តំណាងរាស្ត្រ​អាមេរិក​មួយ​រូប​ថា​មិន​អត់​អោន​ឱ្យ​លោក ហ៊ុន សែន ដែល​សម្លាប់​ប្រជាធិបតេយ្យ

ដោយ តាំង សារ៉ាដា
2017-12-18
អ៊ីម៉ែល
មតិ
Share
បោះពុម្ព
លោក​នាយករដ្ឋមន្ត្រី ហ៊ុន សែន ថ្លែង​ក្នុង​កិច្ច​ប្រជុំ​សភា នៅ​ថ្ងៃទី៣១ ខែ​មករា ឆ្នាំ​២០១៧។ Photo courtesy of National Assembly
លោក​នាយករដ្ឋមន្ត្រី ហ៊ុន សែន ថ្លែង​ក្នុង​កិច្ច​ប្រជុំ​សភា នៅ​ថ្ងៃទី៣១ ខែ​មករា ឆ្នាំ​២០១៧។ Photo courtesy of National Assembly
Photo courtesy of National Assembly

តំណាងរាស្ត្រ​អាមេរិក ពី​ខាង​គណបក្ស​សាធារណរដ្ឋ​ប្រចាំ​រដ្ឋហ្វ្លរីដា (Florida) និង​ជា​ប្រធាន​អនុគណៈកម្មការ​កិច្ចការ​បរទេស​សភា​អាមេរិក លោក ថិត យ៉ូហូ (Ted Yoho) បាន​ប្រាប់​ក្រុម​អ្នកសារព័ត៌មាន​ថា សហរដ្ឋអាមេរិក​មិន​អាច​អត់​អោន​ឲ្យ លោក ហ៊ុន សែន ដែល​បាន​សម្លាប់​លទ្ធិ​ប្រជាធិបតេយ្យ​នៅ​កម្ពុជា​នោះ​ទេ ហើយ​សហរដ្ឋអាមេរិក​នឹង​ធ្វើ​ការ​ឆ្លើយ​តប​យ៉ាង​លឿន​ជាទីបំផុត​ដោយ​ប្រើ​វិធានការ​ថ្មីៗ​បន្ថែម​ទៀត។

ការ​អះអាង​របស់​លោក ថិត យ៉ូហូ (Ted Yoho) ធ្វើ​ឡើង​នៅ​ក្រោយ សវនាការ​សួរដេញដោល​គ្នា​មួយ​ក្នុង​រដ្ឋសភា​សហព័ន្ធ​របស់​សហរដ្ឋអាមេរិក កាលពី​ថ្ងៃ​ទី​១២ ខែ​ធ្នូ អំពី​ការស្វែងរក​យុទ្ធសាស្ត្រ​ថ្មីៗ​ដើម្បី​តតាំង​ជាមួយ​រដ្ឋាភិបាល​ក្រុងភ្នំពេញ ដែល​កំពុង​ធ្វើ​សកម្មភាព​គ្រប់​បែប​យ៉ាង ដើម្បី​រុញច្រាន​លទ្ធិប្រជាធិបតេយ្យ​ឲ្យ​ធ្លាក់​ទៅ​ក្នុង​ជ្រោះ​មរណៈ។

លោក​អះអាង​ថា វិធានការ​ថ្មី​ដែល​រដ្ឋសភា​អាមេរិក​គ្រោង​ដាក់​ទណ្ឌកម្ម​បន្ថែម ដល់​រដ្ឋាភិបាល​លោក ហ៊ុន សែន​នោះ នឹង​ចេញ​ជា​រូបរាង​យ៉ាង​យូរ​បំផុត​នៅ​ខែ​មករា​ឆ្នាំ​២០១៨ ខាងមុខ។

ទោះជា​យ៉ាងណាក៏ដោយ លោក ថិត យ៉ូហូ (Ted Yoho) បាន​គាំទ្រ​យុទ្ធសាស្ត្រ​របស់​លោក ហ៊ុន សែន ក្នុង​ការ​ដំឡើង​ប្រាក់ខែ​ដល់​កម្មករ អោយ​បាន ១៧០​ដុល្លារ ក្នុង​មួយ​ខែ​នៅ​ឆ្នាំ២០១៨ ខាងមុខ ប៉ុន្តែ​មិនមែន​មាន​ន័យ​ថា​សហរដ្ឋអាមេរិក​នឹង​អាច​ទន់​ចិត្ត​លែង​ដាក់​សំពាធ​លើ​លោក ហ៊ុន សែន នោះ​ឡើយ។

លោក​បញ្ជាក់​ថា គណៈកម្មការ​សភា​របស់​លោក ចង់​ឲ្យ​ពលរដ្ឋ​ខ្មែរ​ទាំងអស់​បាន​ដឹង​ដែរ​ថា សហរដ្ឋអាមេរិក​មិន​បោះបង់ចោល​ពួកគេ​ឡើយ ហើយ​ប្ដេជ្ញា​តស៊ូ​ទាមទារ​សេរីភាព​ជូន​ពលរដ្ឋ​ខ្មែរ​ឲ្យ​ទាល់តែ​បាន៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល