សកម្មជនបក្សប្រឆាំងម្នាក់ទៀតនៅបន្ទាយមានជ័យដែលសមត្ថកិច្ចចាប់ខ្លួនត្រូវបានដោះលែង
2019.11.14
តុលាការខេត្តបន្ទាយមានជ័យ
អាជ្ញាធរខេត្តបន្ទាយមានជ័យបានចាប់ខ្លួនសកម្មជនគណបក្សសង្គ្រោះជាតិម្នាក់ទៀតក្រោមបទចោទប្រកាន់ពីបទ «រួមគំនិតក្បត់» ប៉ុន្តែក្រោយមកបានដោះលែងមកវិញ បន្ទាប់ពីសមត្ថកិច្ចបានសាកសួរអស់រយៈពេលជិត ១០ម៉ោងរួចមក។
សាក្សីសុំមិនបញ្ចេញ ឈ្មោះ និងសំឡេងបានឱ្យដឹងថា សកម្មជនគណបក្សសង្គ្រោះជាតិដែលអាជ្ញាធរខេត្តបន្ទាយមានជ័យចាប់ខ្លួនគឺលោក ស្រី ម៉ា នីតា ត្រូវអាជ្ញាធរចាប់ខ្លួនចេញពីផ្ទះនៅក្នុងភូមិមិត្តភាព សង្កាត់ប៉ោយប៉ែត ក្រុងប៉ោយប៉ែតខេត្តរួចហើយ ដាក់ក្នុងរថយន្តយកទៅស្នងការប៉ូលិសខេត្តបន្ទាយមានជ័យ។
សកម្មជនគណបក្សសង្គ្រោះជាតិក្រុងប៉ោយប៉ែត លោកស្រី ម៉ា នីតា ប្រាប់អាស៊ីសេរីថា សមត្ថកិច្ចបានដោះលែងអ្នកស្រីមកវិញហើយ ក្រោយពីសាកសួរលោកស្រីពាក់ព័ន្ធនឹងសកម្មភាពគណបក្សប្រឆាំង។ លោកស្រីមិនបានដឹងអំពីមូលហេតុពិតប្រាកដដែលសមត្ថកិច្ចចាប់ខ្លួនលោកស្រីដែរ តែបើតាមមន្ត្រីសិទ្ធិមនុស្សបញ្ជាក់ថា ការចាប់ខ្លួននេះគឺដោយសារតែលោក ស្រី ម៉ា នីតា បានបង្ហោះសារនៅលើទំព័រហ្វេសប៊ុកគាំទ្រលោក សម រង្ស៊ី វិលចូលមាតុប្រទេសវិញ។
អាស៊ីសេរីមិនអាចទាក់ទងស្នងការប៉ូលិសខេត្តបន្ទាយមានជ័យបានទេ ដោយទូរស័ព្ទរបស់លោកគ្មានអ្នកទទួល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
អត្ថបទពេញនិយម
នយោបាយ
- លោក ហ៊ុន សែន បដិសេធការចោទរបស់វៀតណាម ដែលថា ព្រែកជីកហ្វូណនសម្រាប់សម្រួលវត្តមានយោធាចិន
- លោក ហ៊ុន ម៉ាណែត ថ្លែងការពារគម្រោងព្រែកជីកហ្វូណនតេជោ ក្រោយពេលវៀតណាមរិះគន់
- មន្ត្រីរដ្ឋាភិបាលអះអាងថា ការជីកព្រែកហ្វូណនជាសិទ្ធិអធិបតេយ្យរបស់កម្ពុជា គ្មានការចាំបាច់បំភ្លឺគ្រប់រឿងដល់វៀតណាមទេ
- លោក ហ៊ុន សែន ស្នើជួបមេដឹកនាំរដ្ឋប្រហារយោធាភូមាភ្លាមៗក្រោយឡើងតំណែងជាប្រធានព្រឹទ្ធសភា
- ពលរដ្ឋខ្មែរនៅក្រៅប្រទេសចង់ឃើញលោក ហ៊ុន ម៉ាណែត បង្រួបបង្រួមជាតិឡើងវិញក្នុងឱកាសចូលឆ្នាំខ្មែរ