីកហ្វូណនសម្រាប់សម្រួលវត្តមានយោធាចិន
- លោក ហ៊ុន ម៉ាណែត ថ្លែងការពារគម្រោងព្រែកជីកហ្វូណនតេជោ ក្រោយពេលវៀតណាមរិះគន់
- លោក ហ៊ុន សែន ស្នើជួបមេដឹកនាំរដ្ឋប្រហារយោធាភូមាភ្លាមៗក្រោយឡើងតំណែងជាប្រធានព្រឹទ្ធសភា
- ពលរដ្ឋខ្មែរនៅក្រៅប្រទេសចង់ឃើញលោក ហ៊ុន ម៉ាណែត បង្រួបបង្រួមជាតិឡើងវិញក្នុងឱកាសចូលឆ្នាំខ្មែរ
- មន្ត្រីរដ្ឋាភិបាលអះអាងថា ការជីកព្រែកហ្វូណនជាសិទ្ធិអធិបតេយ្យរបស់កម្ពុជា គ្មានការចាំបាច់បំភ្លឺគ្រប់រឿងដល់វៀតណាមទេ