អ្នកវិភាគ​ថា របប​លោក ហ៊ុន សែន នឹង​រង​ទណ្ឌកម្ម​ពី​សហគមន៍​អន្តរជាតិ​កាន់តែ​ធ្ងន់ធ្ងរ

ដោយ ទីន ហ្សាការីយ៉ា
2018-07-31
អ៊ីម៉ែល
មតិ
Share
បោះពុម្ព
អ្នក​សិក្សា​ស្រាវជ្រាវ​ការ​អភិវឌ្ឍ​សង្គម លោក​បណ្ឌិត មាស នី (ឆ្វេង) និង​លោក​នាយករដ្ឋមន្ត្រី ហ៊ុន សែន។
អ្នក​សិក្សា​ស្រាវជ្រាវ​ការ​អភិវឌ្ឍ​សង្គម លោក​បណ្ឌិត មាស នី (ឆ្វេង) និង​លោក​នាយករដ្ឋមន្ត្រី ហ៊ុន សែន។
Photo: RFA

រដ្ឋាភិបាល​ថ្មី​នៃ​របប​លោក ហ៊ុន សែន នឹង​បង្កើត​ឡើង​ក្នុង​ពេល​ឆាប់ៗ​នេះ យ៉ាង​យូរ​រយៈពេល​៦០​ថ្ងៃ​ទៀត។ ទោះបីជា​គណបក្ស​ប្រជាជន​កម្ពុជា​ឈ្នះ​ឆ្នោត​ភ្លូក​ទឹក​ភ្លូក​ដី ដែល​មេដឹកនាំ​បក្ស​នេះ សំដែង​មោទនភាព​ពី​ជោគជ័យ​នេះ យ៉ាងណាក្ដី សហគមន៍​អន្តរជាតិ​លើកឡើង​ថា ការ​បោះឆ្នោត​នេះ មិនមែន​ជា​ការបោះឆ្នោត​ដែល​ឆ្លុះបញ្ចាំង​ពី​ឆន្ទៈ​រាស្ត្រ ហើយ​លទ្ធផល​បោះឆ្នោត មិនមែន​ជា​លទ្ធផល​ដែល​សហគមន៍​អន្តរជាតិ​ទទួលស្គាល់​ឡើយ។

អ្នកវិភាគ​លើក​ឡើង​ថា របប​ថ្មី​លោក ហ៊ុន សែន ជៀស​មិន​ផុត​ពី​ទណ្ឌកម្ម​អន្តរជាតិ​ឡើយ ដោយសារតែ​របប​នេះ បាន​រៀបចំ​ការបោះឆ្នោត​មិន​ដើរ​តាម​គន្លង​ប្រជាធិបតេយ្យ សេរី ត្រឹមត្រូវ និង​យុត្តិធម៌ ឬ​គេ​ហៅថា ជា​ការ​បោះឆ្នោត​ក្លែងក្លាយ​នោះ។

អ្នកឃ្លាំមើល​ផ្នែក​អភិវឌ្ឍន៍​សង្គម លោក បណ្ឌិត មាស នី មាន​ប្រសាសន៍​ថា អ្នកណា​ក៏​ដឹង​ទៅ​ហើយ​ថា គណបក្ស​ប្រជាជន​កម្ពុជា នឹង​ឈ្នះ​ការបោះឆ្នោត​កាលពី​ថ្ងៃ​ទី​២៩ កក្កដា ១០០​ភាគរយ ទៅ​ហើយ ក៏​ប៉ុន្តែ​អ្វី​ដែល​ជា​រឿង​ប្រទាញប្រទង់​គ្នា​នោះ គឺ​លទ្ធផល​បោះឆ្នោត ព្រោះថា គណបក្ស​កាន់អំណាច​ខិតខំ​ឃោសនា​ឲ្យ​ពលរដ្ឋ​ទៅ​បោះឆ្នោត ធ្វើ​យ៉ាងណា​ឲ្យ​ឃើញ​ពី​អ្នក​ទៅ​បោះឆ្នោត​មាន​ចំនួន​ច្រើន រីឯ​បក្ស​ប្រឆាំង និង​ពលរដ្ឋ​មិន​គាំទ្រ​ការបោះឆ្នោត​នេះ ខំ​ធ្វើ​យុទ្ធនាការ​ម្រាមដៃ​ស្អាត ឬ​ប្រឆាំង​នឹង​ការ​បោះឆ្នោត។ នៅ​ទីបំផុត​គ..ប ដែល​លំអៀង​ទៅ​គណបក្ស​កាន់អំណាច​នោះ បង្ហាញ​លទ្ធផល​នៃ​ការ​បោះឆ្នោត​ថា អ្នក​ទៅ​បោះឆ្នោត​មាន​ចំនួន​ច្រើន គឺ​ជាង ៨២%

