អ្នកស្រី អ៊ុង សានស៊ូជី មកបំពេញទស្សនកិច្ចនៅកម្ពុជារយៈពេល ៣ថ្ងៃ
2019.04.29
អ្នកស្រី អ៊ុង សានស៊ូជី (Aung San Suu Kyi) ទីប្រឹក្សារដ្ឋ និងជារដ្ឋមន្ត្រីក្រសួងការបរទេស នៃសហភាពមីយ៉ាន់ម៉ា (Myanmar) ពេលមកដល់វាលយន្តហោះអន្តរជាតិភ្នំពេញ នៅរសៀលថ្ងៃទី២៩ ខែមេសា ឆ្នាំ២០១៩។
រូប៖ ហ្វេសប៊ុក Ministry of Foreign Affairs Myanmar
ទីប្រឹក្សារដ្ឋ និងជារដ្ឋមន្ត្រីក្រសួងការបរទេសនៃសហភាពមីយ៉ាន់ម៉ា (Myanmar) អ្នកស្រី អ៊ុង សានស៊ូជី (Aung San Suu Kyi) បានមកដល់ប្រទេសកម្ពុជាហើយ នៅរសៀលថ្ងៃទី២៩ មេសា ក្នុងដំណើរទស្សនកិច្ចរយៈពេល ៣ថ្ងៃ។
ទស្សនកិច្ចផ្លូវការរបស់អ្នកស្រីនៅកម្ពុជានេះ គឺដើម្បីពង្រឹង និងពង្រីកបន្ថែមទៀតនូវចំណងមិត្តភាព និងកិច្ចសហប្រតិបត្តិការទ្វេភាគីលើគ្រប់វិស័យ ទាំងក្នុងក្របខ័ណ្ឌអាស៊ាន និងពហុភាគីដទៃទៀត។ នេះបើតាមការបញ្ជាក់របស់លោក ហ៊ុន សែន នៅលើហ្វេសប៊ុករបស់លោកនៅថ្ងៃទី២៩ មេសា។
អ្នកស្រី អ៊ុង សានស៊ូជី នឹងចូលបង្គំគាល់ព្រះមហាក្សត្រ ព្រះបាទ នរោត្តម សីហមុនី និងសម្ដេចម៉ែ មុនីនាថ សីហនុ នៅក្នុងព្រះបរមរាជវាំង ហើយនឹងអញ្ជើញទៅគោរពវិញ្ញាណក្ខន្ធព្រះបរមរតនកោដ្ឋនៅស្តូបវិមានឯករាជ្យផងដែរ។ ក្រៅពីនេះ អ្នកស្រីនឹងជួបពិភាក្សាការងារជាមួយមន្ត្រីគ្រាក់ៗ នៃរបបក្រុងភ្នំពេញ រួមមាន ប្រធានព្រឹទ្ធសភា លោក សាយ ឈុំ ប្រធានរដ្ឋសភា លោក ហេង សំរិន និងលោកនាយករដ្ឋមន្ត្រី ហ៊ុន សែន។ បន្ទាប់ពីនេះ អ្នកស្រីនឹងទៅទស្សនាប្រាសាទមួយចំនួន នៅខេត្តសៀមរាប មុននឹងចាកចេញពីកម្ពុជានៅថ្ងៃទី០១ ឧសភា ខាងមុខ។
នេះជាដំណើរទស្សនកិច្ចផ្លូវការលើកដំបូងបង្អស់របស់អ្នកស្រី អ៊ុង សានសូជី មកកាន់កម្ពុជា បន្ទាប់ពីអ្នកស្រីបានក្លាយជាទីប្រឹក្សារដ្ឋ ដែលជាតំណែងស្រដៀងនឹងនាយករដ្ឋមន្ត្រី និងបន្ទាប់ពីប្រទេសមីយ៉ាន់ម៉ា ឬភូមា បានបិទបញ្ចប់សករាជនៃរបបយោធាផ្ដាច់ការ កាលពីឆ្នាំ២០១៦ កន្លងទៅ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- អ្នកតាមដាននយោបាយថា អាមេរិកដាក់ទណ្ឌកម្ម លោក លី យ៉ុងផាត់ ជាការកាត់ផ្ដាច់សរសៃឈាមសេដ្ឋកិច្ចរបស់បក្សកាន់អំណាច
- កញ្ញា ឈឹម ស៊ីថរ រក្សាជំហរតស៊ូ ដើម្បីសេរីភាពសហជីព និងការពារផលប្រយោជន៍កម្មករក្រោយមានសេរីភាព
- ហេតុអ្វីបានជាអាមេរិកដាក់ទណ្ឌកម្ម «ស្តេចកោះកុង»?
- ក្រសួងការបទេស និងគណបក្សប្រជាជនកម្ពុជាចាត់ទុកថា ជារឿងអយុត្តិធម៌ ដែលក្រសួងរតនាគារសហរដ្ឋអាមេរិកដាក់ទណ្ឌកម្មលើលោក លី យ៉ុងផាត់
- សមត្ថកិច្ចចាប់ខ្លួន លោក ហោ សុខុន អតីតព្រះចៅអធិការវត្តច្បារអំពៅ និងមនុស្ស ៣ទៀត
អត្ថបទពេញនិយម
នយោបាយ
- គណបក្សកម្លាំងជាតិបោះឆ្នោតជ្រើសតាំងលោក ជា មុនី ធ្វើជាប្រធានបក្ស
- អ្នកឃ្លាំមើលថា កម្ពុជាខាតបង់ផលប្រយោជន៍ធំធេង ក្រោយពេលស៊ុយអែតបិទស្ថានទូតនៅក្រុងភ្នំពេញ
- អ្នកឃ្លាំមើលថា លោក ហ៊ុន សែន និងលោក ហ៊ុន ម៉ាណែត អសមត្ថភាពក្នុងការដោះស្រាយបញ្ហា ទើបប្រកាសធ្វើច្បាប់ចោទអ្នករិះគន់ថា ជាក្រុមភេរវកម្ម
- ហេតុអ្វីបានជាលោក ហ៊ុន សែន មិនហ៊ានក្អកជាមួយវៀតណាមក្នុងរឿង CLV?
- មន្ត្រីបក្សប្រឆាំង និងសង្គមស៊ីវិល រិះគន់រដ្ឋមន្ត្រីក្រសួងមហាផ្ទៃ ដែលណែនាំនគរបាលឲ្យបន្តបង្ក្រាបអ្នកប្រឆាំង