លោក​បណ្ឌិត មាស នី បន្ថែម​ថា ការ​បោះឆ្នោត​នីតិកាល​ទី​៦​នេះ ពិបាក​នឹង​សន្មត​ថា ចំនួន​អ្នក​បោះឆ្នោត​ដែល​បង្ហាញ ដោយ​គ..ប​នោះ ត្រឹមត្រូវ​កម្រិត​ណា​ណាស់ ព្រោះ​ថា ការ​បោះឆ្នោត​នេះ គ្មាន​ស្ថាប័ន​ឯករាជ្យ​ណាមួយ​ចូលរួម​ឃ្លាំមើល​ការ​បោះឆ្នោត​នេះ​ទេ។ «»

ទន្ទឹម​នឹង​គ..ប បាន​ចេញ​លទ្ធផល​បោះឆ្នោត​បណ្ដោះអាសន្ន​នេះ ប្រទេស​លោក​សេរី ដែល​ប្រកាន់​របប​ប្រជាធិបតេយ្យ​នោះ បាន​ចេញ​ថ្លែងការណ៍​ថ្កោលទោស និង​មិន​ទទួលស្គាល់​លទ្ធផល​បោះឆ្នោត ជា​បន្តបន្ទាប់ ក្នុង​នោះ​មាន សហរដ្ឋអាមេរិក សហភាព​អឺរ៉ុប ដែល​មាន​ប្រទេស​ចំនួន​២៨ ជា​សមាជិក ២៨ ក្រុម​សមាជិកសភា​អាស៊ាន ដើម្បី​សិទ្ធិមនុស្ស (APHR) និង​ប្រទេស​មួយ​ចំនួន​ទៀត។

រដ្ឋធម្មនុញ្ញ​មាត្រា​៨២​ថ្មី ចែង​ថា រដ្ឋសភា​បើក​សម័យប្រជុំ​ដំបូង ហុកសិប​ថ្ងៃ​យ៉ាង​យូរ ក្រោយ​ការ​បោះឆ្នោត តាម​ការ​កោះ​ប្រជុំ​របស់​ព្រះមហាក្សត្រ។

លោក​បណ្ឌិត មាស នី មានប្រសាសន៍​ថា របប​ថ្មី​របស់​លោក ហ៊ុន សែន នឹង​ប្រឈម​បញ្ហា​បី ទាក់ទង​នឹង​ការ​ទទួល​បាន​ការ​អនុគ្រោះ​ពន្ធ​បន្ត​ទៀត​ពី​សហភាព​អឺរ៉ុប និង​សហរដ្ឋអាមេរិក។ លោក អះអាង​ថា សហភាព​អឺរ៉ុប និង​អាមេរិក អាច​នឹង​ប្រើ​វិធានការ​បី សម្រាប់​ការ​ដាក់​ទណ្ឌកម្ម​រដ្ឋាភិបាល​ថ្មី​របស់​កម្ពុជា គឺ​គេ​អាច​លុបចោល​ទាំងស្រុង ព្យួរ​ទាំងស្រុង ព្យួរ​ផ្នែក​ណាមួយ លើ​ការ​អនុគ្រោះ​ពន្ធ សម្រាប់​កម្ពុជា។ «»

រី​ឯ​នាយករង​នៃ​អង្គការ​ឃ្លាំមើល​សិទ្ធិមនុស្ស​អន្តរជាតិ យូមែន រ៉ៃត៍ វ៉ច្ឆ លោក ហ្វីល រ៉ូប៊ឺតសុន (Phil Robertson) អះអាង​ដែរ​ថា របប​លោក ហ៊ុន សែន បាន​ជោគជ័យ​លើ​ការបោះឆ្នោត​ដ៏​ត្រចះត្រចង់​នេះ គឺ​ដោយសារតែ​លោក​បាន​រំលាយ​គណបក្ស​សង្គ្រោះជាតិ។ លោក​បន្ថែម​ថា បញ្ហា​សំខាន់ នៅ​ពេល​នេះ​គឺ ចាំ​មើល​ជំហាន​បន្ទាប់ពី​សហគមន៍​អន្តរជាតិ ព្រោះ​ថា ការបោះឆ្នោត​នេះ ពោរពេញ​ដោយ​ភាព​មិន​ត្រឹមត្រូវ ហើយ​នេះ វា​ជា​កណ្ដឹង​បន្លឺ​សញ្ញា​ព្រមាន​ចុងក្រោយ​ដល់​ដំណើរការ​លទ្ធិប្រជាធិបតេយ្យ​នៅ​កម្ពុជា។ ជា​ការ​ពិត ការបោះឆ្នោត​នេះ មាន​អ្នកសង្កេតការណ៍​បរទេស​មួយ​ចំនួន ដែល​បាន​មក​មើល​ការបោះឆ្នោត​ដែរ តែ​ប្រទេស​ដែល​មក​សង្កេតការណ៍​នេះ ជា​ប្រទេស​មិន​មាន​លទ្ធិប្រជាធិបតេយ្យ​ទេ ដូចជា​ប្រទេស​បេឡារ៉ូស ជាដើម។

លោក​សង្កត់ធ្ងន់​ថា ការបោះឆ្នោត​លើក​នេះ គណបក្ស​ប្រជាជន​កម្ពុជា មាន​សំឡេង​ភាគច្រើន​លើសលប់​បំផុត​នៅ​ក្នុង​សភា ហើយ​រដ្ឋាភិបាល​អាច​ធ្វើ​អ្វីៗ​តាម​អំពើ​ចិត្ត ហើយ​នឹង​ប្រើប្រាស់​សភា​គ្រាន់តែ​ជា​អ្នក​ប្រថាប់ត្រា​តែប៉ុណ្ណោះ៖ «អ្វី​ដែល​យើង​កំពុង​រង់ចាំ​នា​ពេល​នេះ គឺ​ការ​ដាក់​ទណ្ឌកម្ម​បន្ថែម​ពី​សហគមន៍​អន្តរជាតិ​ប្រឆាំង​ប្រទេស​កម្ពុជា ហើយ​រដ្ឋាភិបាល​សហរដ្ឋ​អាមេរិក បាន​ចេញ​សេចក្ដីថ្លែងការណ៍​រួចហើយ​ថា ខ្លួន​នឹង​ដាក់​ទណ្ឌកម្ម​បន្ថែម​ដល់​មន្ត្រី​រដ្ឋាភិបាល​កម្ពុជា ដូចជា​ការ​ផ្អាក​ទិដ្ឋាការ​ក្នុង​ការ​ធ្វើដំណើរ និង​បង្កក​ទ្រព្យសម្បត្តិ​ជាដើម»

សហភាព​អឺរ៉ុប គំរាម​ដក​ប្រព័ន្ធ​អនុគ្រោះ​ពន្ធ អ្វីៗ​ទាំងអស់​លើកលែងតែ​អាវុធ (EBA, Everything But Arms) ពី​កម្ពុជា ក្រោយ​បិទ​បញ្ចប់​បេសកកម្ម​រយៈពេល ៧​ថ្ងៃ នៅ​កម្ពុជា នៅ​មុន​ពេល​បោះឆ្នោត។ ការ​គំរាម​អំពី​ចំណាត់ការ​ចុងក្រោយ​របស់​សហភាព​អឺរ៉ុប​នេះ ធ្វើឡើង​ស្រប​ពេល​ដែល​គណៈប្រតិភូ​បេសកកម្ម​ស្វែងរក​ការពិត​របស់​សហភាព​អឺរ៉ុប កំពុង​ចាប់ផ្ដើម​ធ្វើការ​វាយតម្លៃ​ស្ថានភាព​ពិតប្រាកដ ក្រោយ​បិទ​បញ្ចប់​បេសកកម្ម​របស់​ខ្លួន ពាក់ព័ន្ធ​នឹង​ដំណើរការ​វិវឌ្ឍ​វិស័យ​សិទ្ធិមនុស្ស និង​វិស័យ​ការងារ ដ៏​គួរ​ឲ្យ​ព្រួយបារម្ភ​នៅ​កម្ពុជា នា​រយៈពេល​ចុងក្រោយ​នេះ។

ស្នងការ​ពាណិជ្ជកម្ម​សហភាព​អឺរ៉ុប អ្នកស្រី Cecilia Malmstrom ថ្លែង​សង្កត់ធ្ងន់​ថា គោលនយោបាយ​ពាណិជ្ជកម្ម​របស់​សហភាព​អឺរ៉ុប គឺ​ផ្ដោត​លើ​ទិដ្ឋភាព​សំខាន់ៗ​មួយ​ចំនួន រួមមាន យុត្តិធម៌​សង្គម ការ​គោរព​សិទ្ធិមនុស្ស សេរី​ភាពជា​មូលដ្ឋាន និង​បទដ្ឋាន​ការងារ​ជាដើម៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (4)
Share

អ្នក​អាន​អនាមិក

ពី USA

THE LEADER , BEASTS , TRAITORS , DICTATORS HUN SEN AND NEPOTISM TRING TO DESTROYING CAMBODIA GIVING AWAY TO YOUN AND CHINES TO CONTROL THE HOLL IN CAMBODIA 'S LANDS ! ! !

Aug 01, 2018 10:45 AM

អ្នក​អាន​អនាមិក

please put the sanction that effect to the personal interest of the high ranking official who destroyed democracy in Cambodia, make the sanction into effect soon, so they can tastes and feel it.

Jul 31, 2018 09:27 PM

tmil Hussein won slicely without any party against him at all...

It's ridiculous... to tmil Hussein's unofficial election on July 29,2018 who ran campaigned without any top political contender against him...but tmil Hussein who ran election to against those small liberal parties"who supported him/created by himself",to shoving to the world and international community to keep continue aids and free financial for his corrupt govm't.Tmil Hussein's con-artists vote fraud thief election board Sik BunHok said more than 6 millions in among 16 millions Cambodian populations had been registries to voted...but the rest of all 10 millions pple who weren't voted or stayed home are going to supported the opposition top party contender"CNRP",but it isn't has in the voting listed,because tmil Hussein abolished them before election coming,fear lose election to the great top opposition party"CNRP" and fear his mafia govm't would face a justice ahead,that why he had to destroyed them first"worst fear election criminal minds".It was trued to showed that this unofficial election and called unofficial govm't as a faked election to face the hash world economic sanctions ahead and banned all Hussein's top pundits officials travel abroad with face a justice ahead"world most wanted".

Jul 31, 2018 01:59 PM

tmil Hussein won slicely without any party against him at all...

It's ridiculous... to tmil Hussein's unofficial election on July 29,2018 who ran campaigned without any top political contender against him...but tmil Hussein who ran election to against those small liberal parties"who supported him/created by himself",to shoving to the world and international community to keep continue aids and free financial for his corrupt govm't.Tmil Hussein's con-artists vote fraud thief election board Sik BunHok said more than 6 millions in among 16 millions Cambodian populations had been registries to voted...but the rest of all 10 millions pple who weren't voted or stayed home are going to supported the opposition top party contender"CNRP",but it isn't has in the voting listed,because tmil Hussein abolished them before election coming,fear lose election to the great top opposition party"CNRP" and fear his mafia govm't would face a justice ahead,that why he had to destroyed them first"worst fear election criminal minds".It was trued to showed that this unofficial election and called unofficial govm't as a faked election to face the hash world economic sanctions ahead and banned all Hussein's top pundits officials with face a justice ahead"world most wanted".

Jul 31, 2018 01:57 PM

គេហទំព័រ​ទាំងមូល